尋晚成兩點先訓,但係就"典"到成3點幾都未訓得著未,救命!

今朝個鬧鐘響完之後,再訓過,起身已經係7點踏4!極速梳洗,衝去lift,但係部lift剛剛落左,唯有等第二部.激死.跟住一入lift,竟然見到人同我一樣用個canon袋,想死.跟住落到地鐵站已經40分,跟住再去到九龍灣50分,跟住加速行番去,當然冇跑.途中撞到dennis&肥明,仲有阿紙&婷婷.跟住番到去都冇遲到,勁!

跟住班主任節,原本要晨讀的,不過冇帶書,特登唔帶的.

跟住busi,英英一開波就同我地講話學校要check簿,要聽日教齊!busi我唔係好驚,因為有做開,但係其他科就.........死梗.

跟住acc,問fokfok拎番d notes黎搵番自己唔見左果d.要今晚趕起佢呀!

小息.食野.食左個豬柳包,但係太凍了,買多包魚蛋.飽死左.跟住排隊.

跟住上番去4樓,我地唔上去library了.

drop科堂.又係傾偈,一路傾一路執notes.跟住m&s,一致決定做番03&04的past paper當功課,又死左.

食飯,出去買飯食,幫壕仔買埋.因為佢今日打班仔羽毛球.

食完之後,落去睇婷婷打.跟住自己玩左幾板,就上番去了.跟住玩uno.

跟住cl&c,今堂教演講辭.聽日要交俾企鵝仔當功課.又係死左.

跟住pe,今堂到詹仔,婷婷,阿紙,阿忠教golf.教完之後同jason,dennis打羽毛球,狂野地抽打10分鐘,好舒服.跟住換衫走人.

走左之後,醒起未拎課室日誌.唯有陣間先拎番.

班主任節,講畢業同學錄的野,要成$80蚊一本!最後掙扎左一陣,都係唔要了.跟住阿roy拎番本課室日誌俾我,原來佢幫我拎左,俾佢玩左,不過都唔該晒!跟住臨走前玩左舖波子棋,響劣勢之下贏左小朱.

跟住落去搵fokfok印番d notes,點知佢見家長,等左好耐.最後都印埋先走.

跟住番到屋企打俾kai婆蘭,不過佢話今日唔黎了.

跟住就係抄功課馬拉松了.清左busi & cl&c之後,就係咁做acc.原本諗住今晚可以趕起的,不過最後發覺係冇咩可能的,太多了.不過都做左應該有一半了.

今晚又成兩點先訓.

尋晚成點幾先訓,臨訓前食左兩粒panadol.

今日訓到成11點先醒.

今朝先知原來三姑姐今日放假,約左我地飲茶.

起身梳洗,食左少少野.跟住玩下電腦,做埋個mia份mock 1既matching.跟住就出門口了.

去到原來三姑姐已經到左.跟住阿嫲都黎埋了.等多一陣就上得.

發覺而家同三姑姐食野真係好唔掂,好鬼煩的!發覺佢窒人窒得好開心囉!仲要係覺得自己贏晒果下先頂佢唔順.今日又俾佢窒了.講真,唔好以為我唔反擊就以為我默認你arm至得假!我都係俾面你係我姑姐遮.你成日話我態度呢樣果樣唔好,你自己咪又係一樣.而且仲勁過我添啦.見到你平時淨係識得話人唔掂,自己就點好點好真係想死.檢討下啦!我重申,我唔反擊你純粹係出如尊重,你唔好以為自己arm晒!

其實呢幾一黎都唔多舒服,個頭同個肚都係.搞到今日冇咩胃口.最衰佢又唔係搞肚.想嘔又嘔唔出,想搞又搞唔成果下真係想死.唔上唔落的.明明冇胃口唔想食,但係又因為肚餓而要食,真係好辛苦的.因為食完過下個肚其實唔多舒服的.總之就好想死啦!

跟住同媽媽落酒樓下面的街市買送.跟住就走喇!

跟住番到屋企擺低d野,再落樓下的街市買未買完的野.

首先去商場既mannings諗住買biore既cool洗面膏,點知要成$25.9!梗係唔買啦.跟住醒起有藥房,所以行左過去買,都只不過係$18大元.

跟住落番去街市買野,跟住就走喇!

番到屋企,就即刻又要幫哥哥還書了,真係想死.還完書之後就行過ok果度用張coupon換份career times,唔使錢既野當然唔可以放過啦!

跟住就番屋企了.

今晚打邊爐呀!不過.......冇咩胃口.

跟住晚上做埋餘下的sec c exercises,真係想死的.難到嘔.我覺得完全係unclassified.不過到最後都俾我捱完.

跟住做完之後,12點幾,福仔打黎,原來佢今晚要留夜留到成差唔多兩點.因為要等個party黎,大概可能要去到兩點先黎到.所以中間呢段時間係超悶的,仲要係個lobby得佢一個,當然d客唔計啦.最搞笑係佢電話冇晒電,要用公司電話打俾我,仲要係打我屋企,佢話唔會記得我手提的,超搞笑.不過佢講左一句令我突然間覺得好warm,就係"我同你識左咁多年,梗係記得啦!".多謝!

傾左一陣,跟住佢話不如唔好徙左d時間,就問下英文.咁就教下佢英文啦.大概點半到,個party黎了,佢幫埋手,跟住就同我收線了,因為要走了.

跟住我再搞埋d野就訓了.都已經成兩點幾了.

第一堂ue,對番尋日派的exercise,ok啦.跟住drop科堂,今次發現左,原來當你對住阿枝係咁眨眼,佢就會跟住你係咁眨眼.超搞笑.

小息.

跟住acc,冇野做.跟住cl&c,訓左.

食晏,叮飯.

跟住兩堂busi,唔多識,但係都算捱到最後一刻.

跟住班主任節,跟住放學

跟住番屋企.

今日一早有個晨讀.

第一堂係busi,做題目.跟住m&s,訓左.

小息.

跟住兩堂ue,今次唔使響music room度上,真開心.今次對番上次作文同埋份sec c.

跟住食晏,買飯食.跟住又係玩uno.

跟住兩堂acc,test.雖然我冇聽過書,但係都照做.

跟住班主任節,跟住放學.

跟住就過太子補習.

跟住番屋企.

第一堂acc,冇野做.跟住drop科堂,上去library傾偈.

小息.

跟住cl&c,派05年的閱讀理解俾我地.跟住ue,今次既topic係bird flu.

食晏,叮飯.今日有婆婆整既豬手食呀!好開心.跟住玩uno.

跟住busi,但係我地似乎聽到打鐘都唔肯落去.搞到阿謝響下邊等左成10分鐘.跟住m&s.

跟住班主任節.

跟住放學了.