今日好早起左身,9:20,因為肥許有vitle.原本應該9點的,但係太眼訓了,最後都係遲左小少.

做完之後就梳洗了.跟住落街做3樣野,寄信,交網費,打簿.

今次係要寄俾天賜的,其實係之前的聖誕咭,因為佢21號冇番學,跟住既日子我又唔多得閒寄+紅色假期,所以搞到咁遲先寄.係遲左d既,不過唔緊要啦.跟住再過番去交網費,成3個月冇交喇!爭d cut鬼埋添呀!

跟住埋左d野番屋企食,同媽媽一齊食.

跟住玩左陣電腦,終於"的"起心肝做功課喇!梗係要做奸英d先啦,我最buy就係佢.同佢一齊呢兩年,我真係學到好多野,同佢傾偈真係好開心,因為真係好有深度的.多謝你呀!

做到咁上下,福仔打黎,傾左陣.跟住晏少少,到尹生打黎,話今晚唔會取消,雖然有少少雨.

跟住食完晚飯,換衫出去了.出到去,又係得番我同尹生,其他人都唔出了.跟住我兩個好無聊咁行左一陣,加上落雨,最後都係去左打機.打到11點半就走了.跟住入左地鐵站,阿紙先打黎,不過我地都走了.跟住尹生話打個message俾阿紙玩佢,跟住俾我睇都啦,竟然有我個名出現,咁我就叫佢唔好send啦,佢都話唔send的,但係最後竟然響我面前send囉!當時真係有少少嬲的,因為覺得佢完全唔尊重我.講好話唔send的,最後又send!雖然唔係咩大件事,但係我都覺得佢應該尊重我囉,仲要特登響我面前send!跟住冇同佢講野,不過其實真係好小事,最後我都冇野了.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實有咩好嬲丫,唔知由咩時候開始,我已經唔識得嬲人了.反而變得不停讓步,忍耐力越來越好.就算人地對自己唔好,都唔想同人地嘈了,擺在心中,過一陣就冇事了.因為其實冇呢個必要.拗輸了又如何?輸左可以保留番一段友誼既,我輸又有咩所謂?我甘心做輸果個.因為我太重視"情"了,個人都大左咁多,經歷左咁多野,唔通仲唔識得諗咩.如果而家既我仲好似以前咁好勝,下下都要贏既,咁我呢幾年就枉過啦!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住番到屋企,約左靚薯落街傾偈.其實次次都話傾,但係又冇咩傾喎.只係睇下雜誌,跟住就食下野,跟住傾兩句就走了.

咁就一日.

尋晚落魚仔屋企打牌,打左冇幾耐就鋤D.成5點幾先走,跟住訓到今日成差唔多兩點.

跟住食野啦,跟住又唔知做乜了.諗住做功課的,但係唔知搞乜,搞搞下又係冇做到.諗住夜晚做啦,點知又係懶.

唉........點算?!

考會考果陣既衝勁去左邊度?!快D番黎啦!好想做番D野呀!

尋晚番到屋企成4點幾,沖埋涼都差唔多成5點先訓.

今朝番到差唔多成1點先起身.諗住寄信啦,醒起郵局今日閂12點.諗住續借d書,點知過左期.拿拿臨走落去還啦,點知佢話冇過期喎!開心爆!仲諗住今日會無啦啦破財添.

跟住番屋企食飯,玩下電腦咁.同埋幫手晾下衫.

夜晚去左j仔屋企打牌.話就話8點幾去,點知搞到成11點幾先去.去都仲要打左成個鐘機先上去佢屋企.今次去既既人我,seven,祖仔,roy仔,當然仲有主人家j仔啦.入到去要好靜的人,因佢屋企人訓緊覺.不過我地似乎頂唔順成日唔講野的,所以最後都係講野好大聲.

咁就一日喇.

今日終於都到左party既大日子喇!

今朝好早起身,準時7點半番到去,不過好眼訓.番學要經過既果條隧道超大風,寸步難行咁滯,跟住撞到ivan.響公園仔又撞到阿紙同婷婷.跟住一齊番去.跟住番到去又撞到壕壕.響有蓋度等左一陣就上番班房了.練左冇幾耐就要落去排隊了.

跟住就係上hall了.搞左一輪,隊band又表演埋(次次表演都係果幾隻歌,冇d新意,悶到爆炸),就開始歌唱比賽了.j仔遲大到呀,嚇死呀,幾驚佢趕唔切番黎.我地係第7隊.第一個唱既果個男仔好勇敢,明知自己唱得唔好聽都照上.掂!過左幾隊之後就到我地了,今次表演差到爆,唔知點解無啦啦播唔到隻碟,放碟果條友唔識的.好彩多得roy仔自備左一隻,雖然冇音樂.搞到成隻歌衰左.不過我地冇放棄,唯有係清唱了.都算完成.跟住又冇幾耐就係婷婷同阿紙唱喇!都幾好聽,不過始終都係唱唔起.

