今朝番到去班主任節,婷婷俾番本同學錄我.

第一個堂busi,不過英英今日official leave,所以彪叔黎代課.我就趁時間補番我本同學錄之前未寫的introduction.跟住acc,繼續寫.

小息,再寫.枝枝番黎了,佢同我地講話校務處當佢遲到而唔係請假,所以我就同佢再落去校務處理論,點知係我地"nor"左,其實係當請假的,係枝枝誤會左遮.落去排隊果陣隻雞俾左條鎖匙我,陣間上堂開門.

跟住drop科堂,留守響4樓冇上到去libraay.我,dennis,枝枝傾得好開心,軒軒好好訓.跟住m&s,我地去先,開定門,不過道門都係開唔到,因為仲有一度鎖要用另外一條鎖匙開.跟住我地就過左隔離課室上.今堂冇上堂的,用左黎派past paper.好多呀!唔怪得之咁貴啦,原來影多左好多原本唔影的.不過都算了.

跟住食晏時間,不過今日冇食飯.跟住玩uno,冇去當值.

跟住cl&c,派左份2005年的閱讀理解同對番上次的答案.跟住pe堂,今次到肥歐果組做presentation,又係教籃球的,教到超好笑,幾好玩的.跟住就自由時間了.

跟住換衫上番去上班主任節.跟住就過library當值,不過由於考試關係,冇人,所以上去簽左個名就走了.

番到屋企,擺低d野,跟住就落街食左碗車仔麵,跟住買埋送先番屋企.

又番到屋企,諗住整定d送的,不過太眼訓了,訓到6點半先爬番起身整.整整下媽媽同哥哥番來了,跟住就媽媽煮番了.跟主爸爸都番埋來了.

7點幾既時候,靚薯打黎同我講話幫佢補m&s,聽日考試.9點幾落左去喇,去麥記溫到10點就走番落樓下再溫,期間撞到個怪女人,好驚呀!無啦啦行埋黎,好驚佢唔知會突然間做d咩出黎家嘛!所以我地趁佢行遠左少少,拿拿臨走喇!跟住就過左ok睇雜誌,成12點半先番屋企了.

番到屋企,整左個飯盒,睇左陣電視,搞搞下,都成2點先訓了.

尋晚同文華+seven食野果陣飲左d酒,個人超累.沖涼同洗頭卒之搞到成點幾先訓.

今朝8點半就起左身,因為約左肥許番學校講數.出門口打左俾嫲嫲同佢講話晏奏約佢飲茶,叫埋姑姐果d,不過大姑姐唔得閒.

一番到學校首先上3樓幫文華仔拎番本cl&c書,跟住同肥許一路講數一路傾偈,非常開心,好好傾呀!跟住點幾就走喇,佢話想請我食飯,因為之前請過佢食野.不過我話唔使喇,因為約左嫲嫲.不過我覺得我請佢食野係應該的,因為佢真係幫我好多.

跟住就同肥許講再見喇.

跟住我就去大東江了,我係第一個到,跟住嫲嫲都黎埋喇,我地上左去坐低先,三姑姐跟住都黎埋了.食完都成3點幾喇.跟住就各有各行了.

番都屋企,掟左d衫落部洗衣機度,跟住就用報紙將d書架包好晒,費事等d書舖塵.跟住就玩下電腦.想晾衫的,但係真係太懶了.

跟住就出發入沙田食飯了.今次d送唔錯.

跟住走喇,番到屋企晾埋d衫,睇下電視,沖埋涼.

跟住就係咁用電腦,補番晒之前未打既日記,打左好耐呀!

最後搞到成3點幾先訓.

朝早番到去排隊,撞到肥許,佢就去check下個禮拜六自己當值的時間表,跟住話我知下個禮拜六佢番黎當值.所以約左佢下禮拜六番黎幫我補m&s.

跟住班主任節,師奶鄭同我地講話聽日唔使補課,超開心!

第一堂busi,冇咩點做過野.

跟住ue,上到去個room先知原來用黎考試.跟住師奶鄭打落去問拎個room黎上堂,點知係我地剛剛上完busi的room,即係白行左.今堂繼續對番份sec c,過得好充實.

小息.

跟住兩堂acc,點知上上下話要調room,因為要用music room黎幫d學生考唱歌.調左room之後繼續做份sec c,個matching勁難,做到落堂都未做完,真係想死.

跟住食晏,叮飯飯.叫左祖祖幫我拎書包,唔該晒呀!錫爆你呀!

跟住又係玩uno.

跟住cl&c,做reading comprehension,不過冇做到,繼續做埋個matching,終於勉強地做完,不過唔知arm唔arm.

跟住又係busi,今堂係做long question,想死,完全唔識.爭d想放棄做ue了,不過俾英英說服左繼續做.到左落堂,交得俾佢只有幾行.自己都想死.不過今堂又係笑都爆嘴.

跟住番樓下食左少少野,跟住又過惠康買左少少野,跟住先番屋企.

番到去,哥哥打番黎話走果時,響入鐵既時候同媽媽失散左!Oh, my God!跟住孻姨打黎問做咩佢地兩個做咩咁耐都未番到,我就同佢講左件事,仲叫佢唔好同其他人講住先,廢事搞到個個都擔心.跟住搞到我想恰陣都唔得,擔心到要出埋去搵佢.出門口前,肥許竟然打黎我屋企,佢同我講話臨時同慮sir調左當值時間表,佢聽日番黎當值,問我聽日番有冇問題.Oh, my God!想唔番都要番啦,仲諗住聽日難得唔使補課可以訓晏d添.不過都算啦,照番.跟住我由油塘出發,逐個站停落黎搵,一路去到九龍塘站先停,但係都係搵唔到.真係好驚好擔心.join左哥哥,問清楚佢既情況之後,佢就上羅湖過關諗住響果度搵下.今次搞到仲要報左警呀!

