夜晚11點到馬仔打黎話落街飲野.最後都係劈左枝喜力.......

發覺次次都好有興致咁飲酒,諗住可以短暫解愁,但係就次次都係飲完之後更加愁!癡線.........

吹左陣水,叫左馬仔自己上樓先,我就再坐多陣.初頭佢都唔肯的,話係佢叫我落黎,就應該一齊上番去.不過最後都係俾我迫到自己上左樓.....坐多一陣我都走啦.

番到屋企,send番個message俾馬仔同佢say sorry........

今日終於"的"番起心肝搞jupas揀科.

acc堂,同軒軒一齊研究揀科.dennis同roy響度玩埋晒d白癡,但係又笑到碌地既野.

跟住drop科堂,一路吹水一路揀科.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住小息.

跟住cl&c.mr.p突然間走上黎影相.

ue,上左一堂既充實既oral堂.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住lunch原本要打波,不過因為點半約左肥彭過伊利沙伯體育館睇太空人,所以廢事打.交左俾條好串既f.1仔代我打.佢真係有d料既,不過個格就衰到冇人有.

跟住就去左睇太空人喇!

睇完之後就同longlong一齊走喇!dennis佢地就去左行街.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住都冇咩事發生,咁就一日.

今朝一番到去,天賜無啦啦俾番件冷衫我.呆左.......件衫殘晒,仲要癡左好多白色既碎上去!佢仲好似冇事發生過咁,番番埋位.....依然無奈中.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

頭兩堂訓死左.

小息完之後排隊,忍不住要試下天賜.佢竟然仲要驚訝過我!

"有咩?!"

極度無奈!邊有人咁的!我唔係怪你整污糟件衫,我係唔鍾意你明明知係咩事都咋唔知!明眼人見到都知啦!我借俾你果陣係咁架咩?咁大分別你竟然話唔覺?!呃鬼食豆腐呀?!

憎到你爆!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住又過左兩堂廢堂.

跟住lunch打社際羽毛球,不過我地不戰而勝,因為人地冇黎.

跟住cl&c,肥彭冇番,同miss vicky傾左成堂.跟住pe,上hall打羽毛球.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住班主任節上左mmlc,搞jupas d野.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日有好多人勸我報番jupas,其實佢地都講得arm的,只不過一路以黎都係自己冇信心遮.衝左咁多年,如果黎到呢一刻為左慳果400蚊而唔報jupas又真係唔係好講得過去的.

所以.........好啦,都係報啦.

好多謝:立杰,阿枝,同埋唐老鴨.如有遺漏,敬請原諒.

尋晚成4點幾先訓,今朝12點幾就起左身.

食左d野,就開始做功課.淨係做左busi,原本諗住做其他科的,不過最後都係冇心機做.

跟住福仔打黎話突然間今日要番工,所以陪唔到我行街.冇所謂啦!

跟住樂哥又打黎喎,叫我出去行街.咁就出左去喇.跟住到左4點幾,我就去左補習,樂哥就去第二度行住先.到番6點幾我就join番佢.跟住佢去買鞋,叫左佢阿哥黎碌卡,因為儲夠4千蚊就可以送部ipod.跟住佢阿哥就走左,我地就繼續行.行到9點半都散喇!

跟住番屋企一路做功課一路玩電腦........

咁就一日.

P.S.:發覺自己傻傻地,想講apm果陣就講朗豪坊,想講朗豪坊果陣就講左apm,癡左線.

今日勁眼訓,頭一堂busi已經訓左.

ue,教寫recommendation essay,今個禮拜又有功課了.

acc,溫busi.晏奏cl&c訓教.busi test,麻麻地識.今個禮拜又有busi功課.

放學,去左社工個小組度.

跟住同尹生行過去藍田食冷麵,都可以話係第一次.

夜晚搵左兩個舊同學仔傾電話,好滿足.