今照一番到去,響班主任節果陣諗住叫其他未夾錢(關sir party)既人夾番啦,點知阿roy話唔夾囉,阿魚同佢嘈左一大輪.唉...唯有15人分啦.其實都係講心遮,有心歡送既會夾架啦.冇參與過俾意見真係咁重要?

跟住acc堂,黎牌唔係教書.唉...跟住ue派番sec e,勁唔開心囉,測得奇差,份卷本身出既format好怪囉,睇鬼錯晒d野,原本唔係難架! 跟住心情都一直麻麻.跟住食晏,諗住唔使划艇啦,點知又要,唉!上禮拜明明係輸左,但係出線又有份,唉!真係唔係好想划.跟住3堂m&s,有3個f.7既師姐同我地一齊上,因為佢地禮拜3要考呢科既公開試.

放學之後,擺低d書響longlong個locker度,就過圖書館度還書,過左期9日呀!$13.5! 之後響果度撞到個好耐冇見既朋友,係豆豆呀! 真係好耐冇見喇.傾左幾句咁啦.跟住就過去補習,直踩3個幾鐘,係補會考.跟住番屋企做埋個eng-class,竟然arm晒!真開心!

之後都冇咩野發生,咁就一日.

P.S.:一連補番幾篇日記,而家好鬼眼訓.

今朝一起身要拜山,好眼訓呀! 我冇搭車上呀!去同走都係行路,好辛苦呀!拜完之後去左飲茶,抖左個零鐘但係都仲係好累.

之後番左屋企都冇咩特別野發生,咁就一日.

P.S.:乞人憎既阿謝d功課都未做,卒之做到點幾鐘.

今朝要賣旗,番到去就過左運動場度等,原來都好多人已經到左.今日我係著住校服賣的,原因係晏奏要番學校籌備晚會既野.唔想番屋企換衫徙車錢,所以諗住賣完就過健威仔屋企歇到番學校為止.

總結今次賣旗成績,都係同之前差唔多,都係賣唔晒! 但係個jimjim就例牌賣晒囉,激死,仲要問人拎多兩張,都賣得晒囉!連大魚果幾個第一次賣都即刻賣得晒,唉...仲要係好早果隻呀! 搞到我j仔真係...唉...我已經好主動架喇喎,唉...都唔知佢地咩人黎既,變態!(講笑!)之後我地過左麥記度坐下食下野,跟住就分道揚鑣喇,佢地去打機,我就過健威仔屋企.去到佢度坐坐下就變左打機,好搞野呀,幾好玩下.跟住就約埋longlong同高佬過麗晶食野,因為要做到幾夜下,所以食d野.

跟住番到去,幫手執下野,擺下野,到左6點到就開始接待d人入場喇.同d客人傾下偈,介紹下d展板咁.最開心既係同左個女外國人傾偈,好開心,好興奮! 佢話我english quite good, 要tell mr.lai, 嚇死我呀!搞到我一時唔知點好.跟住我就上左hall度幫手喇.部相機影到半路竟然冇電呀!激死! 唯有拿拿臨叫longlong拎佢部黎影.今晚個show做得好好,比過往幾年出色好多.由其是係話劇組,真係超好水準,勁好睇,個故事都好有意義.fashion catwalk果part都好好丫,不過今年有少少唔同,竟然有幾套童裝同天使衫,雖然幾搞笑,不過都幾有心思同新意.講到咁多model入邊,最好既係婷婷果組囉(婷婷同子淇有份行),好靚呀佢兩個! 果套衫顯得佢地好高貴囉!佢地最後拎左最佳model獎,好開心呀!仲有winnie都唔錯.好靚.完左之後,我拿拿臨捉d識既人影相,趁佢地未落妝.仲有我見到關sir喇!咁又影左張相喇!最開心既係,我拉住armarm傾過下偈既女外國人影相,好開心呀! 佢同我講佢叫Christine呀!佢話番俾我知話個show好正呀!聽完之後真係開心.跟住就拎番d袋,一齊走喇.

之後番到屋企冇咩發生,咁就一日.

P.S.1:今日最開心既係識左個外國人仲同佢傾偈影相添呀!

P.S.2:唔知做咩唔見dennis番黎mc既?可能真係病得好緊要啦.快d好番.

P.S.3:今晚做mc既婷婷,阿紙同ivan,明顯有d緊張同少少生硬,不過表現唔錯.婷婷d普通話好正呀!

P.S.4:今日阿sir請飲野,在此多謝.

P.S.5:整體黎講今晚個show好成功好正,要keep住呀!朱記!

今日7:30去到九龍灣地鐵站美心,約左j仔一齊拎蛋糕.

今日淨係番3堂,唔使上.我地頭一堂冇得上電腦室,所以響home room度捉棋,同關sir捉呀!玩到得番我同大魚爭邊個贏果陣,婷婷頂左大魚個位,點知輸左! 果然係棋后! 甘拜下風.

第二堂我地上得去喇.第3堂又落番黎,因為預備左d野食呀! 我地響關sir入黎之前響黑板寫左首gigi既today歡送佢,好感動呀! 之後我地就拎d禮物出黎送俾佢喇,有大口仔既盒啦,入邊裝住一張thank you card啦,一個袋啦,最搞笑既係有一隻fiona出既新碟!真係好多野架,可見我地幾有心思.至於關sir點?梗係好感動啦! 佢拎住d禮物俾我地影相,跟住一齊食蛋糕,傾偈,睇關sir以前既相,好開心呀!今日真係last day喇!好唔捨得!

晏奏番到屋企打俾壕哥叫佢帶我上佢補開果間補習社度報名,因為聽日要賣旗同番學校幫手,所以即刻就上第一堂喇!係5:30!但係我未夠3點已經響油麻地喇!唉...響街一個人好辛苦囉!行到冇咩行,都係忍唔住要過朗豪坊間muji度行下! 睇到咁上下,就過番去間野度補lu...去到冇耐,就見到jimjim出現喇!因為佢今日都話過會係今日黎補,同樣都係因為聽日要賣旗.佢補完之後就走喇,我就繼續留守,補埋cert先走,番到屋企都成10點咁滯喇!好累.番到黎沖埋涼食埋飯睇埋大長今,就差唔多喇.

之後冇咩特別野發生,咁就一日.

P.S.:真係最後一日喇,希望關sir可以前程似錦啦! 佢聽晚話會番黎朱記睇show架,到時要再影相至得.