今朝一早番到去,問下班工科既同學仔佢地尋日玩成點,原來佢地好快就做完考察,可以玩得.不過就俾知道左一個唔多開心既消費息,原來佢地尋日3點幾就走,做完野之後都要玩下,所以冇時間幫我做考察.咁講真,唔通俾左錢唔玩咩,冇理由為左我而徙晒d錢.不過都要多謝番子淇,因為你肯應承我已經好開心喇.

跟住clc test,唔多識.仲要俾我知道原來係睇錯題目,咁即係錯晒啦!唉...跟住ue,都未到我講已經落堂,唉...晏奏acc堂,須知有段時間訓著左,不過都明fokfok up乜.

跟住放學之後上去練MYOB,練到成6點幾,下禮拜比賽喇,驚驚.

跟住同尹生搭地鐵,點知有廣播話某個"咩"黑色袋既男人唔好食野,我聽到之後真係勁覺得佢好樣衰囉,俾人點名話唔好響車廂度食野喎,我都係第一次聽到囉.好彩我食果陣佢冇話我遮.

之後番到屋企,冇咩事發生,咁就一日.

P.S.:唔知個心幾時先可以平伏番呢?唔想再因為某個人,或者俾一d過左去既事纏繞而upset.如果可以既,好想可以帶我去一個寧靜,鳥語花香,一片盡在我腳既大草原既地方,過埋餘下既日子.好想離開呢個繁囂既城市,塵世間太複雜喇.但係我知道,呢個係永遠都唔會實現既幻想.

今日工科既同學仔要去海洋公園做考察報告,因為有位剩,所以子淇都去.因為我諗住遲下都會去海洋公園考察做jpc既環保報告,但係又唔想咁蝕,好彩今日子淇跟工科既同學仔去玩遮,可以順便幫我做考察.唔該晒呀!你幫左我真係好大忙.所以今日要一齊上既堂(clc同ue)基本上都係冇乜點上.

跟住食晏,出去幫j仔佢地買野食,我自己都買左少少"口立濕"黎食.

最尾果堂要上禮堂睇一套關於環保既片,都ok既,好過班主任節無聊啦.放左之後,諗住搵隻龜同ipip練oral,不過諗諗下得自己一個,同埋又要做埋阿謝果d乞人憎既功課,仲要溫超悶既clc,因為聽日測驗,所以最後都係冇搵到.

番到屋企,諗住做下野啦,點知眼訓得滯訓著左,仲要訓到7點半添,唉....我都唔知搞乜,可以晚晚搞到成點幾先訓,癡線!d時間都唔知去晒邊.j仔就煩錢遮,但我就竟然煩時間,真搞笑!唔知咁算唔算同病相連呢?

跟住上網諗住做eng-class既練習,點知今日原來係deadline,cut左個acc,唔開心囉.

跟住都冇咩事發生,咁就一日.

P.S.:呢幾日低落的情緒依然存在,果日既事我仍然耿耿於懷,搞到佢果件事再次重現我腦海.我諗我就黎變柳宗元二世,我突然間覺得我同佢好似,因為大家都有一個永遠都不能擺脫的烙印.但佢最起碼都"得西山",咁我呢,我又"得什麼"呢?再次陷入知如何自處當中.

尋晚做個maths報告做到成唔知係差唔多4點定過左4點先訓,今朝諗住會訓到好晏,竟然11點幾就起左身.梳洗完同食買野,就再開始做個maths報告,終於俾我做完喇! 今個月其中一個大project終於搞掂.

跟住就要處理令一個,就係環保小偵探既報告.蘇眉原來好難做架,雖然係好得意,但係好難搵料.咁我就同羅文仔傾左好耐,最後決定揀避風塘黎做.原本諗住搵埋嘉儀傾架,不過佢好似好忙.避風塘呢個題目唔算太低b,但係又好做,正!

跟住我再上網搵下有關本"棋王,樹王,孩子王"既背景資料,因為唔知本書既背景,真係好難睇得出佢想講d乜.搵左好多,不過未有時間睇,聽日應該可以開始寫(希望我有心機做!).

見到j仔online,即send份報告俾佢睇,睇下有冇d咩要執.講真,要我design到好有心思就冇可能,但係如果要我整整齊齊,好有條理咁做份報告出就絕對冇問題.j仔睇完之後,都話ok.咁就ok啦.最後send左俾尹生叫佢印,不過唔知印唔印到呢?都唔知佢有冇墨,同埋以我所知佢部printer好似神神地.

今日成日都係對住報腦,做左好多野.

之後冇咩發生,咁就一日.

P.S.:聽日既環保小偵探報告meeting終於有野傾喇,唔使好似上個禮拜咁傾到唔知點咁.話晒我lead住幾個細既,點都要做番d野既,如果唔係咪好瘀.唉....但係呢個月真係好多野做,好多野都驚做唔切.不過d細既要睇我頭,點都要做好d既!不過都要同你地講番聲唔好意思,因為你地已經做緊野,而我就.... 我應承你地丫,我一定會做番d野.你地唔會白做.

今日訓到成12點幾先起身,跟住打埋尋日既日記(一篇up,一篇down,同時響尋日發生),食埋野之後,就開始做maths既報告.做左陣間,福仔打黎話今晚出去.

出到去,搵地方食野,d野超難食,又貴又唔飽,食完之後真係呻笨.除左我之外,佢地都有嗌埋野飲,不過我見好似貴得有點兒過份,所以我冇叫到.跟住到左埋單,要成426蚊,好貴囉.我原本要夾錢架,不過佢地爭住唔俾我俾,因為我前兩日生日,搞到我勁唔好意思.咁我唯有下次搵機會請番佢地啦.我心諗好彩冇嗌野飲遮,如果唔係佢地幫我俾得仲多.跟住我地係咁行,福仔就話行到好悶,不過我既心情都係冇咩分別.我直覺話俾我聽成個氣氛係由我引起.今日大髀姐帶左個新朋友仔出黎俾我地識,不過我都係成個木獨樣對住人,覺得真係唔好意思,但係我真係冇辦法,我好難迫自己扮開心,加上我本身就唔鐘意講野(所以clc oral得2分),所以搞到連我自己都唔知點.

行左好耐,終於都係要走,坐響地鐵果陣同福仔傾偈,佢一句"好似欠左佢地咁"真係令我心頭湧上黎.呢句話唔係正正講緊我咩?唔通你要我抓爛塊面留低?我尋晚係咁問自己呢個問題.我真係做唔到.呢個"欠"字,就好似一把刀咁,刺穿了我的心.

之後番到屋企,冇咩事發生,咁就一日.

P.S.1:今晚好多謝福仔同坤仔呀!下次到番我請,唔准同我爭.

P.S.2:唔使為d無謂人唔開心啦,係佢地膚淺遮.我覺得咁大個人就應該做番大個人應該做既野,唔係做埋晒d咁細路仔既野.信我,你唔使理佢地,呢件事好快就會風平浪靜.