今日，我將會同大家探討下兩個關於轉筆界惡化問題，一個為「轉筆小學雞化」，學名稱為Penspinning Primary Chickenlization(=3=)，另一個則為「宗澤效應」，學名稱為Bosco Effect。
前者為一個仍然發生ing既結果，後者則為導致前者惡化既成因，其實效應方面我更想舉出一個例子「放學ICU效應」，不過今日先講近日較為嚴重既「宗澤效應」。
先探討兩樣問題既意思。
「轉筆小學雞化」內的「轉筆」相信大家都知，而「小學雞」係一個潮語，作為一個Noun(名詞)，意思即行為如同小學生般，例如串人係一個好好既例子，唔係話串人=小學雞，係指冇道理又死唔認錯個D人，相信大家都開始理解「小學雞」既意思，因此「轉筆小學雞化」即是話D「小學雞」又唔認自己廢，拎起支筆，隻手左搖右擺，將支筆拋來拋去，當好勁，有D千遍一律既問題又唔去Search舊Post，一味開埋D廢Post，成日想一步登天，攞來唔係訓練自己手腦協調，係要來型，而呢個情況開始慢慢向小學雞伸展，因而形成「轉筆小學雞化」。
「宗澤效應」內的「宗澤」唔駛問就係指「讀心神探」裏面既「黃宗澤」，點解「轉筆小學雞化」有關佢事??因為有追開既人(唔包括我)都知佢間中會轉下筆，佢轉筆唔成問題，佢唔識轉勁招都唔係問題，咁咪慢慢轉下Sonic呢D新手招囉，好似第一集佢都有轉TW Sonic啦，咪幾好，但係導演等又死要臉，搵HKPSA既其中一個管理員——Fls來轉，D小學雞以為黃宗澤好勁，好快就學佢，搞到「轉筆小學雞化」愈來愈嚴重。
「轉筆小學雞化」的後果，有D新手經常以為講句「唔該師兄」、「我手殘」、「唔想出旺角買，邊到有得買」、「Comssa香港邊到有呀」，亦有嚴重至見過有人用100蚊學招，唔識唔俾錢，大佬，而家唔係玩Online買點、升Lv呀，轉筆唔似Online睇下說明書就識呀，大大話話Eriror、S777、Seven、Bonkura、Supawit127等都唔係一朝一夕就變神手，你既錢最多可以買枝好轉既專用筆，你唔識招有用咩?!因此我希望HKPSA出多D新力軍，就算係識TA H既廢手都好，我想既係新力軍，唔係小學雞軍團，即使HKPSA少人到執左都唔可以由小學雞來令佢興旺。
要達到呢一點，首先就要有一D措施，例如用強硬手段令小學雞知道世界上係有免費午餐，但係冇殘廢餐，發一次廢Post就先警告，教佢Search，但係都要答，然後第二次就刪Post，5次以上就按情Ban IP、AC等。明星效應方面，我地可以毫不留情指出真相，如宗澤轉筆=Fls轉筆，就算放學ICU叫點講，我地都要係節目上表明轉筆唔可以一步登天，需按部就班。
黑字方面=情況許可
完
|
