唔好意思呀咁多位!呢兩日要維修呀!所以暫停唔開放住.不過而家冇事喇!大家可以繼續黎睇喇!要多d黎呀!^^

我諗我黎緊都唔會打太多日記喇!因為真係收拾好心情讀書喇!不過我都會盡量打到幾多得幾多啦!唔好意思呀!

上禮拜五係開學既第二日,可能太累喇,番到屋企訓到死左.兩點幾開始訓到7點.跟住有個fd打黎話打牌.咁就打左通宵喇.

第二朝7點幾先番到屋企,8點先訓落床度.跟住我訓得果4個鍾就要醒喇!12點就要即刻起身溫mia既notes,因為晏奏補完ue之後要test!真係累到唔想起身.

跟住補完,test埋,都成5點幾喇.跟住"卡fa"打黎話我講果間salon響邊度,點知搵極都搵唔到,因為其實我都未去過,只係我mum去完番黎同我講有間咁既野.不過最後搵到一間都ookk既salon,佢話就響度剪喎,咁我就番左屋企喇.

去到夜晚11點幾,諗住差唔多訓啦,因為真係好累.點知有個fd打黎話落樓下傾偈,咁又落左去喇.番到屋企點成3點幾,跟住成4點先訓!累死人喇!

諗住可以訓耐d啦,點知有個親戚話打黎出去飲茶,搞到12點到就要起身喇!唔想去呀!不過最後都係要去.

而家個人好鬼累呀!希望聽朝番學唔會瞌眼訓.

今日係新學年既開始.意味住我已經正式踏入中七---------另一個新階段.

今朝一番到去,見番晒d同學仔,個個都精神奕奕,好開心呀!仲有幾個新同學仔添呀!不過雖然係咁,都有個唔好既消息,就係肥布歐同詹仔check卷既結果好令人失望,升唔到grade!唉.........始終都要係咁.

真係黎左好多新老師.做我地班主任既姓鄭,幾ok架!經過今朝短短既相處,佢俾我第一個印象係做野好有條理同有效率,幾爽快.聽佢講野,都覺得佢個人幾醒下,唔係好似miss fok成個鈍胎咁.同埋佢做野既目標似乎好清晰,佢話會幫我地keep番晒d ue既野,我聽到真係好開心呀!唔知點解,我有預感黎緊既日子上ue會好正,miss鄭應該會教得唔錯,對佢好有信心呀!希望佢唔會令我失望啦!其他新老師都唔識,但係工科同學仔果邊咁多新老師,慢慢識啦,唔知有冇料呢?希望有啦,工科同學仔真係好需要新老師既幫助架!

講下副校長啦,自從蘇仔同胡仔走左之後,我一直都好關心究竟會係d咩人黎做.最令我驚訝既竟然升湯太做副校,其實我一d都唔buy囉,佢根本唔夠資格亦都冇資格做.所以我唔會當佢係副校囉.打雜就差唔多.反而另外果個姓容既,響出邊請番黎既就幾ok下.無論企出黎同講句野都似個校長.原來佢係博士黎添架,仲響名校同大學都教過添架,直覺上我覺得佢幾有料,希望佢可以同賴校一齊搞好朱記啦.

其實開始見唔係阿謝做班主任,真係有d唔開心,不過今日見到miss鄭都幾有料,都放心番d.中六就慘喇,要對住阿fok就班主任,唉......辦事效率奇低,個腦又鈍過人,跟著都死得.好彩佢唔做我今年班主任遮.

唔知係咪冇見朱記一排,一時間番到去,忽然間覺得好似好左好多咁.希望我冇睇錯啦.總括黎講,今日第一日開學既感覺唔錯.希望可以keep住.d新同學仔亦都好似幾易相處,要盡快同佢地打好關係呀!

真係最後一日喇!眨下眼咁就一個暑假.呢個將會係我做學生既最後一個暑假.出年既今日,我已經唔再係學生喇,希望唔會係量地公啦.

