聖誕假終於放完了,今日係第一日番學.

尋晚成3點幾先訓,今日未夠7點就已經起左身.換緊衫果陣,靚薯打黎話唔見左條呔!咁我當然冇多一條啦,打左俾魚仔同馬仔,但係都冇人聽.再打番俾佢問佢搵到未,又話搵到了,虛驚一場.

之後響地鐵站度又撞到靚薯,所以一齊番學.番番下,撞到隻龜仔,都好耐冇見了.

班主任節完了,肥歐俾番本同學錄我,佢響個假期度幫我寫,唔該晒呀!你點都要做第一個!佢開頭叫我唔好睇住,點知我一揭........原來"痴"左張King Kong既雜誌廣告落黎包住佢寫的幾頁,算啦,我都預左了,何況我都唔介意啦,最後一年嘛,同埋我覺得同學錄應該係要咁的.

跟住第一堂就係acc,冇做過野,諗住補番同學錄前邊未寫的開場白,不過補唔晒.同軒軒傾左成堂咁滯.跟住就pass俾j仔幫我寫喇!佢係第二個!thx晒呀!

跟住drop科堂,又係傾偈堂.

跟住cl&c,今堂做糾正讀音的練習,arm晒我.跟住ue,又係上6樓,今次係講虐待動物,超殘忍囉!不過跟住我都訓著左了.

食晏,叫roy仔幫手出去買.今次要叫dennis幫手出住錢先,因為銀包冇錢,今照冇"gum"錢.跟住食完之後大家響度傾得好開心.

跟住busi,後半堂訓左.跟住m&s,訓足成堂.

跟住班主任節之後,就落去開jpc會.幫阿紙交轉leader的form,點知要相,所以未交得.跟住羅文俾左angie姐帶番黎的手信俾我,好開心呀!跟住跟住何記去拎番之前環保小偵探的報告.跟住又見到隆仔,所以又同佢傾左一陣.唔知佢有冇呃我啦,之前聽佢講到好嚴重咁,而家又話冇咩事,希望真係啦,唔通想佢有事咩.不過真係幾大起大落囉,聽佢咁講.總之點都好,最緊要係冇事.

跟住番屋企啦,撞到秋官,所以一齊行,到左得福佢話要去銀行,所以又得番我一個行,點知去到地鐵站又撞到佢,佢係主動叫我的.同佢傾偈真係幾舒服,幾開心的.

跟住番到屋企,都冇咩做.睇下電視,新聞咁,同埋食下野.

夜晚食埋dinner.

跟住都冇咩事,咁就一日了.

尋晚同肥歐佢地出街,超無聊的.過左一個勁白癡的count-down.點都估唔到今年尖咀竟然搞成咁,幾乎冇得count-down咁滯.跟住散水,唔知係咪天意啦,走都要分開晒咁走,因為太多人的關係,走散晒.證明我地有緣無份啦,"遇意"左今次之後我地都唔知仲有冇機會見了.大家好好保重呀!尤其是.....我的最好朋友----肥歐.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住阿紙打黎話使唔使搵番我,我話唔使,點知講開先知原來我同佢今晚都會上j仔屋企的,跟住我地就靜雞雞撇甩左阿杰同朗朗,一齊上j仔屋企打牌.

因為人多的關係,搞到阿紙同祖祖開頭冇得打牌,到左成4點我先俾阿紙打.今次終於有機會俾我見到j仔的弟弟了,果然同j仔爭好遠播!哈哈....跟住佢個朋友又落埋黎一齊打.佢個朋友勁搞笑囉,個腦轉得勁快,講野又笑爆.今次打牌都算快的,好少人"num"莊.原本我贏好多的,但到左最後輸番晒lu!俾dennis贏番晒.佢開頭係咁輸的,之後朝頭早開始發威,贏番晒.勁!其實輸同贏對我黎講真係冇咩所謂的,橫掂我又唔係成日打,又唔係咁鍾意賭咁大.求其咪算囉.

原本諗住今次打牌6點幾就散的,點知打到成9點囉!其實好想走的,但冇理由自己一個走啦.阿紙7點幾走先,原本想同佢一齊走的,但係點知佢話唔係番屋企,咁冇野好講了.所以最後同祖祖果d 9點幾一齊走.

2005年尾就係咁過左喇!

終於都黎到2005年既最後一日.

今朝好眼訓,不過俾阿媽嘈醒左落街買米.

跟住就再落街買野,同埋買飯食.

跟住開電腦........終於都俾肥歐講服左今晚出去count-down.

跟住福仔放工,打黎.同佢傾左一陣.

跟住落街媽媽買送.

跟住就作埋篇文(作住一篇先.).

今晚出完去count-down,跟住可能去j仔屋企打牌.

P.S.:其實今晚真係唔想出去count-down的,因為咁開心既日子最arm拎黎自己一個冷靜下.不過最後都係俾肥歐講服左.算啦,話晒都係最後一年,下年都冇可能再大家一齊了.好好咁珍惜埋今次啦.

今日訓到1點.

媽媽一朝早拎d野去賣,番到黎竟然整親隻腳.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唉....都唔知點解係要貪果少少!又唔係下次唔會再去,何必要急於一時呢?搵少果少少錢真係咁緊要咩?既然陸續有黎既,咁做乜要計較今次賣得少定多呢?點計都係賺架啦.而家整親隻腳認真無謂.都叫左佢拎少少就算,硬係嫌少,又要逞強,真係講到口水都乾埋.希望快d好番啦.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住落街打簿,終於出左糧喇!不過得一次,仲爭一次未出.都算好啦!見到自己做野賺到既錢真係好開心!

跟住買飯番屋企同媽媽食.

跟住又係一個頹廢的晏奏.

跟住幫媽媽買送煮飯,今晚多數是我煮,不過唔識整魚,所以都係要媽媽整.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

越來越憎爸爸的壞鬼脾氣,已經見到媽媽隻腳整親啦,竟然問都唔問,過左好一陣先捨得問囉!都唔知咩人黎的.少少事都唔抵得,使唔使咁呀!幾廿歲人!女人都冇你咁小器啦!隻眼成日掘黎掘去,一嬲就淨係唔識得睬人,癡線的!成日都以為自己arm晒,唔係下話?!淨係你arm,人地錯晒咩?!癡癡地線的.你d咁既脾氣,叫人點頂得順呀?!係媽媽先咁唔抵得架咋,係咁tum你,換左係我同哥哥,真係睬你都傻呀!你唔睬就算,方你過幾日唔出聲呀?好似tum你有寶咁,唔好傻啦.雖然你係爸爸,但絕對唔係arm晒的!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住夜晚又約左靚薯落街食野,吹水.

差唔多兩點就番屋企了.

今日訓到12點.

跟住接到肥歐電話,問我去唔去count-down,始終都係心理問題啦,覺得同佢距離太遠了,唔知點面對,所以推左.

跟住落街打簿,又係未有囉!

跟住買飯番屋企同媽媽食.

跟住又係渾渾噩噩的一日.