今日訓到兩點幾,跟住打俾j仔問佢去唔去叮,不過佢話今日訓晏左,唔叮lu...跟住就梳洗下,之後食飯啦.諗住今日做左busi果d功課,聽日就溫下書既,點知搞搞下都係冇做到.好懶呀 !

今日基本上冇咩特別野發生,咁就一日.

今日上堂冇咩特別,最期待就係busi同acc.今朝fok姐出左去監考,真係好驚佢晏奏番唔到黎呀!好彩咋 !不過就上得麻麻地囉,3堂都係做得果一題數,好mung囉,應該番屋企做家嘛,用上堂時間做太浪費囉,教下書仲好,太多野要學喇 !放學之後有樣好急既事要處理,就係要過去新蒲崗既考評局喇,下禮拜4要考lcci,點知尋晚我拎番張admission form出黎睇,先知原來印錯左我個DOB呀!嚇鬼死呀!搞到尋晚訓得唔係咁好 !今日拿拿臨打去,原來有得改,仲要5點閂門,所以一放學就要飆去.去到例牌唔識行,不過之前其實去過,所以只係擾攘左一陣就搵到.其實改少少野都好快,好快就走得喇.出到去搭車,等左好耐先有14號黎,不過見唔係熱狗,所以等多架,點知又係冷氣,唯有照搭啦 !番到黎,勁肚餓囉 ,所以食左碗車仔米線先番屋企.太累喇,訓左陣 .

之後冇咩特別野發生,咁就一日.

P.S.:今日真係要好多謝longlong帶我去搭小巴呀 ,如果唔係都唔知點去.不過要成$5.4,蝕晒囉,走果陣諗住搭部熱狗番屋企,點知侷住要搭冷氣,唉...又$5.5!

今朝周會,我地半班商科要上台拎獎,因為我地Vertual Enterprise拎左個最佳業績獎.跟住第一堂就係busi喇,好耐冇見connie喇,好掛住佢呀 !佢放完假之後一定係修練過,抵死左好多呀!搞到我更加想打死佢喇!我驚我有一日真係控制唔到自己呀!點算 ?我地商科班既同學仔都要修練下喇,要寸番佢轉頭呀,如果唔係佢越來越得戚架喇 !好彩我地有dennis座陣遮,哈哈...跟住既堂都幾悶下.最期待既就係晏奏果3堂acc喇,不過好似教左好少野,跟住就做成堂幾數,徙徙d時間 .其實我唔係咁鐘意做數做成堂既囉,拎d時間黎教多d野仲好,因為而家仲係教緊中五既野,想佢快d教新野呀!d數番屋企自己做都得啦!跟住留左響班房大家傾下偈,玩下英文遊戲,跟住就走喇.番到屋企做左個eng-class,arm晒喎.其實好矛盾囉,arm得多係好事,不過好似做d咁淺既ex,冇咩進步咁,好似越做越冇心機咁,不過我會keep住做囉.

跟住都冇咩野發生,咁就一日.

P.S.1:今日係小游生日,響度祝佢生日快樂呀 !

P.S.2:j仔既acc今日明左唔少喇,好開心呀!加油呀,j仔 !

今日係番學既第一日,今朝頭3堂都係clc,以為佢會對問題既答案,點知佢做listening,唉...不過都好既,呢份卷算係最唔悶果份架喇!跟住pa,梗係做我最鐘意既數啦 !越來越發覺呢個安排唔錯,上完3堂激悶既clc,跟住果堂就做acc數黎調劑下,個feel原來都幾正下喎.今日果題lcci數其實真係唔係好難,個模式同之前做過既好類似,提問方式一樣,但係j仔做做下又唔知點解諗錯左隔離,之前佢做同樣既題目果陣都arm架!果陣佢係明架!我真係好想幫佢呀,唔想佢再衰多次!但係最mung既係我唔知點幫佢呀 !下禮拜就係喇,點算呀?我想同佢加埋阿紙一齊合格呀!Who can tell me how to help J仔?跟住兩堂m&s,都算講得明既.晏奏就ue test,係listening呀!唉...身先士卒左喇!最尾果堂德育課,上上下要拍video,因為要出vcd宣傳學校,即係要我地扮下野囉 ,個個都話扮完上堂之後好假,呵呵...放左學之後,因為約左何記要拍video,所以響班房等佢.勁緊張囉,佢即場叫我講呀,好彩我唔係第一個,所以都有d時間prepare囉.其他人好明顯係背稿既,搞到我完全被比下去.不過最後果兩個拍攝既人話我都ok喎,但係我就真係覺得自己唔合格.臨走果陣,細7請食糖水呀,係煮木瓜,好鬼正呀!聽日佢話整"啫李"呀,預埋我果份添呀,正,好期待呀 !番到屋企,做埋個eng-class,累累地,諗住伏響電腦枱度訓陣,跟住嘉華8點到打黎話落唔落麥記溫書,咁我話ok啦,因為係唔係都要做埋busi果d乞人憎功課.我拿拿臨沖埋涼,食完野,8點半到就落去喇,我都覺得自己好快.做到10點,麥記都要閂喇.總算做晒busi喇,同溫左陣acc.跟住番到黎睇完大長今,整埋個飯盒.

咁就一日喇!

P.S.1:本"棋王,樹王,孩子王"好多呀!又要溫會考,都唔知睇唔睇得切,唉...本書借唔到俾你喇,j仔,唔好意思呀,因為我自己都驚睇唔切,我驚耽誤你咋,你試下可以問邊個借啦,唔好意思呀 !同埋今日俾我知道左一個唔應該知既事實,就係本死人野原來響中華書局買48蚊到咋(According to Richard),即時激到生蝦咁"扎扎跳"囉 !

P.S.2:今日問Miss Fok借左本acc書黎睇(點都要睇左先,教得黎下禮拜都死鬼左),係cover lcci既,我要快d睇晒,希望可以聽日放學前俾到j仔.

P.S.3:今日就黎要俾我打死既丹尼斯同j仔俾湯太欽點左代表學校去交流團呀!真係戥佢地開心,響度希望佢地交流成功(唔好丟朱記假呀!^^).

 P.S.4:今日聽番嘉華講小朱放學好唔小心咁跌倒,瘀左一噠添呀!唉...真係戥佢辛苦呀,平時身子已經好差,平時又整傷呢度果度,但係又係唔知點先可以幫到佢果下mung .唯有響度希望佢快d好番同身子強壯d啦 .

今日係番學前既最後一日.我例訓到12點幾.跟住ningning打黎問我野,答完佢之後就再訓左一陣.梳洗完兼食埋野,就開部腦做個eng-class既ex.跟住就上網搵料做busi既project.搵左勁耐,好冇心機,兼有少少mungmung地.最後都搵左幾個似樣d既points夾埋書入邊果d,最後都做完.跟住就沖涼食飯.跟住再做埋busi其他功課.又係做到勁冇心機.

跟住都冇咩發生,咁就一日.

P.S.1:聽日開始測ue既section a,好驚唔識,因為listening係最差.

P.S.2:聽日開始見唔到Miss Lui喇,唔知會係邊個黎代教呢?唔知點解,我完全唔覺得Miss Leung聽日會突然間番黎.

P.S.3:聽日一定要迫Miss Fok教lcci,如果唔係下個禮拜就唔得掂.