心情指數：＊＊＊＊
今日返到學校返到上課室好鬼熱呀！之後又要早會喎，傾左陣計，之後就去電腦室上堂啦，又係到玩新接龍，哈哈∼玩下又寫下野咁，咁就２堂喇，真係過得快∼上完就返上課室啦，係到做功課，做做下就打鐘又上堂ｌｕ，上中文，係到講實用文，好悶．．．．之後又上堂，小息咁啦，到左上ｌｕｎｃｈ前果２堂英文，好多人都冇帶字典作文，ｍｉｓｓ好嬲，鬧左我地一陣之後就作文ｌｕ，作鬼故，好ｅａｓｙ姐∼ｈｅｈｅ！作到１點２就作完喇，有成２７８個字，哈∼未試過有咁多架！ｈｅｈｅ∼作完之後就謭謭聲返屋企食飯啦，遲放左２個字喇．．．
返到屋企食墨魚丸烏冬，阿媽真係懶，唔煮飯∼ｈｅｈｅ！食飽飽坐左陣就返學ｌｕ，返到去之後去左ｈａｌｌ玩中文學會ｄ攤位，好想換隻麥兜公仔呀！好得意∼可惜我唔夠印仔，唯有等聽日啦∼咁就換左一本簿，肥森就比左支筆我，ｈｅｈｅ∼咁換完就返上班房上堂ｌｕ∼
放左學就去左打排球，而家愈來愈鍾意打排球喇！哈哈∼日日都想打，打波果陣好開心，我地成班人打到差唔多６點先走，之後去左ｍ記食朱古力新地＆扭扭薯條，到左６點９先返屋企，返到屋企玩左陣電腦就食飯喇，食飽飽又玩左陣，之後就洗白白ｌｕ∼沖完涼出黎就睇電視啦，到左１１點就𤍣覺豬ｌｕ∼
|
