上回：琴晚溫中史溫通頂
溫書溫到朝早5點半左右，個人卒之都頂唔順，
好累...因為中途冇食野、冇啪雞精、冇灌啡、隊葡萄適之類既野，
訓左1個鐘頭起身嗌阿Ple起身，
之後我再恰多1恰..
突然間..電話響...
電話螢幕上寫住『鳳儀』
1聽..原來係佢關心我琴晚溫書溫成點...
好多謝妳..鳳儀..
我聽佢個電話果陣..我真係處於超累狀態..
雖然仲有意識知道自己講緊咩..
但係我已經忍唔住係有少少用態度去膚衍佢，
希望唔好做到嗌佢唔好阻住我抖1陣..但係又比佢知道我好累不過好多謝佢..
佢最後都好叻咁話『咁你1陣記得努力喇..你1陣有咩事..就打比我啦!』
之後就出發去考中史，考完之後，
捉左肥雞同Kyo陪我去OK見工，
1聽到個女人話"我地呢度要輪班架啵！"即刻冇晒興趣，
仲要我自己填想要幾多$/hr，
填完份表搞掂之後就搭左車返屋企，係車度打左電話比阿Ple，
話佢知我要返屋企訓陣先，1陣出去果陣嗌佢打比我...
之後就返屋企食完野就訓教...
訓到咁上下，阿媽返左尼，
嗌左佢比錢我之後再訓，
訓到2點左右啦..肥雞、阿Ple打尼嗌我出去，
即刻執野出去，去到西鐵...
上車見到晒佢地
Camen家姐,波菜,Ceci,阿婆,阿Ple,誠武,
Momo傑,肥雞,Edmond,阿欣∼
成班係晒度...
Edmond唔係話搭小巴架咩!?
係架西鐵度，家姐1見到我..
就問左1句『咦!瓜子妹呢?』
我自己都未尼得切反應既1刻..
家姐已經自己答左『哎..唔好意思..』
我繼而微笑冇再講落去，
但係好奇怪..
心諗『連家姐都知我有事..??』
不過..唔理咁多喇..多謝妳關心..家姐=]
哈哈...真係唔好意思..
因為訓教..所以遲到添...
1落車肥雞嗌支援，我即刻幫佢手拎野...
唔好意思架嘛！個個都係晒度，係我1個遲到！
去到3聖，我都係幫手做多D野先 ，
幫手拎汽水啦..之類咁，
然後去到灣果度，Cindy係度，波菜都到埋喇∼
佢地班女仔去左玩，我就係度努力透爐...
D炭好屎..好難著..
經過同肥雞、Edmond、波菜4個人加埋1輪搏鬥之後，搞左好耐，終於得左∼！
呢個時侯，D女仔突然間好似有D事，
原來Yoyo整親..陰公羅...
不過冇咩大礙..
燒左陣，D女仔開始返上尼，
大家都好投入咁係度燒，似乎大家都投入係快樂之中..
坐係爐邊既，話題都係圍繞住D火爐上面既食物，哈哈∼
『打你落去丫拿』、『冇位呀！』、『燶喇！』、『得未架∼』
燒到好似7點左右啦，大家都開始玩、傾計，有人繼續燒...
我唔知點解覺得突然間有D野係自己既身體,腦海,骨頭到閃過...
電話...!!
我拎左拎話出尼，走左落海灘角落頭舊大石度..打左返屋企同阿媽講今晚遲返，
之後打左比2小姐...
同佢傾左幾句..佢話手提就爆..嗌我打屋企...
於是就打去佢屋企..
我係呢1段時間入面..我不斷咁為自己既不忿尋找答案！
不斷咁忍痛去誘使佢比答案我..
因為之前打佢手提..因為我姪左佢1句.所以佢有少少唔耐煩嗌我返去玩，去燒野食，
所以我解釋完我食左好多野,玩左好耐之後我問佢『咁而家當妳陪我得唔得??』
去用1種好飄渺既朋友身份去試探佢..雖然我明知咁做唔會有答案..
有..都只會有1個虛擬既答案...
我記得..起初我問佢『妳後日要考Bio喇..妳有冇打算溫呢??』
唔知點解..我覺得..我既話題好似只可以到呢個Level..站於1個同學既角度去問候佢..
以有所保留既位置去試探...係咪我自己做多左..到底呢1條路既盡頭係邊..係咪我自己傻..??
去到路既盡頭..都仲傻更更咁行多1步跳落個海度，自尋死路??
幸而，佢比1個幾好既反應我..
佢話佢會溫..只係唔知本書去左邊，
我就話佢知，係我度，
繼而，佢屋企開始準備緊食飯，
佢係度整緊佢阿爸部電話d聆聲喔..果d野，
而係呢個時侯，唔知係咪真係咁殘酷...
偏偏佢無意地唱左幾句歌..
我果刻真係傻眼左...
『( 迎面而來的月光拉長身影
因為我1個人 )∼咦！好似唔係啵((解:唱錯歌詞))，
(愛我別走....)』
當我1聽到呢幾句歌詞..
我更加諗起以前既事..
其實好想開口同佢講..『可唔可以唔好係呢首歌??』
但係我忍住冇講到..
呢1段短短幾10秒既歌詞..??
又算係佢既反擊??佢對我既試探嗎..??
如果係的話...好對唔住..我1定唔知格..
因為我聽到果1刻..只係定左神..回憶從前..
咩都冇講..咩都冇答..
到佢唔知係咪開始幫手拎野既時侯，
佢問左我1個問題『你講果個望住佢訓既，係咪阿Ple尼架?？』
果刻..我好唔明佢問緊咩..""
即刻係度諗..幾時..??望住??訓教??阿ple??
