尋晚Sports Day,今日補假,真開心,要訓晏d呀!不過都係12點幾就起左身.

叫左媽媽飲茶,順便叫埋嫲嫲一齊黎.

梳洗左先,跟住就落銀行打簿,排左好耐隊.

跟住我就直接搭車去大東江先了,一上車,俾我見到阿嫲,咁巧同一部車.一齊過酒樓等,我趁有空檔時間就去"gum"錢先,過左一陣,就可以直接上去了.上到去打俾哥哥,原來都係剛剛出門口,唉....不過佢地之後好快就黎到了.不過我地已經等不切,響佢地黎到之後已經食左碟腸粉了,因為太肚餓喇!

跟住食到3點半到,打俾福仔話過去黃大仙等佢.跟住join埋一齊之後,過左望角行.

我地過左朗豪坊muji度買糖食,佢爭住俾錢.跟住行行下,我抽起自己d糖,跟住就將成個袋摺埋,入邊有佢包糖連埋我d錢,塞俾佢,諗住佢番到屋企先睇的,點知最後都係俾佢發現左.行左兩個幾鍾,到最後但係咩都買唔到,佢話睇唔arm喎.最後我地又番番去muji,佢買簿.跟住就走喇!

跟住番屋企.

之後都冇咩事發生了.

但係又係好夜先訓.

今朝6點半就起身了,因為要整三文治.卒之整左成個鍾.

跟住包好晒就番學了.

番到去要排隊先,麥sir講左超耐野,差唔多成個鍾,想死!又唔可以算係講左好多野,因為d野係咁勁重覆!

排隊期間,康康超搞笑,竟然公然食野,不過俾師奶鄭發現左,不過又冇鬧,只係好搞笑地寸左一兩句.

終於可以過去喇!又係搞左一輪先開始得.

第一個項目就已經係跳遠了,當然我係純粹參與性質.搞點就番番過去做工作人員了,今次係做計時,不過我又唔使計,真吹脹,只係將d紀錄紙傳過對面.

跟住終於到左食晏時候了.等d飯派晒之後,我地自己帶野食的人都開始食了.今次我整左9份三文治,但係我自己就已經食左4份了!兩份請左肥許食,1份靚薯,一份肥歐+kafa.我地都帶左好多零食呀,所以share黎食.好飽呀!

跟住又係計時了,最後一份三文治請左獸魚食.我幫幫下手,竟然訓著左了!係訓到落尾,勁好訓果隻!連原本要跑既1500米都冇跑到.累到起唔身咁滯.個頭又有少少暈.

響下低搞左一輪就番上去了.師奶鄭同我講話得番我一個未點名,其他人就有人幫佢地點.唉...雖然話唔想多心遮,但係都唔使咁對我遮,大家都係響下邊上黎的,點解其他人又有人幫佢地點呢?其他人見唔到我咩?佢地肯定見到我囉,佢地仲有同我傾偈添.不過算啦,人地幫係人情,唔幫係道理.

走過陣時發覺有個missed call,係福仔打黎的.

跟住就大棚人上左Virtual Zone度打機.響入去之前我打左俾福仔傾左一陣,原來佢問我聽日幾點出去行街.打左一陣,肥歐同kafa走先,跟住dennis佢地都走了.跟住就我同kit,ivan同尹生一齊走.我地走之前都視察下周圍有冇其他人未走,見冇發現就走了.

跟住夜晚9點幾,靚薯打黎話落樓下食野,響電話我先知佢原來剛剛番屋企,仲要係響機舖番.原來佢唔知我地走左!真搞笑,我開頭仲以為佢唔同我一齊,自己走左,點知原來係我撇低左佢.咁跟住我地就落左去了.

佢未食飯,原來冇arm胃口的送.我地過左OK一陣,跟住就落咀郁郁食野了.今次佢請左我.因為我冇錢.

跟住都番屋企喇!好眼訓!真係好眼訓!

跟住番到屋企,知道福仔剛剛放工,跟住打俾佢,問佢聽日幾點出,同埋傾左一陣,跟住confirm左之後就訓喇.

尋晚差唔多成1點先訓.救命!

今朝6點幾起左身,因為陣間要去百萬行.超凍呀!

響油塘地鐵站等羅仔同觀森,觀森又遲了.望真d,原來佢帶多左個中一的同學仔黎,佢都係去的.點知佢同我地講佢仲有另外3個同學仔黎緊,所以我地又等埋佢地先一齊過銅鑼灣.

