今日訓到1點.

媽媽一朝早拎d野去賣,番到黎竟然整親隻腳.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唉....都唔知點解係要貪果少少!又唔係下次唔會再去,何必要急於一時呢?搵少果少少錢真係咁緊要咩?既然陸續有黎既,咁做乜要計較今次賣得少定多呢?點計都係賺架啦.而家整親隻腳認真無謂.都叫左佢拎少少就算,硬係嫌少,又要逞強,真係講到口水都乾埋.希望快d好番啦.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住落街打簿,終於出左糧喇!不過得一次,仲爭一次未出.都算好啦!見到自己做野賺到既錢真係好開心!

跟住買飯番屋企同媽媽食.

跟住又係一個頹廢的晏奏.

跟住幫媽媽買送煮飯,今晚多數是我煮,不過唔識整魚,所以都係要媽媽整.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

越來越憎爸爸的壞鬼脾氣,已經見到媽媽隻腳整親啦,竟然問都唔問,過左好一陣先捨得問囉!都唔知咩人黎的.少少事都唔抵得,使唔使咁呀!幾廿歲人!女人都冇你咁小器啦!隻眼成日掘黎掘去,一嬲就淨係唔識得睬人,癡線的!成日都以為自己arm晒,唔係下話?!淨係你arm,人地錯晒咩?!癡癡地線的.你d咁既脾氣,叫人點頂得順呀?!係媽媽先咁唔抵得架咋,係咁tum你,換左係我同哥哥,真係睬你都傻呀!你唔睬就算,方你過幾日唔出聲呀?好似tum你有寶咁,唔好傻啦.雖然你係爸爸,但絕對唔係arm晒的!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住夜晚又約左靚薯落街食野,吹水.

差唔多兩點就番屋企了.