上集回顧

(清思宮)

皇上 : 點解母后會服用金丹嘅?

太后 : 呢隻金丹係皇上你俾我個喎...

皇上 : 朕冇俾過金丹俾母后服用喎......

包公公 : 當時奴才正想去太學院找皇上......然後喺御花園碰林博士...佢話金丹係皇上送俾太后...不過身在太學院...未能過宮親自送到...仲有皇上嘅玉壐為證......

皇上 : 不過朕冇講過...亦冇俾玉壐佢...

太后 : 咁即係...林博士冒充聖主.......

夏公公 : 啟稟皇上...太后...林夫人被發現喺寢室懸樑...太醫去到為時已晚......

太后 : 即係林博士嘅夫人?

皇上 : 林夫人自縊...會唔會同呢件案有關呢?

太后 : 莫非.....

(太后回想)

(御花園)

太后 : 今日哀家宴請兩位妃子...同林夫人出席此宴...以示友好..以後...你地係哀家嘅好媳婦...一定會同心合力...將後宮打理好......

淑妃,媛妃 : 臣妾知道

太后 : 大家隨便...

媛妃 : 啊...

林夫人 : 咩事呀,媛妃...

淑妃 : 妹妹...你咩事呀......

媛妃 : 我突然肚痛...

林夫人 : 你會唔會係夢熊有兆...之前我都見你有作嘔作悶...

太后 : 唔好理喇...即刻傳陳太醫入清思宮...

(清思宮)

太后 : 陳太醫...媛妃娘娘咩事呀...佢係唔係懷有龍子呢?

陳太醫 : 媛妃娘娘嘅脈像並非喜脈...

林夫人 : 咁點解娘娘會作嘔作悶...而且肚痛?

陳太醫 : 天氣轉涼...我諗媛妃娘娘係感染到風寒......

淑妃 : 咁陳太醫...你要好好對症下藥喇...妹妹...你都要多休息喇...

媛妃 : 嗯...

太后 : 咁你地回宮...淑妃...你留低一下......

淑妃 : 係...太后......

(林夫人寢宮)

林夫人 : 相公...你要幫幫我地女兒呀...

林博士 : 發生咩事?

林夫人 : 我地女兒一定會失寵......

林博士 : 咩事先...

林夫人 : 啱啱太后以為媛妃有身己...點知空歡喜一場...太后即刻對佢態度冷淡...仲叫淑妃留低......

林博士 : 冇事嘅...

林夫人 : 相公...你同皇上咁熟...你同皇上講下......

林博士 : 好...

(清思宮)

林博士 : 參見太后

太后 : 你同皇上講過咩唻?

林博士 : 臣..

太后 : 依家皇上對哀家有成見...你該當何罪!

林博士 : 臣...知罪...望太后饒命...

太后 : 當初哀家依你..俾媛妃入宮...之後令皇上差點荒廢政事...依家又中傷哀家...你唔想活喇...係嗎?

林博士 : 太后饒命...

太后 : 同哀家滾出去...

林博士 : 係...係......

林博士 : 你個死太后...我一定要太后冇好日子過...

(清思宮)

包公公 : 太后...你可以起駕至慶樂殿

太后 : 好...啊......

包公公 : 太后...太后...太后...人唻呀...太后暈低咗......

(太后回想完)

皇上 : 咁即係林博士做嘅好事...人唻...傳林博士入宣政殿......

(宣政殿)

皇上 : 大膽奴才...竟敢冒認聖主...仲毒害太后......

林博士 : 臣知罪...臣咁做都係逼不得已...

皇上 : 你講...係唔係你夫人指使你咁做

林博士 : 唔係...呢件事同佢無關...係我被太后責罵...所以先會加害太后...唔關我夫人事......

皇上 : 咁點解你夫人會自縊......

林博士 : 佢唔係自縊...佢係俾人陷害......我點都會死...我一定要為我夫人討回公道

皇上 : 究竟係咩一回事...

林博士 : 臣一定會講...不過講之前...可否傳梁尚宮上殿......

皇上 : 梁..尚..宮 ?

(續)

bY Cy-Rus