今朝又係番去補課,個miss例牌遲過我地.

跟住點完名,派完notes,就開始教.講晒d Phrasal Verbs之後就講下d ex,講左少少跟住又話叫我地番屋企做,都唔知佢做乜.今日j仔係最遲番果個,因為訓晏左.不過都估到啦 !跟住我同佢坐,又係傾英文既野,正 !佢教左我幾個生字,好正呀!我又講番幾個生字俾佢聽,等價交換 !不過佢果d有用好多,我果d得啖笑既遮,作文唔會用到.有j仔坐隔離,學英文都冇咁悶,因為大家都鐘意英文.難得搵到個志趣相投既同學仔,夫復何求 !多謝你呀,j仔!

跟住就放lu...過左細龜果邊坐左陣,佢幫d中五補英文,咁我就癡埋去學埋一份,因為我都考番cert嘛!佢教d野勁深囉,d生字冇一個識咁滯,不過d sample composition就真係好正囉,d句子勁靚!不過唔知我吸收到幾多呢?正如隻龜講啦,到你真係考果陣,都唔會寫到咁勁架啦!跟住叫佢印埋個key俾我,學下d生字都好.

番都屋企,同阿媽講話飲茶,佢今日生日呀 !去到唔使排隊就上得去喇,因為假期過左,冇咁多人.唔知做乜,嗌左好多野食,最後食唔晒,唯有打包,唔好徙嘛 !跟住我去埋單,50幾蚊呀都食左,不過冇咩所謂啦,冇咩幾可.跟住阿媽就過附近買送,而我就過淘大買果本死人書,俾我買到喇!今次買呢本書可以話蝕,但係又唔可以話蝕.因為書本身就有佢既收藏價值,所以唔算蝕;但係點解話蝕呢?因為我覺得因為要做讀書報告而買就好唔抵囉(雖然之後都可以拎番出黎睇)!我覺得買書唔應該係因為做讀書報告而買,應該係隨心意而買.不過本書都ok丫,我未正式開始睇個內容,但係響封面果度睇到本書好似好勁咁(雖然我之前未聽過),因為佢曾經拎過大陸既"全國文學獎" ,所以我預計本書應該都既有深度下.好既書就更加有佢既價值,何況都係60蚊,都ok啦!買完之後過番去同阿媽會合,就番屋企喇!

番到黎,做埋個eng-class,係listening test黎既,都ok啦.我發覺真係要train多d listening至得,因為真係好唔掂,eng-class d listening tests已經唔算快,但係我都聽得唔係咁好囉 !唉,點考呀?死硬啦,listening仲要佔最重分添假,都唔知點死呀!唯有盡力啦!加油呀!Danny仔!

P.S.1:是日掛住Miss Leung指數持續高企 !

P.S.2:唔知聽日有幾多人番呢?唉...有d尋日有番既今日都冇番,因為學唔到野!不過都講真,又真係唔係咁學到野囉!同j仔一齊傾英文學既野仲多過呢個miss教(I mean係有用既英文),真係好失望囉 !唔知佢要代到幾時呢 ?Miss Leung快d番就好喇!

今日係補課既第一日,今日早番左少少.唔知係咪耐左少少冇見,竟然認唔到BB添,離遠睇仲以為佢係F.2添 !唔好意思呀!

