今日放假之後既第一日番學,冇咩特別事,都係上堂.今朝一早番到去即刻問ipip拎左上禮拜考左既sly.a paper,見到真係好驚囉!出得超淺囉,難怪longlong話係有史以黎咁淺啦! 咁就死啦,唔知禮拜到我考果陣會點呢?會唔會又係出乎意料之外呢?真係好驚呀! 而家會考d趨勢真係難捉摸,真係好難估佢出成點.

我用左唔係好耐已經做完paper2 lu.

最後兩堂pe,一上完打鐘就已經一支箭飆出去喇,我係第一個呀,為要趕響4點去到補習果度做mock test.點知改左schedule囉!我一心想做paper3架,點知變左做paper1,好悶呀!加上我又鬼死咁累,條題目又鬼死咁難寫喎,基本上都冇乜點做,只係趴左響度訓.7點半其實可以再做番既,不過唔啦,唔使訓咩,又要趕埋d功課,所以6點半到就走人喇.走果陣,個lecturer話借我d paper黎影印,咁事但啦,佢跟住話幫我改埋我今日做既paper2,真開心! 聽日就知做成點喇!唔知點解對呢個lecturer真係好有信心,因為佢真係教得唔錯.雖然係快左少少,但係教既野真係幾有用下.

之後番到屋企,食完飯,做埋eng-class,9點半到開始做sec.e,做左11點半有多呀!係咁搵資料都搵到mung呀!淨係做左task1咋,不過應付左功課先啦!最激氣係搞到我唔記得睇"英語節2005 – 英語日日新"呀!激死呀!

跟住都冇咩發生,咁就一日.

P.S.: 會考倒數計時器:距離sly.b開考日尚餘兩日.

尋日發現我把心愛既muji鐵尺唔見左,傷心死我喇! 一定係禮拜六補果陣漏左響果度啦!心諗都冇架啦.點知今日再去果陣響同一間room同一位置發現原來把尺仲響度呀!開心死喇! 估唔到仲響度囉.原本諗住間房成日用,實俾人拎左啦,點知咁好彩囉.見番把尺,即時成個人唔同晒,好開心呀!

今日響果度做既mock exam(paper 2)成績都見得下人,根據佢俾既range,我有機會c到.知道之後安心左少少,但係都仲係好擔心.希望mock埋其他paper都係咁就好喇,因為咁樣我先至可以真正放心.

尋日同前日係我班有幾個要重考cert level english既大日子.佢地一路考,我一路戥佢地緊張.我冇打俾佢地,只係如果見到佢地icq on的話先問,直至今晚,終於從佢地口中聽到好消息.個心真係好戥佢地開心,即時個人輕鬆晒.希望出黎既result真係好似佢地咁講,係唔錯啦.我有信心你地一定得架!

P.S.:講講下,禮拜五就到我喇.我都好緊張呀!聽講syl.a今年出得好淺,唔知syl.b有點呢?好擔心,好緊張呀!希望我可以考得好地地啦!唔好有任何差池.加油呀!Danny仔!

今日都係番學,冇咩特別.不過一番到去,蘇仔就同我地幾個企響有蓋度傾偈既同學仔講話可能今日兩堂都上唔到.oh, no!咁咪即係3堂唔使上?癡線! 不過到左食飯前一堂果陣,蘇仔突然間出現!不過要做oral,仲要第一個即揀到我,唉...我講過自己係唔識講野既人,所以最後都係得果兩分.真係勁唔開心.上次都起碼有3分.

跟住晏奏acc堂,例牌唔上堂架啦,又係做數,癡癡地,成日都做,唔使教書囉! 做果題數其實唔係難,只不過d野有d tricky同亂左少少.咁就做左3堂,唉... 我覺得真係浪費緊自己既光陰,所以而家真係越來越冇心機番學. 都唔知我捱唔捱到落去.

跟住放學同j仔佢地留左響班房玩左d好益智既遊戲.偶爾玩下呢類既遊戲,個人都幾鬆弛下.

跟住番屋企,冇咩野發生,咁就一日.

P.S.:聽日就係考ce eng sly.a既大日子喇,我地班有好幾個要出考,要加油呀大家!好想你地個個都pass晒呀!唔好令我失望呀!考完之後打黎報個平安呀!

今朝訓晏左,遲左超過半個鐘.唉...

跟住基本上都係上堂,冇咩特別野要講.

晏奏放學要同j仔再落有蓋度做dem,係因為又有小學生黎參觀,冇記得錯應該係有3批.我同j仔最尾果堂已經落到去prepare定d野,不過d小朋友好耐下先落到黎.佢地到左之後要周圍行,我地既數碼學習天地係最後一站.做第一批既dem果陣真係勁無奈囉,未介紹完架! 講得唔夠幾廿秒就趕住要走!仲要係over run果隻喎,話趕住上車喎,咁好心你地一係早黎,一係就cut我地呢part啦! 服左你囉.尋日係咁,今日又係咁.辦事能力唔係咁差下話?搞到勁冇mood囉,我地企左成個幾鐘就係為左講果幾廿秒? 跟住我地都仲未走得,仲要dem多兩批小朋友.咁跟住都好d既,唔知係咪同阿sir呻過話咁樣唔掂,所以呢兩批就俾多d時間我地呢?都算講得ok啦,至起碼講晒應該講既野.

跟住同j仔佢地一齊走,不過落雨,所以俾左把遮大魚.跟住j仔同大魚陪埋我過左油麻地之後,佢地先番番轉頭,真感動! 其實原本今日應該係5點補架,不過為左個dem要搞成差唔多6點先去到.好彩今日係training class咋,如果係regular class就蝕鬼晒.

P.S.:今日放學同j仔一齊share左一隻珍珠雞,因為個大食怪又肚餓.不過佢呢個禮拜要勒緊褲頭,所以我請左佢食.要慳d喇,j仔!