番到屋企,爸爸已經番左屋企了.件事佢已經知道左了.點知到左8點,孻姨打黎同我地講話媽媽已經搭車番到江門!唉!真係俾佢激死!又會自己一個走都有的!等我地呢邊搵到死死下!真係超擔心架!激死!佢番到黎一定要鬧鬼佢至得.不過都算啦,最緊要個人冇事遮,最驚出左咩事.而家平安番到去都好過仲留響香港而唔知響邊度,真係會擔心死的.跟住哥哥就響羅湖度趕到尾班車,真好彩.

跟住煮野同爸爸兩個人食.跟住洗好晒d野,就落街同靚薯+文華仔打波.去到等左好耐先有得打,因為d場俾人霸晒.

跟住打完就番過嘴郁郁度食野,嗌左支Blue Girl添,好耐冇飲喇!

食完之後番屋企沖涼洗頭,跟住又過靚薯屋企借風筒吹頭,因為如果等個頭自己乾即係成晚唔使訓了.

跟住又番番屋企,今次真係訓了,都成差唔多點半喇!好累呀!

總之今日就真係虛驚一場啦!好彩最後冇事咋!如果唔係真係成晚都唔安樂,唔使指以訓得著.

今日係中一至四+中六的上學期考試既開始.中五同我地中七都唔使考,所以番學既時間照常.

今日唔使上assembly,超開心.

第一堂就係ue了,堂都未上,我個書包竟然漏水!個水樽個蓋擰唔實呀!!!!激鬼死!d水係咁湧出黎囉,好空恐怖架!好在d夜唔係濕得太嚴重囉!d書果d都係係濕左個邊.最唔好就係整到子借我的notes,不過好彩都係濕左個邊囉.不過我個書包就慘喇,成個濕晒.今堂係做2004年既Section C.對左個Comprehension,16題arm左14題!雖然係做得耐d,但係可以做到咁都好開心,因為呢part佔6%!

跟住"drop"科堂,唔該晒dennis同軒軒一齊幫我拎d野上去library呀!跟住我問鍾小姐拎左兩個袋.跟住我就將d書舖響台面度風乾.d紙就好易乾晒,一黎少同埋淨係濕左少少邊.不過本busi書太厚喇,搞到好難乾.跟住成堂都係傾鍾天賜,dennis講番禮拜一Sports Day佢既野俾我地聽,超爆笑架!搞到想溫mia d notes都溫唔到.放學mia補習果度會有個test,因為今次係第4期最尾一堂.

跟住小息.

跟住acc,溫mia的notes,冇乜點做過野.跟住cl&c,做2003年的listening,超多野寫.

跟住食晏.由於陣間放學要去補習所以冇帶飯.衝出去諗住睇下d文具舖有冇叮書機仔賣,點知size似乎大左d.跟住買飯番學校食了.

跟住又係玩uno.

跟住兩個busi,由於d人考完試就走既關係,晏奏學校係冇咩人的,所以拎左個書包出去走廊度曬.原本係曬的,不過佢地話咁樣唔好,所以擺左響陰涼位.今堂又係咁發癲.真係越來越鍾意英英.

跟住上番去上班主任節.不過我溫mia的notes.梁雪聰上黎同我地講禮拜六camp的事,不過我都唔會去了.

跟住放學,即刻過去補習.不過部車似乎好快,大約16點20分就到左了.跟住有兩個學生又黎埋.跟住就到mia了.入左去,坐左一陣就開波了.上堂前,mia率先播左佢遲下會響roadshow度播的當代宣傳片俾我地睇先,超爆笑的!跟住上堂都係好輕鬆,好搞笑的.跟住落堂喇,test.個test好似唔係好難,都叫有溫書.

跟住走喇.番屋企.

跟住睇電視.成11點先開始做份sec c其他的exercises,由於師奶鄭會順住黎對答案,所以我做左頭兩個先.加上一路睇電視一路做,搞到成2點幾先訓了.

今日好醒訓.不過好眼訓.

頭一堂busi,又係咁發癲.跟住m&s,訓左.

跟住兩堂ue,作文!悶死,不過今次篇文唔算難作.

跟住放食晏,叮飯飯!個書包俾左ivan幫我拎上去,而我就幫佢叮埋.

跟住食完就落去搵Mr.P,同佢講話加我個名,join佢個class.跟住上番去,不過見到肥歐同kafa買完野食番黎.

跟住番到去我尋日響muji買的糖俾肥歐同kafa食,點知佢地將我粒糖推黎推去,同埋我見到肥歐既樣子不太好睇,應該發生左d事,所以我都冇理了,廢是問啦,同埋都唔係時候問.

跟住我就同ivan佢地玩uno,好開心呀!

跟住兩堂acc,同軒軒座,請佢食糖,好開心.成堂係咁抄番之前的acc功課.

跟住班主任節,上埋就走喇.

跟住番屋企.

跟住ivan打黎話佢今日去唔到補習,叫我幫佢同mia講聲轉禮拜日番.

跟住就溫mia的notes,因為轉左補習時間,聽日係第4期的最後一堂,所以有test.

跟住睇完電視就訓了.