尋日行完街,今日例牌訓到12點幾,諗住再訓落去架,點知雷姐一個電話就將我的睡公住趕走左lu.... 跟住我都起身啦,洗完面,歇一歇.跟住福仔打黎,問我地係咪去佢度,我話梗係啦,唔知點解佢唔知.原來雷姐冇打俾佢,以為講左就算喎,真吹脹.點解佢會咁緊張呢,因為要預時間訂pizza嘛.跟住我出門口啦,點知華D又打黎,問我響邊,我咪話響屋企囉,跟住佢就係咁催我出,驚死我遲到.點知我去到,pinky打黎,話我係第一個到,原來改左點半等呀!原來雷姐拎剪髮工具果度出左少少左滯,所以要改晏少少.但係我真係覺得好無奈,所以就即刻打俾華D鬧左佢一陣,pinky都黎到喇.我地行左一陣龍翔中心,大家都黎齊喇,跟住齊齊搭車上福仔屋企.上到去,原來佢屋企都幾骨子喎 .我地食完野之後,就開始剪頭髮喇,係我剪先既,都剪左個幾鐘架,不過雷小小都剪得唔錯 .跟住到福仔,佢懶係咩咁係要入廁所剪,咪一樣係打開門!因為地方既問題,有幾下佢爭d跣落黎,好彩及時扶得住遮!到左6點幾,我地個個都走喇,福仔就送我地落去,話俾我地聽點行,就番番轉頭lu......

咁就一日喇,番到屋企都差唔多7點喇.

P.S.:其實我都知華D好無辜既,唔知頭唔知路,響呢度同你講番聲唔好意思啦 !

今日係放假第一日,我訓到點幾起身,食左野,洗完頭,跟住做左題acc數,差唔多4點到就出門口過銅鑼灣,因為今日係福仔放假既前一日,佢放4點,所以約左我去行街買野.同行既仲有華D,大髀同雷小小.大家都好耐冇見喇.

跟住我地行左一陣SOGO,好似冇福仔既心水喎,跟住好失望咁走左.我地繼續向住目標出發,周圍搵,因為其他地方有機會有.我地唔知行到邊度(因為我係方向咁白癡),有個人突然行埋黎話"唱"錢,咁我好本能地拎出自己袋入邊既碎銀,諗住同佢"唱"啦,點知我地個個都冇散紙,跟住佢就好快咁講左一句我地大家都唔係聽得好清楚既話:"不如你俾$10我,我俾番$1你,因為我爭$9搭車."我根本都未反應過黎(因為我當時仲係一心想同佢"唱"錢),我就俾左$10佢,而佢就俾番$1我,跟住就一支箭咁飆左去.跟住我d朋友就話我咁就冇左$9,佢擺明係黎要錢的.我當時真係覺得好無奈,竟然利用我對你既好心黎呃我錢 !我一心想幫人,但係你竟然咁樣對我!唉.........失望!之後我地繼續行,又唔知行到邊度,又係冇,再搵,都係冇.我記得我地係行左3間.我地兜兜轉轉又番番去SOGO,福仔唯有轉移目標,買其他野.點知SOGO間分店又冇,又要去番之前搵過既分店先有,真吹脹.我地大大話話都連續行左SOGO幾次,次次都係兜兜轉轉咁番去,好悶下 !終於買到喇!買左個銀包,都幾好睇丫!跟住我地有過左時代行左陣,跟住就去食野喇!我地去番上年年尾倒數果陣時去果間野度食,不過今次係響樓下食.我order左個例湯,都ok丫,不過d渣就多左d,下次叫佢唔好"畢"咁多渣先.食完之後傾左一陣,就走喇,一路行一路諗住唔知去邊暑行,最後就係決定過又一城睇戲,套戲太爆笑,真係好鐘意個BB呀,超得意,加埋d特技,更加得人鐘意 !

番到屋企都成12點喇!咁就一日.

今日頭3堂連堂都係clc,都幾辛苦下.蘇sir好彩講野都幾好聽遮,如果唔係死硬.今日諗住會有好多人揀投臺北人做讀書報告家嘛,點知都唔係既, 揀左本都唔知係咩黎既書,真係煩.都唔知點死俾佢.跟住pa,梗係做我最鐘意既數啦!^^終於拎左中五份acc mock卷喇,都唔係好難咋worr!再跟住係兩m&s,好似冇咩點教過野咁,第二堂仲離譜,叫我地唔知砌乜鬼,都唔上堂 .我都費事理佢,做英文.晏奏ue,例嘈.好彩我坐前邊聽得下書 .跟住發生左一段小插曲,就係ningning喊.咩事喊?咪就係有兩個同學仔寫埋晒d唔知咩令到ningning好唔舒服囉,跟住喊喇!唉........我覺得佢地真係太過份喇,佢地唔係當事人梗係玩得開心啦,試諗下一個人忍耐既程度點都有限啦.跟住梗係全部人靜晒啦,咪睇住佢喊囉,我咪上前安慰下佢,叫佢唔好喊囉,同埋送佢去醫療室.不過有d人真係好冇品,見到人地咁仲要幸災樂禍,又話爭在冇唱出黎呀諸如此類,bilibala,真係乞人憎.如果你唔識得尊重人既,唔使只以人地尊重你 !放學喇!今日係ea power既聚會,不過因為場地俾人用先,所以遲左好多燒野食.不過都幾好玩架,食到好飽.今日天公都算造美架喇,成日都唔落雨,諗住唔落添架喇,點知響我地armarm燒完既時候就落,不過冇所謂啦,大家都燒得好開心.擾攘左一陣,我地幫手執下野,等d雨細左,就走人lu......

