今朝依舊好早,擺完行李食早餐,仍然好難食.

今日我地去既係台兒莊.呢度係一次非常有名既戰爭既地方.入邊既人講解亦都好詳細,可惜我就係記唔到咁多.消化既時間亦都好短,急到爆.

好快我地又食晏,好快咁就離開徐州去濟南.又係一段好長既路.

食完dinner就番酒店喇.又係好累的一日.

今朝照舊好鬼早.放完行李就食早餐,依然難食.

跟住我地去參觀靜海寺,入邊好多關於國父孫中山既野,有佢既辦公室啦,會議室啦,好多野睇.不過都係果句,行程好急,記唔到咁多.跟住諗住響果度買紀念品啦,點知果度d sales勁唔好態度!谷氣谷到爆炸!都唔知係佢俾錢我洗,定係我俾錢佢洗囉!我見咁多個sales,佢兩個都算係最賤格囉!佢地喝你買野架!死八婆!如果唔係件野靚我都唔鬼買呀!我呸!

跟住我地就去食晏喇,又係超早.跟住我地"拿拿臨"去總統府門口度影番幾張相就走喇.都冇入過去睇.

跟住又係亡命長途車.

去到徐州我地就即刻入酒店喇,食完dinner之後就各自番房.原來大陸既英文文化好得意架.好多時都會串錯字.

冇幾耐就訓啦,舟車勞頓左成日,真係好累.

今朝晨早就起左身.我地擺晒d行李落車度就番入酒店食早餐.唔好食!

跟住我地再去多東方明珠塔,今次係行入去.我仲買左souvenir俾自己添呀!真開心!

11點到就食晏喇!冇錯,係11點呀!想死囉.

跟住食完冇幾耐就搭車過南京喇!成5至6個鐘車程架!嘔血.跟住我地去秦淮河附近參觀左夫子廟同中山陵呀!兩個地方都好多野睇,好多遊客架.我仲買左龜仔野俾細龜添呀!^^

跟住我地就食dinner喇.跟住番酒店,不過好開心呀!同人玩到成1點幾先番房,正!

今朝四點幾到俾羅文morning call,勁眼訓.跟住五點幾佢就黎到我樓下喇.真係唔該晒,有順風車搭.

去到警署門口喇,原來已經有好多人已經到左.我地仲見到光頭麥添呀!原來佢跟我地車.好快就上車去機場喇.

一去到就已經見到肥明佢地喇.好早.跟住我地既導遊就幫我地check in,派機票同boarding pass.我地響機場入邊兜左個圈就差唔多夠鐘上機喇.

今次我地搭既係細機.不過都算係咁啦.不過d野真係好難食.我仲唔拎唔到playing cards添呀!我問佢果陣佢話派晒.哼.

3個鐘到就到左上海機場喇.我地落機就即刻上車去食晏.d野唔多好食.跟住"含砍"聲就去中學交流喇.我地入到個hall度坐左一陣,聽一大輪野,跟住就參觀下間學校.不過好快就走喇.又話交換souvenir,不過都冇.搞到拎住勁重.跟住我地就去參觀閘北四行倉庫,入邊好多野睇架,係同戰爭有關既.不過我都唔知係咩黎,淨係知有個人叫謝晉元,間中學都係以呢個人黎命名.

跟住就dinner喇.最後我地去左參觀呢個東方名珠電視塔.個夜景好靚呀!

最後我地就番酒店喇,真係好累.

而家係零晨既時間.仲有大約5個幾鐘到我就要出門口,6點幾要響秀茂坪警署集合.

今次話晒都係第一次出遠門,心情難免有少少緊張同興奮. 由於我個喼太細,所以搞到個hand carry好鬼重!

好多野要帶,真係"哪"手唔成勢,好彩有羅文仔教我執野遮.其實今次係一個好難得既機會,但係個行程似乎好急.8日入邊總共要住7間酒店!朝朝仲要五六點起身!我呢個夜鬼一定死梗.

響行程既第7日,我將會用國語講一個8分鐘既speech,仲要係講香港既教育制度!死未!

我陣間要五點幾出門口,好彩有羅文仔佢爹地黎接埋我遮,唔該晒,如果唔係我真係唔知點.

聽英姐講,話唔會有機會買野,但係我都希望買到啦.最緊要係買野食!到時我一定唔會唔記得各位6A班既同學仔既,如果我買到既話!尤其是係j仔呢個為食兼大食鬼(雖然我都係).哈哈.....

希望冇拎漏野啦,都係時候訓.

祝自己聽日一路順風.