跟住一齊響sogo門口等何記同梁sir,凍死左喇!跟住嘉儀同珊珊都黎埋了.兩個阿sir都黎埋.

等齊人之後就一齊出發過大球場參加揭幕禮.依然好凍.坐響度,已經恰眼訓了.個人一唔活動就死.卒之搞到成10點先正式出發.都幾好玩丫,雖然係累左d.中途梁sir走左,因為要番教會.開頭行左好耐都係行左3分1到的路程,但係跟住又唔知點解好快就去到終點了.都係1點幾的時間.跟住我地影左d相,何記問清楚我地搭咩交通工具走,將同類幾group埋一齊,跟住就逐批帶我地走了.

我同觀森一齊搭地鐵.首先坐車過中環跟住先轉地鐵.我去到太子就落車了,因為陣間仲要補習,想死!

由於時間太早了,我首先去食左d野,跟住去新世紀既大眾睇野,睇到咁上下先番過去補習.

我第一個上到去.今次超搞笑的,mia遲大到.通常d人見到佢未黎就會落番去的,點知今次冇.可能我地開頭過d冇落,所以之後上黎的人都見有咁多人,就廢事落番去掛,所以搞到超迫.

跟住mia黎到開門,就湧晒入去了.補左個半鍾,d人又湧走了.

跟住我都番屋企喇!超累!番屋企前,去惠康買左3包三文治麵包,同一包火腿.

跟住番到屋企都冇咩事,咁就一日了.

臨訓前,我打定d蛋,用黎聽朝整三文治.

聽日係第一日Sports Day,但係唔俾人出去食飯,超白癡.所以我決定自己整.預多的,可以請其他人食.

要訓喇!聽日好早起身,問你死未!

今日都好眼訓,但係明知係自己拎黎的.

今日晏左起身,所以食唔切早餐,唯有番學先買.

跟住落地鐵又撞到靚薯,真有緣.

跟住番到去週會,超耐!企到想死.

跟住ue堂,派番尋日做的psws,師奶鄭真快手.今次成績好左,有53分,不過軒軒依然最高分,勁!keep住呀!

跟住drop科堂,傾偈過左.

跟住acc,訓!狂訓!跟住cl&c,諗住訓埋的,不過今次做listening,所以冇訓到.

跟住食晏,叫左詹仔幫我叮飯,唔該晒.

跟住兩堂busi,oh no!做long question!完全係冇心機囉!不過算係咁啦,冇訓到,頂住做.

跟住班主任節,今次又派左一本F.Shum出的英文野,免費的.

跟住諗住走的,點知頂唔住誘惑,同阿碧,ivan,尹生同埋阿枝一齊玩uno,我地過左m記玩,差唔多6點先散.

跟住番屋企超眼訓,訓左一陣.

之後都冇咩事啦,咁就一日,依然係好頹廢的一日.

今日起身食左早餐,跟住出門口了.

響地鐵站又撞到靚薯了,所以又一齊番學.無獨有偶,響德福度又撞到隻龜龜,不過佢今日要行先.

跟住番到去班主任節,冇咩特別.

跟住busi,訓著左,英英走左我都唔知.跟住m&s,雞雞黎左我都唔知,依然訓得好"num",直到落堂.係累到唔想起身果隻.

跟住ue,做psws呀!想死呀!不過今次我又唔覺得太難,不過亦都唔見好過之前好多囉.

跟住食晏時間,叮飯.跟住玩uno.

跟住兩堂acc,做自己野.寫下課室日誌同埋我半同學錄的intro.臨落堂前俾左本野軒軒番屋企寫,唔該晒呀!

跟住又班主任節,同師奶鄭傾番放假前做的sec c,明左好多.唔該晒呀!

跟住就走喇!

番到屋企,原來媽媽訓左.咁我就幫手去買送啦,番到黎又幫手批埋d薯仔同紅蘿蔔的皮,同埋將d雞翼出水.快快手幫手煮飯嘛.

跟住食飯喇,今日夾左好多送聽日拎黎帶飯呀!好開心.

差唔多10點到,靚薯打黎話落街打波,仲約埋文華添,咁就去啦,打到11點幾就番過ok飲野,跟住都番屋企啦.

咁就一日喇!