我問返佢講緊咩??佢話比小小時間我load，佢行開陣整野，
咁岩...係呢個時侯，阿Ple企左係我後面...
望住我..我見佢企左係度，所以指指我坐緊既大石後面既空位..嗌佢坐..
佢坐低之後好輕咁挨左我1下,我見佢正準備開聲唔知想講咩果下...
我做左個動作嗌佢唔好出聲住..
佢做左個動作問我邊個尼..
我放低左個電話指住個number比佢睇..
跟住佢坐左冇10秒..佢話佢返上去先..
我1個人繼續諗下..諗起果日溫世史...！
同埋諗度..呢兩日我望住人訓教..得敏姐姐之嘛..即係唔係啦!
即係阿ple啦..
我知道對於阿Ple係我同佢之間既關係，
佢之前成日都覺得我同阿Ple玩得埋，
對佢尼講，阿Ple既存在係1個疑問∼
但係當佢問我呢個問既題要我答，
我1D都冇隱瞞，1口氣就答左佢『係！』
因為我覺得，既然佢睇左我Blog果段野，
佢就應該明白我既諗法，
我愈隱瞞只會愈亂...
我1答完佢之後，佢既態度果然起左1個大變化，
雖然唔係180度由接受變為抗拒，但都開始退到1個保守甚至不接受既地步，
佢答我『哦！咁好啦∼你去玩啦！』我唔記得左我答左佢D咩...
不過記得係1D答佢我唔去之類既說話..
傾多1陣，佢真係要食飯喇..
過左咁耐..佢終於用1個和平既態度，
同我認真講1次『Bye bye』..
不過我答左佢『咁妳快d去食飯先啦..』
唔知有冇感覺錯..佢好似刻意標榜左果句『Bye bye』咁再講1次..
『你1陣打比我啦，Bye bye』..
意謂要我同樣咁答佢...
我用住我自己既理解方法..去答左佢1句『Bye bye』..
之後就收左線佢..
然後我1個人坐左陣..
就返左上去爐邊..
1上到去..
肥雞見我之後就話
『呢∼係度喇！』
『我地以為你唔知去左邊呀』
我果傻左...
有1股出自真心既微笑係心頭湧現..
好真心既朋友們...多謝你地關心..
繼續燒野食燒到9點左右，
班女仔落左去玩煙花，
咁上下，我同肥雞落左去搵佢地..
幫佢地影左幾張相..
Edmond話係上面見到我地d火光好揚..所以就返左上去(犯法架∼∼@o@)
上去坐左1陣..
阿Ple同Yoyo因為聽日要考試，所以走嚕∼
咁岩紫瑩到左，誠武就出去接紫瑩，
我見誠武1個人，所以我就做個順水情人，
送兩個女仔走同埋陪誠武出去，
出到去送完兩個女仔，
返轉頭去搵紫瑩，
太耐冇見紫瑩，1見佢就好想再同佢鬥嘴！
哈哈，果陣坐佢隔離成日整蠱佢，好玩∼
返到入去，見Carmen,阿婆,波菜3個1台坐爐邊傾緊計，
我同誠武就行左過去坐,參加埋1份...
傾左1陣，家姐問我『其實你同瓜子點解會咁??』
我就解釋左其實好複雜既呢件事..
根本成件事好似有發生過..但事實可能係根本冇事出現過..
我都只係好唔具體咁講左比家姐聽..
雖然某程度...家姐係出自八掛想知下，
但係，我都知道佢係因為問起少少，所以關心我先想知多D...
之後因為波菜講左個秘密，所以3個女仔落左沙灘講佢地講緊既秘密，
而Edmond咁岩返尼拎D啤酒返尼..
我拎左1罐尼飲..
同誠武兩個係度傾計..
跟誠武話落沙灘坐不如，因為好嘈呢度，
我就拎第2罐，誠武又拎左1罐1齊落去坐∼
落到去，同誠武傾左好多野...
講未來,講夢想,講自己,講感情..
其實呢個世界上每1個人..
都有自己辛苦既事...
家家有本難唸經..
誠武平時係大家既快樂泉源..
誠武好中意開玩笑..
但係係背後，佢都有自己既煩惱..
大家心靈支撐大家啦...
好朋友=]
之後返上去，見到Edmond 1台係度猜枚，
我又玩埋1份...
好好玩...
我都輸左唔多..但係我飲既時侯..次次都好狼..
我諗都有飲左1罐...
好開心..仲玩到比警察話我地嘈,哈...
之後..猜到飲晒D酒..走嚕...
我知道自己wing wing地...行到斜斜地..
3罐就wing我都係第1次...
如果唔係唔夠訓...我7罐都冇事..
去換返衫走..我都叫肥雞陪我...
我換完之後同肥雞出wash room果刻...
= ="撞牆.....
之後影左陣相..就同Carmen,波菜,阿婆,肥雞
5個1齊走.天水圍人....
搭小巴去轉的士
返到屋企...
我同Bon傾左陣MSN..
仲有2小姐...佢留低左句留言嗌我返尼搵佢
之後我就同佢兩個人1齊傾...
點知傾傾下..Bon問我野..
2小姐又問左我野...兩個既問題好類似..
我係度答...兩邊輪住答..
我答完之後過左陣..
我意識到好似出左問題...
我望真d...好彩...我以為自己答錯野...
果陣知道自己開始頂唔順..
就快到訂...
所以就同兩個講低..我去沖涼...
去沖涼我都仲記得...
我記得...好似係1開始洗頭..
D水沖落個頭度..個頭就好似裂開1樣..超辛苦..
然後......
Sorry..我自己都想知...
當我清醒..已經係朝早...
Write By : 9/5/2007 1pm
|
