今日照常番學.

頭一堂acc,諗住阿fok會派卷,但佢都係未派!成堂唔妥佢.成堂同軒軒+婷婷傾偈.

跟住drop科堂,響library同dennis傾偈.同佢傾番佢尋日考oral既情況.

跟住小息.

跟住cl&c,但肥企鵝都係未派得卷!唉.....

跟住ue,講sharks.瞌著左一陣間.

跟住叮飯食,幫肥明叮埋.成個lunchtime都係咁send message,我同肥明都係,不過佢多d.

跟住鋤左一陣d.

跟住上堂了.

上busi,今次派埋paper 2了.唔合格.跟住阿謝對卷啦,但係我好似..........唔明囉.阿謝又辛苦,我又懊惱.不過佢就黎唔使煩了.

跟住ms,隻衰雞冇番.

跟住班主任節,鄭太唔得閒.

跟住走喇,陪Gwen J去剪頭髮.一行4人,佢認真大面.

剪完之後過左apm食左少少野,跟住行左一陣,就走了.

今日8點幾起左身,洗面食野,跟住番學.

番到去,果然不出我所料,係得我一個番.英英都好無奈.

今日係做本書後面的mock paper.做做下,尹生番黎了.英英超開心.

跟住再做做下,dennis & roy都番黎了,dennis仲抵死到同roy估我地今日有幾多人番,點知創佢地估既新低,超搞笑.卒之,就係得我地4個補課.

英英又係同禮拜4果陣一樣,一路叫我地做,一路係咁同我地傾偈,超開心.好開心咁又過左兩堂.

開心還開心,始終都要做番d野的.佢同我地對個案研究的答案.發然原來我錯晒.唉.......都唔知點解會咁.跟住講完之後都係唔明啦,拉住英英問點解,點知解極都係唔明.搞到英英好無奈,好想死.當然佢冇發我脾氣啦.但其實....我覺得有少少唔開心的.雖然同自己講已經放低左唔會再為唔識busi而煩惱,但其實始終都有d唔開心的.尤其是對住英英..........打死我吧!

跟住走啦,過隔離運動場換衫,跟住過自修室了.

去之前食左個飯.

跟住真係入去溫了,係一點鐘果節.唉........溫書以前對於我黎講簡直係當生菜咁食,但係而家.......一溫親就訓.算係咁啦,到做左d既.

跟住出番黎.我諗過走唔走的,不過最後都係決定留低撐埋5點9果節.見有少少肚餓,所以食食左少少野.落街市既麵包舖度買左5蚊6個包包,一口氣食晒.

跟住入去了.唉..........訓左成日都未訓夠?點解硬係一坐低就訓?想死呀!跟住時間一路係咁過,卒之9點幾就走,好彩都做左一份既section c.

跟住番屋企沖涼食飯玩電腦.

聽日要在搏殺過呀!

今日係學校既教師發展日,所以無啦啦有日假放.

11點幾果陣,ivan打黎問我去唔去唱k,我話唔去了.因為真係想溫書.

原本諗住今日放假會過自修室溫書,點知最後都冇.

訓到成兩點幾先起身,跟住整野食,都成3點幾了.

跟住用下電腦.

跟住做matching.做到想死.好鬼難.

跟住落街買野.

跟住番黎沖涼食飯.

跟住再做matching.

夜晚同左靚薯落街食野.

兩點幾番到屋企.

跟住執野訓覺,聽日仲要番去補課.

都好既,係補英英既busi,因為聽日一定有好多人唔番,好有可能全班都冇人番.廢事得佢一個孤伶伶啦!哈哈.......所以都係決定聽日番去.不過都執定d衫黎換,因為順便過自修室溫書.

尋晚夜訓,今日訓到成兩點先起身.

跟住梳洗,整野食,睇電視.

跟住做功課.

5點打俾福仔,諗住叫佢同我去剪頭髮,點知佢剛剛好放工番到屋企,咁唯有唔叫佢出了.

跟住打俾華d仔,原來佢今日放假響屋企,大髀家姐都響度.

即刻換衫出去搵佢地.去到剪左個頭.發覺都係呢個老闆娘剪得順眼.上次剪到不知所謂.

跟住佢地陪左我去睇電話.個電話壞了.成日自己熄機.癡線的.再唔買我諗就冇人搵到我了.睇左一陣間.一黎自己不嬲對電話呢家野冇咩認識已經不在話下,加上又冇錢.揀平既又唔靚,想靚又貴.都唔知點.所以睇完都係冇結果的.

跟住番屋企了.

跟住沖涼食飯.跟住睇電視.

睇完先做埋d功課.

跟住哥哥放工番黎.

跟住執野,發覺d notes大亂了,點知越執越耐,跟住成3點先訓.

今日訓到成12點幾先起身.

跟住毓文仔又打黎,話陣間幾點去,我話3點到.到時打俾佢.思敏亦都由屯門出緊黎了.爭d俾佢嚇死,佢話阿思敏帶佢四叔個仔出黎,仲要係4歲添.好彩最後問清楚都只係虛驚一場.跟住佢又同我講話佢家姐想配眼鏡片,咁我又唔熟,我話幫佢問下,所以打俾三姑姐問邊間好.最後佢話晏少少叫阿盈打俾我.

爸媽叫我食飯,不過我話唔食了,唔知點解真係冇乜胃口.

跟住梳洗.沖左杯鹽水飲.

跟住玩電腦.跟住媽媽話整番熱尋晚的粥俾我食.

跟住阿盈打左黎俾我,講左旺角Grand Tower 19樓果間都ok.咁諗住陣間睇完戲過去旺角睇下.

跟住差唔多3點了,思敏亦都黎到了.約好晒落去等.出門口前同媽媽講今晚可能唔番黎食飯了.

跟住一齊出發過淘大.

太耐冇見阿思敏了,真係大個左好多.佢竟然對我只不過係有d印象而已.不過都難怪的,以前唔係話特別熟,再加上咁多年冇見,唔記得係正常的.郁文家姐都好耐冇見了,覺得佢越大越靚.同佢講話旺角有間眼鏡舖幾好,睇下佢去唔去.點知佢話貴不如番大陸先配番.同埋夜晚8點到番屋企.咁即係唔出夜街了.

過到淘大,未夠鐘當然周圍行下先.

跟住時間差唔多了,就行過去了.入場.

跟住我地都睇到好開心,因為真係幾好笑的.d對白太搞野了.最欣賞既係詹瑞文做果part.真係唔可以唔服佢,講野永遠都係咁有哲理的.真係好發人深省.而且講得非常生動.實在太鍾意睇佢做show了.

跟住睇完過左仙跡岩度飲野.佢地飲得超快.可能係慣左啦.我就飲得好慢.我都係第一次飲得咁快的.仲諗住坐低一路飲野一路傾偈添.估唔到今次咁快.

跟住大家又周圍行了.慢慢行,慢慢睇.跟住大家都買左少少野,當然我冇買了.

跟住就番屋企了.爸媽已經食緊飯了.今日又突然間咁早.不過佢地都唔知我咁早番黎.

跟住沖涼洗頭.跟住自己煮野食.

跟住睇電視.跟住開電腦玩.

跟住都訓覺了.都已經點幾.

P.S.:今日係仁日,祝天下所有人生日快樂.同埋我的朋友仔,祝你地幸福快樂.