今朝頭3堂係clc,做listening,不過都預左.不過今日有d唔同既係發生左一件小事,搞到3個parties既人有少少"嗌圾".其實難得大家走埋一齊做書友,都係一種緣份.大家就下大家,減少磨擦啦.希望佢地快d冇事啦.

今日放學補ue,做98年既A-Level Sec.A既paper,勁難呀!快都嘔泡. 睇怕要聽多d.

跟住齊齊放學,我啦,j仔啦,靚魚啦,碧姐啦,尹生啦,詹仔啦,仲有就係ningning喇,組成左"糖水部隊",齊齊殺去人和食糖水,不過最後轉移陣地,個左牛頭角下村附近既某間糖水舖度食.我一向唔太鐘意食甜野(10年唔食一次果隻,不過唔係唔食.),不過今日難得咁大棚人,梗係食啦.不過我唔食得太甜,所以嗌左碗西米露,正! j仔擦損左隻腳,所以要戒口,我見佢都幾慘下,尤其是對於佢同我呢d咁鐘意食野既人黎講,戒口真係痛不欲生.不過換左係我,我係唔會戒.照食可也.除左j仔之外,我地個個都食得好飽.救命呀!好嚇人呀! j仔大食到呢個地步!佢出到去仲要"吉"野食,不過我都忍唔住要"吉"左兩串腸仔食.不過我真係好羨慕囉, 佢係咁食都唔肥.我?食野少佢好多都咁肥,唉.....突然間好灰.(懶有感情咁!)

跟住一齊番歸喇,原來今日apm間muji開呀! 好想去行呀!不過唔想徙車錢,唯有下次先啦.突然間好想住觀塘,因為可以日日都去muji囉!好羨慕詹仔呀! 可以隨時去行!唉.....突然間又灰多幾錢.(又懶有感情咁!)

跟住番到屋企,冇咩發生,咁就一日.

P.S.:今日咁多人一齊食糖水真係好開心呀!下次有機會再去過!

尋晚唔知咩事,3點幾先訓得著.好mung呀! 呢個咁唔正常既生活模式好乞人憎呀!晚晚都夜遊神,日日一到放學果段時間就好鬼眼訓,激死人喇!卒之訓得果4個鐘唔夠,6點踏10就起左身.唔知點解,一起左身就好難再訓番,就算幾咁累都好.所以朝朝d同學仔好多都係頭果一兩堂訓覺,但係我就趁休息時間同d老師傾下偈,問下野.

我發覺呢排真係好憎呢d天氣,一朝早就落雨,鬼死咁麻煩,但係晏奏就鬼死咁好天,仲要係熱到爆炸果隻.癡癡地線!

今日上既堂都幾充實下,電腦今日教既野都算跟到.最後兩堂pe,冇咩點活動過,淨係學番點樣打golf.不過j仔因為踢波跣親,擦損得好嚴重下.希望佢快d好番啦!

跟住諗住上去練myob,點知fokfok帶黎一個好消息!就係今個禮拜既myob初賽取消左,直落下個月既決賽!聽完之後個人真係輕鬆左好多.因為都算有d時間prepare下.放學果陣check多次個mail box,終於好期待咁收到個教授回覆喇!佢話下禮拜二帶多幾個人上去都冇問題,真開心.真係好期待個interview呀,既緊張又興奮,又驚又喜,個心情真係複雜,好驚會做得唔好呀!第一次同教授做訪問喎!仲要用英文添喎!但係我知道呢個係一個好好既訓練機會,我會盡力做到最好架!加油呀,Danny仔!

跟住番到屋企都冇咩發生,咁就一日.

P.S.:唔知做乜,今日既心情好似唔多好咁,唔多想同人講野.但係咩事我又講唔出,真救命.

今日照常番學,一朝早落雨以為紅雨唔使番添,我d同學仔係咁講點解唔係紅雨,真搞笑.

今日acc堂,照常教cash flow,好開心呀,條數balance到呀! 跟住ue,都算係有做過野.busi,照舊係咁笑,我發覺miss connie越來越乞人憎,笑得抵死左好多. 不過今日問左miss connie好多唔明既問題,好開心呀!明左好多!

跟住食晏,今日相信係帶咁耐飯以黎最開心既一日,因為大家圍埋一齊食呀! j仔今日帶左酸辣青瓜番黎,勁好味呀! 不過再辣多少少會更加野味.多謝晒呀!下次有機會再圍埋一齊食過.

