尋晚同福仔傾到成差唔多3點先訓,今朝未夠7點就起左身.

第一堂busi,笑到趴響度.第二堂ue,終於都做section c了,做reading comprehension,做得超慢,但係就arm得幾多下.

第3&4堂acc,繼續做ue.

食晏出去買野食,順便幫婷婷買埋.

吳sir約點半響lab度等,點知搞到成點9先出發.去邊?去拎廠商會的獎學金.我去做代表的.個ceremony完左之後,響果度食左少少茶點,跟住番屋企.

番到去抖左一陣,跟住同媽媽落街去惠康買野.買左好鬼多野.

跟住夜晚靚薯打黎話落街打波.打到12點幾跟住又去左咀郁郁度食野.唉...又冇錢lu.....

咁就一日.

尋晚畢業典禮,但係今日冇得放假.不過就9點先番學.

尋晚兩點幾訓,一覺訓到8點幾,好舒服,不過依然好眼訓.

今日番學唔係上堂,而係做一個所謂既網上英語學習.唉.....又係徙時間的.

勁冇道理囉,有乜理由其他forms可以唔使番,但係中六七就要番?仲要係做埋晒d咁無聊的東西!

聽到老火湯尋日同全校講果番話真係想打死佢!"聽日中一至五既同學唔使番並唔代表係放假架!你地應該響屋企自己溫習同埋去圖書館借書睇架!"咁咪即係放假?!廢話!你覺得有人會聽你講麼?咁點解佢地可以唔番,我地就唔得呢?過份!

今日番到去,第一part響SAC度玩,係由梁社工安排活動俾我地,全程都要用英文的.講中文就係"懲罰",夾你一個衣夾.

第二part係響mmlc,要我地上網search d英文教學既網站,跟住寫低,話俾學校做reference喎!白癡!徙時間!

我做左一陣就做完了,跟住矇矇矓矓咁訓下醒下咁.

跟住放學喇!同尹生去食野.因為佢聽日生日,而我聽日又要早退,所以同唔到佢食野,所以今日提早請.唔講唔知,原來今日係佢既農曆生日.我開頭冇同佢講話食飯係因為佢生日的.

放左學我地行去彩虹果度搭地鐵,一黎平5毫子啦,二黎順便掃街.正!d野勁抵食,不過d餃子就麻麻,下次唔會再食.

跟住落地鐵站"gum"錢,跟住搭去太子度落.行左聯合先,跟住再行番去望角.

行到3點到,去左夏雪度食tea.今日唔知咩事,可能係因為凍唔開冷氣既關係啦,d人係咁食煙,d煙吹晒過黎,勁辛苦囉!隔離台果兩條友勁過份囉!噴晒d煙過黎!又唔好意思走開喎,勁辛苦囉!今日坐果個位勁黑仔,周圍d人都係食煙的!癡線!搞到我最後要用紙巾"um"住個鼻,擺到明係俾隔離台果兩條pk睇的.跟住真係頂唔順,最後都係要轉台.同埋臨尾落單果個壽司黎得勁耐!真可惡.跟住埋單走人.當然是我俾錢的.

跟住同尹生再行左一陣電腦中心,去埋廁所.跟住落到去,佢夾硬話要請我飲珍珠奶茶,因為我頭先請左佢食野.佢迫我飲杯珍珠奶茶既理由都幾得意的."你睇下我散紙幾多,重死我呀!".good!我接受!

跟住同佢行去新之城果度既機舖,我就走喇,佢就去打機.

俾番部相機俾我阿哥之後,跟住我就去聯合醫院.響途中經過瑞和街地利亞果陣,竟然俾我見到樺哥響入邊做緊野!傾左兩句就繼續上路.

去到醫院,點知check到隆仔已經出左院!唉.....白行一趟添.不過呢個都係其次,最驚係佢咁搞法,身子一定唔會好的.真係好擔心.

