今朝晨早流流..
比阿媽嘈醒左喇∼
的左我陪佢入大澳，總算不枉此行既都..
雖然就唔係大大大開心。
落到樓，同阿媽係樓下Circle-K買左4個包包
1個丹麥條,1個蒜蓉包同埋1個Cappuccino麵包，
仲有阿媽揀左個腸仔牛角包，
然後去到巴士站Join埋布姨..
等到上左車之後，喂..唔好講笑..
等我開餐先，首先食左個鹹既蒜蓉包包∼
個味道怪怪地既??好似唔知落錯咩咁..
之後唔夠飽啵..就食埋第2個包包.丹麥條
食落去..都唔好味既，唔夠蜜糖甜味同埋冇提子
食完之後，阿媽同布姨仲係度傾緊計，
我就繼續食..試埋個見到好似好好味既包包..Cappuccino包先∼
1啖...大啖咬！
嗯∼∼好香 好味道∼∼∼∼！！嘻嘻...
Cappuccino包包....
食完之後，飲埋包禁制飲料...
飽飽喇...
阿媽突然間擰過尼問我『哇?你食晒3個包喔??』
之後布姨話係咁上下啦∼蛀米大蟲，等佢食多2.3年啦..
食多2.3年就咪鬼比佢食喇.自己搵野食..[=.=2]
去到東涌之後，坐左係間法式麵包店度等埋人..
跟住又買野食佢地..我就嗌左杯Mochacino∼
1般味道..連McDonald果D都好飲過佢..
跟住4個人去搭車入大澳，
坐果架巴士係條山路到行...
我第1時間諗起頭D ..
好似土坂D路咁..又窄又斜..
超恐怖...
入到去..
1落車行左幾步路..
就有個略帶水上人口音既"中年哥哥仔"行埋尼問我地
『出唔去海睇海豚喔??頭先我出過1次去見到有喎！係去就快喇..
唔係時時有架∼真係想睇下就趁岩岩有..而家去睇下喇！』
20蚊位..又唔貴...我地又去試下見唔見到，
出到海，首先去睇左1舊叫做『將軍岩』既石..
佢地話似個將軍挨住係個山邊度，我淨係睇到個頭..
其他乜都唔覺似..
然後繼續開船1口氣衝喔∼∼∼∼∼∼
去到海度.船家突然開慢隻船話，係呢度架喇..
『搵下喇拿∼』跟住係度慢慢兜...
經過一兩分鐘之後..船家突然話
『Lei , Lei , Lei , 果度有喇！係船頭左手面...』
望過去睇睇...哇！好靚喔..係我最中意既果隻粉紅色#ffccff喔！！
跟住過左陣隻海豚又潛走左..消失左1陣..
船家見我地悶悶地又講解下D海豚，
佢話通常D海豚細隻果陣呢..就白白地灰灰地色既..
慢慢長大,就會變灰色..然後變粉紅色...好靚喔
過左1陣,我地係船上面望到遠處有1堆浪花反起...
我地係度研究....
原來...果度真係『1大堆』海豚尼架！！！！
可惜係好遠丫...
然後再搵左陣..我地又見到海豚出現喇∼
有2隻...1隻粉紅色.1隻灰灰地色..
跟住臨走..我又見到1隻粉紅色既...好靚∼!!!
落船係梅窩行行下..
係路邊見到個好熟口面既人...
『咦??呢個咪...!?』
『思琦妹 ！？』
原來楊思琦真人都幾靚女架..同上境差唔遠..
靚應該係幾靚架喇,不過佢化個妝都頗濃下..
同埋..原來思琦妹好細粒...
不過佢幾好人...D人話佢好高檔..都唔係丫...
最好就係佢咁忙係度忙拍緊唔知咩特緝，
我地嗌佢1齊影張相佢都肯果下好嘛....
之後我地1行4人就走左去食梅窩山水豆腐花...
好似唔夠阿媽整D好味...=.="
我即刻出聲話『好似阿媽整得食D啵..』
然後布姨+句話『緊係啦~你阿媽果整頭掂啦!!以前係朗屏住,個個1嗌親"嫦姨我要食xxx"』
阿媽都會整尼比大家食..阿媽整野食真係好叻
我諗我而家得佢...1成真傳..都冇...[cry5]
跟住四圍行..行左去新機大橋，
果度好自然..全部都係棚屋，但係入面好靚架..有冷氣..有sofa..唔係你諗到咁...
而且仲好舒服...間間都係..因為佢地間間都有1個好聰明既設計...
雙層牆壁∼首先係出面有1層鐵皮.髹光油,然後入面係1層果D唔知咩木(唔係殘破木尼..係類似有d人屋企地板果種..)
呢種設計令到家屋永遠都保持涼爽...真係好聰明
鐵皮吸熱,但係同木牆中間既空位隔開左間屋.令到熱力唔滲入屋
冷空氣滲入木牆.但係好難出到鐵皮牆出面...
令到間空長期都咁通爽...
真係好住...如果可以渡下假住返3.5.7日都唔錯...!!!
之後去到走1度可以落去河邊果度..
條河因為水退.呢排冇水喎...
係"地"面有好多蟹仔同彈塗魚喔∼好得意...
D蟹仔唔係普通蟹...佢地1隻鉗大1隻鉗細..
大隻鉗橙色.細果隻白色...好特別!!
D彈塗魚係度跳跳下..爬爬下...勁得意...
跟住我行落去果度試下捉蟹仔啦....
點知.......
我都未mou低...
D蟹仔已經入晒d泥果d窿窿入面=.=.....呃錢既...捉唔到...
之後走左去食Lunch，
餐飯我真係永世難忘...
布姨『蝦醬炒飯好冇喔∼？』
我即刻樣都變埋...超驚嚇！！
我阿媽指住我個跌到落地下既嘴話...
『你睇我個低B仔..佢好怕蝦醬味』
但係最後都要食...T^T*
行到3點幾...
搭車走本身諗住,
但係佢地諗諗下又話想坐下360纜車...
跟住就搭左車上昂平食糖水..[shy1]
然後去坐360纜車...
風景勁靚...
之後去左高姨屋企..
佢隻狗仔超可愛...白色既松鼠狗(混種)
又乖..困係個籠既時侯唔會嘈.放佢出尼佢就玩..
超精靈.百厭..又為食...哈哈...
抱住佢嗌下佢..佢兩隻耳仔會郁...好得意！！
之後食飽飽飯，搭車返屋企...
沖完涼..想打比2小姐..個電話...
岩岩先收到訊號(有服務)..
但係..夜喇...算啦..聽日先 |