跟住d人陸續番,番左唔只半班,不過好可惜都係比較嘈.今日教Phrasal Verbs,用3個鐘講左都唔係好多,不過都學到唔少 .跟住放喇,諗住打俾杰兄問佢今日好唔好上去WS度做test,咁其實一早都知冇散紙既,就過左7仔度食左6蚊燒賣,仲特登叫佢找4個一蚊俾我添.跟住落到地鐵站個telephone box度打,激鬼死,打左兩次都通左,但冇人接,最後咁就食左我兩蚊 ,真係勁唔抵囉,打第3次先至有人聽.不過杰兄話今日上去做test唔係咁好,因為d consultants唔多,所以等多兩日先會好d.咁就番屋企啦,入左地鐵先呻笨,因為唔記得過淘大睇下有冇果本死人書賣,激死 !聽日一定要記得!跟住番到屋企冇咩胃口食野,唔知點解,雖然係有少少肚餓,不過唔多想食野.大概同今日發生既勞氣事件有關 .咁冇計啦,開部腦做eng-class既ex,點知arm晒喎,真開心 !3點既到,就走落郵局到交電費兼順便落樓下食d野,點知去到post office勁多人囉.不過又唔係排左好耐既.不過果兩個人既其中一個真係唔多掂,另外果個搞掂兩三單佢都仲搞緊第一單,唉..... 食完野番番上去就打俾杰兄問佢幾點打波啦,原本想早d既,不過諗住armarm食完野,應該要消化下,所以就約左5點.都打左個幾鐘,ok啦.可能太累啦,尋晚又訓得唔係咁好,所以"僕"左張枱度訓著左一陣 .差唔多8點到,見到j仔hi過黎,就同佢傾左一陣,咁就食飯喇.食完就入房做埋份paper,之後改番,都arm左唔少,成積唔錯 .不過份paper又真係唔係好難既,唔知到我考果陣份paper深唔深呢?驚驚.

咁就一日喇.

P.S.: 是日掛住Miss Leung指數高達100%!

今日約左阿嫲飲荼(其實我唔係咁鐘意飲茶),訓到12點幾,真係唔想起身,不過約好左點9響牛頭角等,點都要起啦 !我同阿媽早到左,所以就嗌左位先,過左冇耐,佢地都到啦.跟住唔知做乜,出現左少少混亂,因為果個人話唔使嗌就咁上得去,咁我咪俾張"飛"佢畫隻龜,就上左去喇,不過有d人嘈囉,咁又係既,明明係嗌位家嘛,而家唔使,對早到果d人係有少少唔公平既,不過我地已經上左去lu... !飲到3點零到,我就過圖書館碰下運氣,睇下有冇開啦,順便借果本要做讀書報告既死人書,竟然冇囉 !唉...冇得怨既,少數服從多數嘛,不過估唔到本書真係咁唔大路囉,連公共圖書館都冇,咁即係要買啦,都唔知有冇得賣添呀 !如果係臺北人你話幾好呢!跟住唯有睇下雜誌咁啦,我睇左本關於business既英文雜誌,都唔係太難睇,d英文唔深 .跟住揀多本叫"Chinese Learning"既雜誌,好明顯係大陸出既,因為係簡體字.但係最抵死係入邊原來係中英對照,搞到我又有收獲(詳情請留意P.S.) !4點半過左,就差唔多走啦,不過首先過左淘大聖安娜買左西餅先,因為張coupon就黎到期(今個月尾).其實之前都想行過去買架喇,不過果陣時係番緊學,拎住太多野喇,勁唔方便,費事hum到d西餅爛晒,所以冇買到.今日出得到去,又兩手輕盈,梗係買啦 !跟住就番屋企lu....

咁就一日喇!

P.S.1:以下係我今日睇到既生字,不過事先聲明,我唔係想教人地d咩,因為我未夠資格(絕對係),識得多過我既人大有人在,只不過係想同大家分享一d我覺得幾有趣既生字 .可能唔齊,因為當時冇抄低(而家後悔緊) ,所以請大家見諒 .

孔子 - Confucius

儒家學派 - Confucian School

春秋 - the Spring and Autumn Period

三字經 - Three-Character Classic

因材施教 - teach students in accordance with their aptitude

上當 - be deceived, be taken in

行禮 - give a salute

蔥 - scallion(美)

貪/渴望 - crave after/for

豆腐 - white bean curd

P.S.2:番到屋企就做eng-class既ex,點知錯左3題,想死呀 !但係之後再睇番,原來真係錯得好唔抵囉,講真,篇野真係唔算難,但係我就真係好大意囉,俾d options trick左,好唔抵呀!如果有朝一日我4題都錯晒,我真不知如何自處 .