跟住行番落地鐵站答地鐵番屋企,點知俾我撞到靚薯同文華添,俾佢地嚇左一跳.番到油塘又俾我撞到毓文的媽媽,又係傾左兩句.

跟住陪靚薯過街市兜左個圈.去左ok睇陣雜誌,諗住番屋企,點知又撞到唐老鴨!傾左好耐,勁搞笑,勁開心.

阿哥打黎,話"南豐商場"響邊,佢同杰兄要上去搵尚書房.我同佢講話寶琳,點知係響坑口的!但係佢開始去左坑口先的,話見到"南豐廣場"唔知係定唔係,所以冇上到去.真係吹脹.不過始終都係我講錯野的,勁唔好意思.

跟住都冇咩喇,咁就一日.

今日早放,因為晏奏有畢業典禮搞.

busi聽左書.m&s原本諗住訓覺,點知頂唔住引誘同阿dennis佢地玩killer.

跟住兩堂ue,作文,悶爆,今次好明顯唔夠字.

跟住放學喇!原本可以走得的,不過因為要幫手,所以無謂走了.

原本約左Christy食晏的,因為佢今日黎左隔離運動場Sports Day.到左12點半到,佢打黎已經食左lunch,同唔到我食,咁冇計啦.唯有留響學校同尹生佢地食.今次係肥仔梁請.

跟住同婷婷果d落hall rehersal.

5點幾,康康番左黎!係第一個呀!跟住壕壕又番埋黎,今日佢既身分係畢業生,好型仔呀!

6點到,落左有蓋度幫手做接待,又見到Christine呀!好開心!

搞完之後又上番hall幫肥仔梁手.搞下個幕呀,咁囉.係婷婷同子淇講旅遊果part.扮視像會議囉,超假.

同埋我都有份上台拎獎的,其實都唔係咩獎,只係一張證書而已.

跟住成班人去打邊爐,差唔多成廿個.

開心嗎?一半啦.唔知點解.

差唔多成12點幾先走,番到去再送埋小娟番屋企.跟住又同靚薯過ok歇陣.

番到屋企都點半喇!跟住沖埋涼,差唔多成兩點先訓.

好早咁起左身,食左兩個米粉做早餐,飽飽.

第一堂acc,睇語文常談+訓覺.drop科堂,library傾偈.

小息冇野做.

跟住cl&c,測驗,不過出左貓.ue,上左mmlc,冇做過野.

食晏,詹詹幫我叮飯.跟住睇佢暑假去旅行果陣時d相.d景好鬼靚呀!見佢果個咁enjoy既樣真係羨慕死.響不久的將來我一定要去到旅行呀!

跟住busi,8成聽書,2成訓.m&s,睇報紙+玩killer.

班主任節,搞完A-level報科既野繼續玩killer.

跟住jpc開會.跟住過hall搵阿紙果d.搞到無啦啦要幫肥梁手搬野.

跟住同肥明一齊走,去到德福就得番我一個,因為佢約左人.

跟住番屋企,咁就一日.

尋晚早左少少訓覺,今朝都算知醒.

第一堂busi,冇咩點講過書,對番功課既答案.acc,訓.

小息,同軒軒佢地玩層層疊,我仲同軒軒玩到唔落去排隊添.

drop科堂,圖書館坐,今日肥梁無啦啦唔上堂,要鄭太代,所以佢地都好乖.m&s,又係坐足成堂.

食晏,叫尹生幫我出去買,唔該晒!

跟住圖書館當值.

cl&c,講番本語文常談大概測既範圍.pe,半坐多半打波.

班主任節.

之後又過圖書館當值,不過同培基捉棋,冇做野.

4點半準時收工,落去烹飪學會癡食,同幫手做下野.今日整d cookies唔錯.下個禮拜整日本芝士蛋糕呀!

跟住番屋企.落街幫手買野.

食晚飯.阿哥番左黎.

咁就一日.