今日朱記校友終於搞第一次活動喇!真係成年咁滯喇,先搞得果一次活動,果15蚊會員費真係好蝕囉!

不過都係開心既,識到以前既舊生,有見番自己好耐冇見既同屆畢業生,幾好丫!不過今日真係好鬼熱,搞到冇咩胃口食"燒野".今日見到肥肚腩既女呀,原來佢都好好動架worr,又好玩,又肯同人講野,唔怕"生補",唔錯,唔錯!^^我今日抱左佢兩次,一齊玩左一陣,真係幾開心架.相反,家正sir個仔就爭d lu.....勁怕醜囉,都唔癡我既,勁癡佢老豆囉,想同佢玩下都幾難,影相更加係難過登天囉.唉....

今日響大尾督度燒野食,租左架單車踩,噢!真係好耐冇踩過喇!真係好free囉!阿瑩armarm初學識,都踩得唔錯架喇,不過就唔多穩定囉,兩邊擺.><佢仲撞到周身痛添,希望冇事啦!同埋租架車都唔係好貴咋,只需20大元!^^不過都有樣野勁唔抵囉,因為今日太曬喇,所以迫住要租把太陽遮,50蚊呀!真係想打人囉,d人太識做生意囉!

今日參加既人雖然唔多,不過都玩得幾開心丫,大家都.最開心既係識到d師兄師姐,話晒佢地人生經驗點都豐富過我丫,佢地都幾nice架,識到佢地真係好架遮!^^

玩到四五點到,就散band lu........唔知幾時又再有d咁既活動呢?到時多d人參與就好lu..........咁就一日喇!

P.S.:今日係我第一次戰戰兢兢咁開既第一本日記呀!個心興奮又開心但帶丁點兒既緊張.^^其實開黎無非都係想抒發下心入邊一d平時同唔到身邊既人分享既事情遮,大家多多支持啦!^^