今日原本番學冇咩大起大落,點知去到晏奏第5堂就真係火都黎埋.

事源係咁.打左鐘落到去等d唔知form幾既同學仔離開,當然係等左好耐.咁去到最後唔知做乜有幾個唔肯走,仲響度當人冇到咁.跟住英英就大聲示意叫佢地走.點知佢地響度駁嘴! 咁都算啦,最嬲既係佢仲要鬧英英呀!話英英跛呀!癡線!一d家教都冇!唔知點解,今日聽到d學生咁樣話英英真係好唔開心.覺得一個咁好既老師咁樣俾人話真係好難受.仲要係俾d咁不知所謂既學生話.聽完之後個心真係好唔舒服. 好在英英樂觀咋!如果唔係真係唔知點安慰佢.

跟住上堂,英英好似冇咩事咁,仲繼續發揮佢"奸英"的本色.正!果陣時個人先至鬆番d.跟住都未落堂,不過奸英見我地咁累,所以俾我地休息.而佢就同我地坐前邊果幾個傾下偈咁.果然師奶謝即係師奶謝,做d野都師奶過人!見d雪糕做善事大平賣就走去買,仲要買成4舊咁多!救命呀!我要打死佢呀!!!!!!!!!!!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而家發覺除左上ue同busi唔訓覺之外,其他都會瞌著,好慘呀!以前我都捱到架,死得啦!黎緊既日子都唔知點算.

P.S:今日題acc做左成堂都ba唔到呀!想打人呀!

今日係咁落雨,落都癡晒線.

pe堂上左hall度玩,成大班人,好正!

跟住放學過圖書館學做Librarian,今年係我第一次咋!其實之前都已經好想做,但係就次次都係遲報名!所以今次我開學冇幾耐就報喇!^^

P.S.:今日向某位好朋友講左一句中佢死穴的話,講完都覺得自己好唔arm.雖然佢可能真係唔多介意,但係唔知點解我就好執著,好內疚,好唔開心.覺得自己作為朋友,唔應該講d咁既話."疏li"呀!!!

Danny仔做人格言:看山是山,看山不是山,看山仍是山.<--------繼續努力呀!

以後每當我發覺自己做野做得離左軌的話,我就會打一次黎提自己.

尋日放學同kafa去自修室溫書,點知去到太眼訓,一路訓到走為止,咁即咩都冇溫過.唉.......

今日依然咁眼訓.今朝成7點3先起身,遲過平時好多.唉...........

跟住過左去$19度食晏,今日係"獸魚"生日呀!生日快樂呀!

跟住番去上cl&c,listening呀!Oh, good grief!想死呀!好彩今日呢個test唔係好長同埋都ok易遮.

跟住冇得奸英堂,因為要過去禮堂幫ea power手.同中一玩個叫"競技日"既物體.搞到成5點先散.

跟住落到有蓋度見到羅文,佢話jpc個bbq要交form!Oh, my Lord!拿拿臨走去搵何記拎form,點知唔記得左jpc leader既no.!好彩羅仔話佢有fax機,所以夜少少send個no.俾佢幫我填番.唔該晒呀!

跟住番屋企,諗住順便落惠康買野.點知行行下,見平就執d,越買越多,到收銀果度竟然要成$90!

跟住都冇咩事.咁就一日.

armarm上左個朋友既ftp度睇野,發覺佢有好多相.

當然我download番自己d相啦.俾我睇到一張Miss Davidson既相.睇完之後,我發覺自己原來仲係好掛住佢架!對住佢,其實我真係又愛又恨囉.佢個樣真係好kind囉,呢個亦都係我鍾意佢既原因.一黎當然我真係好鍾意外國人呢種生物啦,英文喎!但係佢都走左啦.唔知再有冇機會見番佢呢?但另一方面,當我一諗起佢上年教oral english教到不知所謂我就好mung,10堂有9堂請假,癡線,憎到佢死.但係問心果句,我又真係好鍾意同佢傾偈,佢好好人架!搞到我而家都唔知係鍾意定係憎佢.唉........好矛盾.

講番d開心野啦,armarm同個朋友傾完偈,佢終於諗通左喇!好開心呀!你要俾心機呀!我知你一定可以做到.我撐硬你架!你得架!唔好俾自己咁大壓力就得架喇!隨心而去吧!

話說回來,我自己講就叻,好似個醫生咁周圍幫人醫心病.每當身邊既朋友有事,我就好似好專業咁同佢地講呢番話,鼓勵佢地唔好沮喪,推動佢地俾信心自己,同埋盡量可以幫既就幫,等佢地做得好d.

但係,咁我自己呢?

往往,人就係咁.當d野殺到埋自己身既時候,就會亂七八糟,甚至不知如何自處.

原來,我是能醫不自醫的.