今朝訓訓下福仔打黎,原來佢今日考車,佢唔打黎我真係唔記得.在此要恭喜你考到先!好戥你開心呀!

相信大家日常生活都唔會點留意農曆,我都唔例外.原來今日係我既農曆生日,在此又要同自己講番聲"生日快樂"先.其實好搞笑,因為年年既生日我都唔會記得,而媽子就一定會記得,點知今日佢都係臨時望到個月曆先醒起,超搞笑.

P.S.:百無聊籟既日子我已經唔想再過;越來越覺得做人冇咩意思;越來越冇人生目標;越來越想快d結束......如果有人想活長命d既,同我講,我可以隨時俾你.

連日黎都係搵工,可惜......

好想做到自己想做既工,但.........

開始好懷疑自己讀咁多書黎做乜........

讀咁多書,考咁多試,無非都係想做到自己想做既工遮,咁都唔得?!

我開始唔知考唔考下個月既lcci好......

因為考完都冇用........

得物而無所用..........

唔通真係考黎純粹為滿足自己既欲望?

以前既我可能會咁諗,但而家我唔會!

不過身邊既人好多都已經搵到野做,都好戥佢地高興........

但.......幾時輪到我呢?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

連日黎收到jupas既野,email又有,信又有,原來今個月既29號就係jupas轉order deadline既大日子,但我.......

好似企響個多岔路口咁,停左響度,唔知點好........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

點解做人可以有咁多無奈同煩惱?!

但其實..........

一早都已經唔想做人好耐了...........

其實響考完ACC (AL) 之後都開始上勞工處個網搵工.之前見過一份,不過最後不了了之.

呢幾日都係咁啦,其實都係上網睇.今日好好成績了,終於打左份Curriculum Vitae.聽日要再加油,打埋封Cover Letter先得!

今日訓到晏奏先起身.跟住食野.

有個朋友過到黎油塘見工,所以約左佢響樓下商場度傾.傾左好耐.

跟住同媽媽在超級市場買野,買左成個鐘!其實係中途我不斷傾電話而已.

跟住番屋企了.

尋晚都成兩三點先訓.今日仲要考Listening.

7點搭8起左身.梳洗.跟住出去考試.考之前食左個m記,飲左杯咖啡,因為驚唔夠精神.

跟住入試場等到10點開考.

今日完全冇難度.一d都唔快.arm晒我呢d寫野慢的人.不過超黑人憎,part a既頭兩個sec都好慢,點知無啦啦sec 3突然間快!搞到轉唔切,咁就抄唔切好多野.唉....最搞笑係個sec 4又慢番.......!!!!!

跟住part b,個note sheet抄唔晒.到最後成個part b都唔算做晒.最黑人憎係篇article尾部既points我有的,但係就寫唔晒,最後都埋唔到尾....!!算.

跟住落左apm,期間打左俾紙皮姐姐拎野同問下近況咁.相信今次大家都發揮得ok.

跟住又竟然俾我撞到個朋友,跟住一齊食飯.

晏奏搞到成7點幾先番屋企.

番到黎同個朋友傾左一陣,原來有考生打去考試局投訴話paper 2有人出貓!事源係d題目下邊有個網址,d考生借尿遁左去用電話上網check!其實果日考完我都覺得奇怪,點解剛剛考完晏奏即刻上網睇已經有答案,係果篇open cloze.其實考完之後有答案出左黎都唔出奇,所以冇理到.我仲對到個答案我arm唔少添.點知今日你同我講話有人出貓?!你有冇搞錯?!如果俾我知邊個咁做我一定鏟到你上天花板!唉.....今次份卷我做得唔差架!如果你同我講話要考過,或者cancel某一part我都唔想囉!激死!

唉...希望唔好有事啦!超冇心機!

如果唔係今日晏奏有好緊要的事要做,今朝都唔會咁早起身!咁早起身為乜?為左剪頭髮!

激死!剪得超核突!我已經好耐冇響樓下剪,因為真係知道剪得唔多好.不過今日為左晏奏既事,迫不得已先至會再響樓下剪!因為唔想徙時間去咁遠剪!

真係好後悔!其實我真係唔多想剪的!都唔知點算,超核突,都唔知點見人!

剪成咁,你叫我點出街見人?!好想死呀!

今日呢件事一定要成功,因為今次真係犧牲太大.如果唔成功的話,我真係想死俾你睇.