P.S.1:放復活假要番去補ue,希望到時好d啦,因為再唔補真係跟唔到囉,我真係想考好d英文架.黎緊我好快就要考lcci and ce英文,睇黎呢個假期都有排忙.

P.S.2:今日係中五既last day,響呢度祝佢地考到好成績啦,特別係5C呀,全人類既希望靠你地呀!尤其是係大鳳,隆隆,康君,Felix,肥魚,餅乾,啟鴻,豹妹,我下年一定要見到你地呀!努力d呀!

P.S.3:仲有芷芷蔡呀!要努力d呀!考好d呀!我一定會支持你架!

今日頭果兩堂係關sir上,因為有人黎睇堂呀,希望佢pass啦!今日堂上既氣氛唔錯,因為個個都想幫關sir嘛!上幾次上佢堂都唔多明,但係今次又異常地明worr,真吹脹.跟住又係miss lui教ue,又係一個字,悶!都唔知佢識唔識教既,唉......真係好想ipip教或者衰龜教囉!今日工科果半班出左去聽talk,到左下奏先番黎,so兩堂ue都冇聽listening,不過就教左其他一d文法上既野,例如一d common error咁啦,都幾好既,好過聽listening丫!跟住係ca,個肥仔告假唔知去邊度蛇,搞到兩堂又係渾渾噩噩咁過,真係救命呀!做咩d老師咁鐘意請假架,想打人呀!咁因為miss fok俾左隻lcci既碟過我,咁我咪趁呢兩堂印囉,原來搞好耐架!兩堂都係印得果4份.睇黎我呢個電腦白癡都幾嚴重下,俾部printer搞到陀陀令,印極都印唔到我想要既款!不過最後都終於搞掂左喇!^^今日食飯都幾趕下,撞正落雨,d人梗係留響學校食架啦,搞到勁多人排隊囉,我同j仔又要趕住搞english corner worr,咪唯有打尖囉!一如所料,都係冇乜人黎玩,今日係搞聽歌架,j仔prepare既歌都幾好聽丫!個feel幾正.我就搵唔到人喇,不過miss謝果然係miss謝,佢一出馬包冇甩拖!^^跟住都算搞得成啦!聽左兩次之後就同佢地對答案,d字唔係好深咋worr!j仔話個歌手係用美音唱既,所以難聽d,我都覺架,唔拎住歌詞都唔知唱乜.最搞笑既係最後d同學仔諗住拎禮物啦,跟住miss就話禮物就係佢地手上既筆(d筆係我地供應俾佢地寫野既),跟住個抵死既miss謝咪又笑囉,乞人憎呀!^^我就黎要打死佢呀!^^跟住clc堂,蘇仔又有野做,冇上到,肥許代堂呀!^^不過睇怕聽日都會對問題架喇,今晚點都要做!><最後兩堂pe,不過要做維他搞既試飲囉!d野都幾好飲丫,又有餅乾食同水飲^^.跟住既時間就打網球囉,咁就一日喇.放學之後,再上五樓印野,都不過都係印多左兩份咋,都唔知聽日好唔好再上去呢?太多喇,睇怕都印唔切架喇!做住先啦.

P.S.:放假我一定要番去補英文呀!約實你架喇,衰龜!^^

今日照常番學,響半路我撞到細龜,傾左一陣,梗係催佢俾paper我啦!仲有幾日就放假喇,梗係趁呢個假期做啦,再唔做,死人架喇!唉.......其實,升左上黎之後,都唔知點解,究竟係d英文深左丫(事實上係),定係我d英文退化左呢(事實都係),U.E.真係好鬼難囉!睇今次考試就知啦,慘淡收場呀,真係想死左去.今次考番Syl.B都唔知掂唔掂,唉......

跟住上左兩堂Acc,果題都唔知咩數黎既,唔睇solution都唔知原來係咁做,真吹脹.跟住英文堂,個miss教得好鬼悶呀!佢一入到黎就話放完Easter之後就番黎測驗,我地梗係好震撼架啦(除左我)!跟住又唔知搞咩投票,搞一大輪,先至開始上堂,真係頂佢地唔順!其實測咪測囉,都唔知d人做咩反應咁大,嘈完唔使測咩!跟住兩堂Busi,又係我最敬重,最抵死既Connie,同平時一樣,佢都係咁搞笑.^^到左下奏,上上下M&S,唔知做乜又落去聽Seminar,真係好鬼mung囉!咁就冇左兩堂.

跟住放學喇,搵左肥教一陣數就閃人lu,因為d老師開會嘛!今日原本諗住叫miss fok印d lcci既paper過我,不過佢話冇quota,聽日俾隻碟我自己搞掂worr!唉....我都唔知點印出黎,唯有聽日響ca堂睇下印唔印到啦.

P.S.:今日小朱仲未好番,上個禮拜五已經係咁架喇!希望佢快d好番啦!到時再同我嗌過!^^聽日要對clc既問題呀!我都未有心機做,唯有慢慢黎啦!