成6點幾先訓,所以今日成晏奏兩點幾先起身.

跟住食左d野,就過碼頭買初四過澳門的船飛,點知去到先知冇,就算有都要成晏奏3點.

跟住唯有走了.即係徙左車錢.

跟住番到去,順便過惠康行下,點知好多優惠已經冇了,仲諗住唔會咁快添.

跟住番屋企了.

夜晚搵到兩篇香港之秋既讀書報告.跟住諗住搵埋m&s既past paper,點知搵左好耐都搵唔到.個人開始有少少"mung".

跟住諗住搵個釘書機,點知又係搵唔到!個人"mung"到一發不可收拾,發左媽媽同哥哥脾氣.

跟住訓左.

今日依然好眼訓.

11點幾起左身.

梳洗,跟住落街"gum"錢俾靚薯.因為佢問我借錢買野.

跟住直接上廣田飲茶.今日大姑姐約飲茶.真開心,好耐冇見佢喇!雖然都係一兩個禮拜的事.

飲完跟住番屋企了.

跟住番屋企幫手貼下揮春咁.

夜晚食完飯之後就同靚薯過觀塘行年宵.當然唔係即刻去啦,太多人了.

首先去左打機,打打下竟然撞到ivan.

打到點幾,跟住就過去年宵睇下,超迫的.今年d野冇乜特別.可能要響花墟同圍園先會睇到d好野.

兜左圈跟住出番黎.跟住番過觀塘食野.跟住再去打機.4點幾又番過年宵.

行行下竟然俾我地撞到阿才,真開心,因為好耐冇見喇!不過傾得唔夠兩句就走了.

跟住去到年宵.買左幾個吹氣揮春.因為呢d時間先會平的.點知買完就即刻落雨!想死!諗住衝過買個"自搖揮春",不過d人因為落雨既關係已經開始執野了.即係我又買唔到了.

跟住冒住雨同靚薯過地鐵站搭車番屋企了.

番到屋企,又要沖多次涼,想唔洗頭唔都唔得了.跟住即刻過靚薯企借風筒.

再番到屋企,已經6點了.

好眼訓.

armarm先至兩點先訓落去,但係跟住5點45分就要起身了,因為要整野食飯學校.

今日係第二日的陸運會.

又係整左成個鐘先出門口.

跟住準時7點半番到去,見到彪叔,幫佢拎d野果運動場.

跟住番過黎排隊.

跟住又係一輪廢話,今朝師奶鄭冇番,巫sir過黎代.

跟住過去了.

好快又做工作人員.

今日幾乎全部都係跑.

唔知咩原因,可能太多人了,搞到我做左冗員.超悶的.

今朝阿謝一樣冇番,婷婷要代佢做宣佈.

跟住食晏時間了,同上次一樣,又係派.

終於到我自製的所謂三文治出場了,捧場客有dennis,肥ming,ivan,jason,多謝晒呀!另外ivan負責供應飲品,肥ming就埋零食.

跟住好快又落番去做工作人員了,今次真係超悶.有小學生黎參加,想死的.

阿謝同師奶鄭都番黎了.師奶鄭仲請左我地響下邊有份做工作人員的學生食雞翼,好開心.多謝晒!

跟住都差唔多完了,一輪閉幕之後就走人了.

跟住又係去左機舖.

跟住番屋企了.

由於呢個禮拜太辛苦的關係,今日11點準時訓左了.

P.S.1:今日班際爭少少就贏到了.激死.

P.S.2:今年黃社又係贏到開巷.

呢幾日捱到想死,晚晚都咁夜先訓.

今朝又係7點到起身.

番學.

今日一番到去排隊就俾湯太留難了.話說尋日我地商科班有兩個學生響度玩同大嗌,俾湯太見到,所以今日要我地最遲先走得.

跟住我地唔番home room喇,因為都打鐘了,所以直接上去上堂.終於俾我知道左原來係阿roy同dennis搞事.

第一堂busi,阿謝今日好嚴肅,話咁耐以黎都未試過有中七會被點名留低的.佢唔係鬧我地,而係語重心長咁同我地講.經過一番勸勉之後,連平時上堂訓教咩都唔做既roy都起身做野了.其實阿謝講得好arm的,希望我地會做好d啦.

跟住m&s,抄埋剩番既acc,終於做晒喇!

小息.

跟住兩堂ue,做04 listening test,悶到爆炸!根本就唔識.一路做一路半放棄狀態了.跟住拎埋個marking-scheme就走了.

食晏,今日出左去食.好耐冇出去食喇!今次有成9個人一齊食呀!我,Jason,Dennis,Roy,Seven,阿枝,阿碧,肥明,尹生.跟住食完在過華潤買糖.跟住就番學校了.

跟住acc,抄m&s.3點鐘,無啦啦開咪話叫某d班別去hall講關於聽日陸運會既事.點知我地班都有份!超搞笑的,唔訂飯都要俾人"省"!過份!不過點都好,我地又唔係唔番,自己帶野食而已.

跟住走喇,不過留低左商科既同學仔派m&s既野.跟住就真係走了.不過走之前同左阿枝上library借acc past paper,不過最後借唔到.

跟住我走先,趕過mia度補習.不過等左好一陣佢先出現.跟住補完就走喇!已經好累了.

番到去,過左惠康買野,聽日整野番去食.最後買左3條生命麵包,2罐午餐肉,2包火腿.

番到屋企,原來爸爸今日公司有飯食,哥哥又番工,所以得番我同媽媽食.

跟住食飯睇電視.

跟住切定d午餐肉.

最後又係兩點先訓.

尋晚抄acc功課抄到成兩點先訓,真係想死.不過都應該抄左至少一半了.

今日7點到起左身.

番學.

第一堂acc,繼續抄.跟住drop科堂,上library繼續抄兼傾偈.

小息.

跟住cl&c,做04年既listening test.跟住ue,繼續上個禮拜既topic.

lunchtime.叫左阿紙幫我買飯,唔該晒呀!我就繼續留守響度抄功課.

跟住busi,交簿.做題目.m&s,原本諗住繼續抄功課,點知變左玩.

跟住班主任節,跟住放學.

跟住番到屋企,繼續抄功課了.

又係兩點先訓.