跟住抽獎啦,我地班一個都冇.跟住公布比賽結果喇!婷婷同阿紙拎到冠軍呀!好開心呀!而我地果個大合唱就拎左個安慰獎.不過冇咩所謂啦,都係純粹開心遮.

跟住番番班房party.有5個男仔過德福拎野食.其他人就響度玩住先,我就係咁搵人同我影相.今日我都有帶相機的,點知兩舊電都冇電,激死.跟住食野喇!好飽呀!食食下俾高姑娘叫左出去,佢俾左d禮物我地6個,同埋派番d相俾我地,好開心呀!多謝晒.跟住食食下竟然又俾我見番崔倩兒,我阿妹黎架!好開心呀!跟住我見差唔多係時候,就拎d咭出黎派俾大家,好開心呀!人人有份,永不落空!同埋我俾埋本野叫肥歐幫我寫,放假之後俾番我.食完野之後我地自己就搞左個抽獎,好開心呀!竟然抽到我囉!因為我不嬲都係冇運氣的.今次抽到個迪士尼唐路鴨杯,好鬼開心呀!跟住走既走,留低既就留低影相,好好玩呀!跟住真係走喇!我地一行幾個去左德福打機.打到4點到,我同尹生走先了.

跟住番到屋企冇幾耐,打俾華d仔,原來佢已經放左工了.想約佢聽日出黎的,因為佢禮拜五生日,但係我果日唔得閒.跟住佢話聽晚唔知放幾點.咁我就話不如就今日出啦,順便剪埋頭髮.出到去,同佢講話剪完之後食野,點知佢話要番屋企食.不過都好彩同左我去食碗車仔麵,係我請的,都選係請左啦,冇計.跟住去埋剪頭髮就走喇!佢似乎好趕番屋企咁.唔該晒呀!冇見佢一排,真係殘左好多,番工真係番得好辛苦,隻手直頭做到皺晒皮,塊面都唔好得去邊,真係見到有少少心痛.要睇住自己身子呀!

跟住番屋企了.夜晚同靚薯落左ok傾偈,跟住都係去左咀郁郁度食野.跟住番番ok睇陣雜誌就走了.都成差唔多3點先訓了.

P.S.:今日真係好開心呀!個party過得好開心呀!多謝你地陪我過最後既呢一個party呀!我永遠都唔會唔記得你地架!過去兩年,我得到左最大既財富,唔係錢果d,而係情,係我同你地建立既情.我,永遠都會珍惜呢份友誼的.多謝你地呀!就算日後見既機會真係唔多,但係我會得閒拎番d相和同學錄出黎回味的.多謝!

今日係"Christmas Party Eve",大家的心情都好興奮.

acc,依然冇聽書.drop科堂,傾偈.

小息.之後排隊,突然間肥歐話想收到我張聖誕咭.我有少少愕然.我開頭冇打算買的.因為我諗住大家都咁大個,都唔使送咭咁老套了,加上我都好似好耐冇寫了.突然俾佢咁提一提,勾番起好多野.最後一年了,好啦,就應佢要求,買咭吧.多謝你提我!

跟住CL&C,漸漸睡著了.跟住ue,可能係放假前既最後一堂啦,tracy冇同我地做oral,而係播碟俾我地睇.套戲叫"Polar Express",非常刺激好睇.

跟住食晏,響小食買左d野食就上去五樓了,因為今日係最後一次既小組活動.等齊人之後就開始了.其實做既野唔多,仲有就係總結番之前做過既野.同埋最尾就係大家寫番少少野俾大家.好開心.跟住影相啦,食野啦,不過食得好少,因為打鐘了.

跟住busi,未講書奸英就已經俾定功課先,跟住,朦朦朧朧咁訓著左了.跟住m&s,諗住繼續訓的,不過最後都係走左過去同dennis佢地玩uno.

跟住番上去班主任節.跟住就去hall度綵排聽日歌唱比賽既野.好緊張呀!

跟住響hall度搞掂,就上番去班房繼續練,練到成6點幾先走呀!聽朝仲要7點半番到黎練呀!想死!

跟住一齊走了.打俾福仔,睇下佢出唔出,最後都係冇出,唔緊要啦,下次都一樣.

跟住同立杰佢地去買氣球,跟住一齊走了.

番到樓下,直接去左商場買野.買咭啦梗係!響日本城度買左兩packs,armarm好夠分.yeah!跟住響文具舖度買終於俾我揀到一本ok似樣,價錢又ok的同學錄了,正!聽日一定要俾肥歐寫先!

跟住番屋企啦,累.

跟住我就開始寫咭了.寫到兩點幾呀!想死!跟住又要6點幾起身!救命呀!