尋日成兩點幾先訓,今朝竟然又起到身.

busi,笑爆嘴.今次笑爆嘴唔單只係英英,仲有我份,因為"nor"左好幾鑊.acc,冇上過堂,傾偈.

小息.壕ho叫我幫佢俾份Christmas gift阿枝,原本佢唔要的,不過最後俾我搞掂左.之後直接過左library,冇落去排隊.

過左一堂drop科堂.跟住係m&s,都係冇聽書.

食晏,叫左dennis幫手買飯,唔該晒.跟住過左library當值.

跟住cl&c堂,不過要過去hall度聽講座,仲要係一個美其名的性教育講座!悶爆.訓著左.發覺個容萬成講野真係好冇風度,成日以為自己咁講野可以attract到大家既注意力,但係就唔知自己講野係幾咁難聽,一d面都唔要.

跟住pe堂,今日到祖仔果組present,唔錯.跟住冇得自由時間就要換衫了,不過都預左.

跟住班主任節,練歌,似乎好難夾,驚練唔切.跟住放學冇去library當值就走,因為要過觀塘幫哥哥手派傳單.

跟住派到又累又眼訓,7點到就走左喇!

夜晚約左靚薯落街打電話俾蘇sir,點知佢9點幾就訓左?!冇計,過兩日再打過.

跟住去飲野,吹左陣水,差唔多12點就番上樓了.

跟住寫埋壕ho本紀念冊.

係咁多了.

今朝差唔多10點起左身,因為約左立杰佢地唱k練歌.

今次係去新之城唱,第一次去,不過幾ok.

唱到2點半收工.

行左一陣,跟住去補習.走果陣發現左有檔野竟然食車仔麵3送1麵都只不過係$11!又忍唔住都係要食左先走.好滿足.

跟住番屋企.

今日係咁多了.

今日8點本起身.

原本要番學校補課的,不過今日要出去比賽,所以唔使番.

好鬼眼訓.約左尹生響地鐵度等.過左觀塘搭車,順便去7仔買早餐食.好快入到沙田,同軒軒會合.

入左朱敬文中學.跟住見到fokfok,不過轉頭就走了.話番學校.覺得好搞笑.同我地3個影左張相.唔明校外活動點解下下都要影相.由於fokfok早走而唔同我地食晏既關係,就"屈"左佢sponsor我地既christmas party,$200呀!正!真係要讚下自己,哈哈!不過都好多謝fokfok.

告別左fokfok之後,我地就要上去hall度比賽了.分開好多行,但係我地係第3行的第一個,無奈.派卷了.好鬼難,busi野多acc.救命.不過冇咩所謂了,大家都係平常心黎比賽.分工,一人做d.完卷,走人.

跟住軒軒帶左我地去食野.唔係食飯,係食腸粉之類的東西.好味呀!多謝晒!跟住去左打陣機.跟住就走喇.軒軒去找他的朋友,我就同尹生過左tst打機.

行左陣sogo,冇咩行的.跟住過左金馬倫打機.打完機,同佢行左一陣天地圖書,跟住陪埋佢過番旺角睇電腦書.

跟住我走了,佢就話要食d野先走,點講都唔肯忍一陣間番屋企食,冇計,唯有由得佢.

響地鐵度訓左,不過好彩醒訓,識得落車.

差唔多番到屋企先知原來灣仔果邊出現騷亂,好彩阿哥走得快.

爸爸因為灣仔騷亂既問題要兜路走,搞到成8點先番到屋企.

今晚打邊爐,正!唔知點解好似食極都唔係好飽咁.

跟住沖涼訓覺.

今朝一番到去,就知道ue同clc調左堂.

busi,笑爆嘴.cl&c,終於搞掂本語文常談的test.

小息.

跟住acc,竟然冇訓,仲做左d acc野添.

食晏,叮飯飯,再叫埋dennis幫我買的燒賣,正.

ue,肥歐俾師奶鄭搞到不知所措,仲"hum"親個頭添.

busi,再笑,俾dennis同roy仔寸左兩嘴.

班主任節,搞party既野.

跟住係社工的小組活動.

跟住番屋企了.夜晚同靚薯去打波跟住食野.

番到屋企搞埋d相,send埋俾肥歐先訓,都差唔多成4點幾了.

6點幾近7點果陣,send左個message俾子淇,叫佢拎d acc notes俾我.

今日唔係早左起身,但係就早左出門口.

番到去上左個無無聊聊的assembly.

跟住上ue,師奶鄭今日終於有番.不過好似仲未好得番晒.

跟住drop科堂.傾偈,做ue writing改正.

小息,uno.

今日fokfok冇番,鴨嘴林代課.

跟住cl&c,原本要測語文常談的,點知又俾我地群眾壓力制服左,聽日先測.咁就變左oral,超悶爆.

食晏,叮飯飯.食完,再uno.

晏奏兩堂busi,開頭冇事,跟住訓死左,訓到落堂.

班主任節,傾下禮拜Christmas Party既野,好開心,好興奮,大家都好齊心,睇黎大家都重視最後呢年既party.

放學,同杰兄落去搵肥何搞party既歌唱比賽報名既野,寫低左就走喇.今次我地有成大半班上台唱呀!好開心呀!大家真係好齊心,好感動呀!超爆期待下禮拜三呀!

跟住都番屋企喇.