跟住m&s,好快就過左.

放後學,約左細七同羅文仔傾個環保報告既問題.今日終於打到俾個kong u教授喇!開頭果陣真係緊張到爆囉!好驚呀!因為要講英文,個教授係外國人黎架! 我冷靜左好耐,先敢打呀!我開頭以為個教授會唔多接受我呢d中學生既訪問,點知佢勁nice囉!我話想約個時間同佢做個訪問咋,就已經一口答應喇! (唔似得上個禮拜個接線生勁唔好態度! )最後約左下禮拜二4:30pm,睇怕我都要飛去至得.好彩何記會帶我去遮.而家諗番起果陣時傾偈真係一額汗囉,我一路講野一路係咁震, 同埋好多野原本諗住講都miss左唔記得講,緊張到個腦一片空白.例如自我介紹啦,我做得極之唔夠.總之有好多野都唔記得講啦!所以成個電話對話,如果10分滿分的話,我會俾自己唔合格.

打完之後,拿拿臨上5樓join埋尹生練myob,練到成7點呀!好眼訓. 練完之後,勁肚餓呀!諗住經過德福睇下麥記今日有咩優惠,點知麥香雞包買一送一囉!即買左兩個.

番到屋企,食完飯,拿拿臨send個email俾個教授,交代番成個背景資料先,冇理由要人盲中中咁同你做訪問.

跟住都冇咩發生,咁就一日.

P.S.:而家我咩都唔想理,一切唔開心既野要暫時忘記.淨係想搞掂埋今個禮拜既myob比賽同clc加環保呢兩個報告.月尾喇!我仲未有心機做呀!點算?!

P.S.:唔知聽日肥梁會唔會請番我同靚魚仲有碧姑食魚柳包呢?睇佢個衰樣都係冇架啦,不過我又唔係咁恨既,冇就算啦.

呢個禮拜晚晚都成點幾先訓,積積埋埋既疲倦今日一次過發晒出黎喇!真舒服.

首先,今朝10點幾就起左身,因為要打去kong u度搵個教授做訪問,原來佢唔響香港囉!不過今日會番.咁跟住我問個接線生禮拜日條電話線開唔開,點知佢既答覆令我好唔滿意囉(內容費事寫.)!唔滿意既係佢既態度! 都唔知佢係咪新黎既,一d接線技巧都唔識.佢一開始接電話果陣同我傾,我已經覺得佢有問題架喇,點知最後問佢個問題就原形畢露囉,好似俾佢"省"左一鑊咁,俾佢窒番轉頭,真係勁唔憤氣囉. 我打黎係詢問,唔係俾人質問囉! 最後仲要連再見都唔講聲,就"cup"我線,記住,係"cup",唔係"收"! 激死喇! 跟住我一路都好嬲,所以又訓番落去,一路到12點幾.

跟住食完野,用一陣電腦,兩點幾,眼訓得滯再"噠"落床訓過,訓到差唔多7點. 正!

跟住都冇咩事發生,咁就一日.

P.S.:今日睇番呢幾日既日記,個心依然平伏唔到.睇黎,我仲係好介懷.真係好憎自己呀!

今朝一番到去,交左個報告俾鎮城喇!個報告一拖再拖,終於交左喇!好開心.

跟住既堂都冇咩特別,都係咁過.不過今日真係好大雨囉.落左成日.

放左學之後,要busi補課.不過我就出左去搵何記傾個報告.要打去kong u度問野呀!勁緊張囉.不過就搵唔到個教授囉.勁失望.聽朝睇下打唔打到先.不過好驚佢放假囉.d教授既野真係好難捉摸.我諗如果俾我地做到呢個訪問的話,我地呢個報告勝出既機會一定好大.

跟住番屋企,冇咩事發生,咁就一日.

P.S.:低落既情緒持續左成個禮拜,我對自己真係好失望,咁大個人仲未識得處理自己既情緒.呢個禮拜既天氣好差,係咁落雨.究竟個天喊係可憐我定還是係想襯托番我既心情呢?事實上,我真係覺得同我既低落既心情係冇咩兩樣.唔知幾時先至可以好番呢?個傷口雖然係埋左口,不過,殘留既疤痕依然教我隱隱作痛.