P.S.3:聽日開始要番去補UE喇,希望會學到野啦.因為我真係唔想英文衰呀 !

今日訓到點幾,跟住福仔打黎,原來佢放食晏,所以打黎傾下偈.而家都唔記得同佢傾過d咩lu..... !跟住我都起身啦,都未洗面,諗住睇下有咩電影睇,點知原來做有李連杰做既方世玉,都幾好睇丫,我響最後一節之前先洗面.跟住我先落街買野食,都成3點幾啦,不過我放假響呢段時間先食晏係好平常既事.食完之後,順便幫手買埋送,就番屋企lu......

跟住開下部腦,例牌開晒d野,就開始做acc數.到左五點幾,杰兄問我落唔落去打波,咁我梗係去啦.不過打左一陣,我諗都唔止半個鐘既,就落雨,真掃興 !跟住咪番屋企囉.

咁就一日喇.

玩完兩日之後,今日繼續出街,不過今次係做一d有意義少少既野,就係去聽講座喇.因為之前報左名出席由香港教育城舉辦既,梁科慶x阿谷x張婉雯「愛在書卷展讀時」座談會暨創作獎勵計劃頒獎禮.

我例訓到12點零,醒起約左個朋友仔拎野,同埋兩點半既講座,就拿拿臨起身洗面,食d野,一點到就出門口喇.點半armarm好去到,佢亦都armarm好到.佢俾左d野我之後,傾左一陣,就繼續出發去個講座喇.其實我未去過小小閱讀城架,我睇左地圖,佢話響長沙灣地鐵站C2度出,我咪照做囉.我已經望住張地圖做人架喇,但係都搵左超過半個鐘先搵到 !唉.......真係有需要改善下自己既方向感同學下睇地圖至得.卒之我都係遲到左,仲要好多添呀!miss左少少添.跟住就坐低聽啦,聽日都有個幾鐘,都幾好聽丫,d作家講野唔係好悶,而且仲有d搞笑位添 .臨近尾聲,阿谷介紹左幾本書俾我地四季睇,睇黎佢都幾有心思喎 .仲有part係派禮物時間,如果你覺得黎緊既時間(05年內),有信心可以睇10本書既,就出去拎一份.d人都算幾誠實架,唔係個個都湧出去拎.其實我想出架,但係我又驚我做唔到,咁無謂呃人啦.同時對自己誠實,個心都好過d丫,雖然人地唔知你係咪真係睇左,不過人地既然係有心鼓勵你睇多d書既,咁我都無謂令人失望啦,自己拎左都覺得有愧 .跟住散場喇,我真係好想同科慶真人握下手呀!不過覺得貿貿然行過去又好似好怪咁,都唔知講乜,其實我好想行過去問佢究竟佢係點樣諗寫野既題材既呢?因為佢寫d野真係好入型入格,好引人入勝 .不過見d人係咁纏住佢叫佢簽名,我又唔係咁夠膽,最後唯有都係傷心離去 .

跟住我又係要搞左一輪先至番得出去地鐵站,真係慘,不過今次好d,唔係太耐 .搭到去藍田,突然間有人好大力咁拍我,我即時愕左響度,因為俾我撞番一個好耐冇見既同學仔呀 !話時話,真係超過半年冇見喇,其實之後我都搵過佢,不過佢好似人間蒸發左咁,撞又撞唔到 ,所以今次撞番佢我真係又驚又喜囉 !我同佢一齊落車傾左一陣,知道下近況,佢就話要趕住番工所以走左喇!我上左車之後有少少呻笨,因為唔記得問佢拎手提添.不過唔緊要啦,因為我已經知道點樣可以成日搵到佢lu..... !原來你想見既人,其實就係近在咫尺,而你不自知.

之後都冇咩特別野發生,咁就一日喇.