心情指數：＊＊＊＊＊
今日１１點幾醒左，聽到阿叔黎左，之後又同家姐係到傾計，我唔理，諗住繼續𤍣啦，等到阿叔走左我都𤍣唔返，咁就起身，食左２個蛋撻，阿叔買既∼ｈｅ！食完之後係到執台，係咪好乖呢？執到好整齊又乾淨，之後就食飯喇，食飽玩左陣電腦，之後繼續執，執呀執，完之後就周圍抹野啦，之後又收衫摺衫，哈！真係乖左咁多既我？我係咪發緊燒呀？摺完之後就玩下ｍｓｎ，上下網，整下個日記仔咁！
到左差唔多７點果陣就食飯飯ｌｕ∼食飽左之後就要洗碗喇！洗完就去洗白白，好舒服呀！ｈｅｈｅ∼沖完出黎就睇明珠台，今次個結果真係令人估唔到，仲意以係ｆｏｕｌ佐娜架嘛，點知ｆｏｕｌ莉莎喎！之後我就係到補冷衫ｄ窿窿，補完之後就睇返無線，有點兒無聊．．．咁就打左比阿亭，傾左陣，之後又睇電視∼而家就打日記喇！哈哈∼
|
