多到爆左－－－＞心情指數：＊＊＊＊＊＊
今日超開心呀！考埋今日就考完ｌｕ∼最後一科－ａｃｃｏｕｎｔ！一睇到份卷，咩黎架？？唉∼唔理喇，求求奇奇做左先喇，好彩第２頁果ｄ係咁易都做到岩姐∼ｈａｈａ！今日應承左ｋｉｄ仔幫佢認左係我幫佢抄野，放左之後係班房食左陣野就去搵浮屍啦∼好味呀ｄ蛋糕！落到去ｍｉｓｓ仲搞緊野，等佢既時候見到假校長，就問下佢我地電腦科既成績啦！哈哈∼我７１分呀，唔錯唔錯∼ＭＣ題５１／６０分，問答就２０／４０分，算係咁喇掛，溫左幾句野咋我！ｈａｈａ∼＊
問完分之後出返去浮屍到左ｌｕ，佢叫ｋｉｄ仔去罰抄，之後就走黎話我做咩幫佢，又話我咩話我乜咁，真無奈，又要人講大話喇．．．．最無奈既係幫佢抄既唔係我！最好笑係佢話我都估係到你或者係第２個女仔架喇，我梗係唔想係你啦，但點知真係你．．．．．懶叻！都唔係我抄既∼哈哈！比佢話完之後罰我抄＝．＝頂．．．！！４頁呀！痴線架，抄死人咩？抄到我手都斷喇！呵呵∼我遲過ｋｉｄ仔抄但抄得快過佢，仲要遲佢好多添＝．＝
抄完之後又要搵浮屍，佢睇完之後問我岩岩抄果到既野，唔識答一題，但其餘既都ｏｋ，１１點半到就走得喇！都唔知浮屍係咪傻架，留左人地個幾鐘呀！發瘟的．．．．佢放左我之後就去左ｗｃ打電話，因為今日要練波，但球場又唔見佢地，點知打左比咁多個，個個都唔聽人電話，好衰架＞﹏＜，咁就逗留左幾分鐘啦，點知見到明慧，救星呀！一問之下，原來落左ｙ記打呀，咁就拎齊架橕落去打啦，今日打ｄ波好飄忽，但殺波又唔差喎，不過有２球鮏得盡得濟，唔過網！真係大斜＝．＝
打到點幾之後就去左ｍ記買野食，等埋ｋｉｄ仔阿狗佢地就去左葵涌村ｋｉｄ仔阿姨屋企打牌喇，玩馬仔！鬥快食糊，出沖果個要比１０蚊贏家，自摸位位１０蚊！我贏左３次自摸呀，開心死∼不過最後都係處４０蚊咋．．．．但我係贏得最多果個！哈哈∼好開心呀，琴日又贏今日又贏！ｈｅｈｅ∼打到７點之後就返屋企ｌｕ！食飯飯，之後又玩下電腦，睇下電視，沖埋涼又玩多陣電腦咁，之後就𤍣覺ｌｕ∼
聽日仲要比賽呀！希望聽日打贏啦，可以入到４強！加油加油！
|