真係眨下眼,咁就7年.響朱記眨下眼就7年.話冇感情就假既.諗到仲有半年就要走,真係好唔捨得.

過去一年,發生左好多事.

講真,由識中六呢班新同學仔既第一刻開始,我已經好希望可以同佢地做永遠既朋友,希望大家可以一齊考好個a-level.但係呢個願望已經唔會實現喇.

首先,ning同seven已經因為升唔到中七而冇得考.我知道果下真係好唔開心.同seven一齊響朱記長大,由中一開始已經係同班,而家失驚無神話佢讀唔到中七,果陣既心情真係唔識點講.大家一齊考會考,估唔到黎到呢一刻,我竟然要行先過seven一步.

跟住到左會考放榜喇,5個考中國語文,竟然得1個考到!好彩有d靠gce過到骨.但係仲有兩個唔得.即係黎緊又多兩個同學仔同唔到我一齊考a-level!今日係佢地check卷既大日子,唔知check成點呢?希望有好消息啦.

雖然係走左d同學仔,但係都多番d插班生既.希望可以同佢地擦出火花啦.不過有一樣野好唔開心,走左一個女,入番一個女仔,即係冇走到!依然都係7個!反觀今年既中六男女就相當平均,有16個女仔呀!!!!!!!

最後,就係今年繼續有好既老師要走呀!好唔捨得呀!連續第3年喇!走親都係好果d,應走果d就賴死唔走!好激氣呀!黎緊請番d老師填補,都係希望可以同佢地擦出火花啦.不過都係得番半年,熟唔熟都冇所謂啦.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講左咁多唔開心既野,都係時候講番d開心架喇!

就講尋日啦.尋日我用左大概有6個鐘既時間,終於執番好我張書台啦!老竇由我放假開始已經"哦"到我而家喇!但係懶係人既天性,加上當我見到果張凌亂不堪既書台,已經唔想執喇!不過始終都就黎番學,尋日唯有真係"的"起心肝執喇!一執就係6個鐘喇!可想而知,我張書台有幾亂呢!What a mess!!!!!不過最終都俾我搞掂左,成個人都鬆晒!

再講下前日啦.就係去左尹生屋企打牌喇!原本約一點,點知3點幾先開得台,d牌攤到凍晒!原本係打衛生牌架!不過j仔最後都係按捺不住,都係要打錢!咁好彩今次佢話5毫子遮.原本我係輸緊錢架,不過唔知做乜鬼打打下又變左贏錢,埋數果陣原來唔經唔覺已經贏左71番,即係贏左$35.5!實在係估唔到.搞到好似唔係咁好意思咁.經過呢幾次打牌之後,我承認係有少少賭運既,不過點都好啦,我係唔會違背我既宗旨既,始終我都唔係果d鍾意賭既人.我既宗旨就係:衛生牌,無任歡迎;$0.5,可以接受;$1,必須考慮!一黎唔想真係輸錢果陣輸咁多啦,二黎唔想俾自己養成賭錢既習慣.

係咁多喇!聽日就係新既學年,亦都係最後一個學年.之後,我就唔再係學生喇!無論點都好,黎緊呢半年真係要俾心機喇!成個中六已經俾我徙左,黎緊既日子唔可以再係咁浪費喇!好好咁捱埋呢半年,考好d,對得住自己啦!

祝:各位同學仔,你地都要加油呀!

Danny仔的做人格言:看山是山,看山不是山,看山仍是山.<---------希望我真係可以做到.

越來越唔鍾意果d又唔識教書,又懶,又唔負責任既老師!簡直係白食糧.

唔識教書都值得原諒,因為唔係個個人把口都咁叻,講得人地明.不過如果教左咁多年,都已經明知自己係果d唔識教書既人都仲要賴死響度教,但求拎份糧果d仲更加乞人憎,睇唔起呢d人呀!

懶既老師簡直唔適宜教書!d學生跟著你都死得啦.唔方學到野啦.

唔負責任既老師直頭要拎去打靶啦!都唔使理d學生,好心你就唔好教啦!白癡!響度累人累物.

好鬼興呀!