而家呢個時間係我armarm同個朋友仔傾完電話既時間.

其實次次同福仔傾電話,都有一種好唔知點既感覺,大概可以話係無助. 唔知點解硬係有一種衝動好想將自己d野講晒俾佢聽,因為想搵人分享,同埋好想透過佢知道其他人既野,但係又唔知點解我會壓抑住自己. 其實真係好想關心下其他人,尤其是係...但係礙於我身分尷尬,一對住佢地又會諗番起.......... 所以唔知點開口.咁就唯有問福仔.但係奇怪既係我又會無啦啦壓抑住自己, 所以問唔到好多野.

實在太矛盾喇, 想知道佢地而家既生活情況係點,但係又迴避佢地.因為唔想再諗番起................果種錯綜複雜既情緒真係好難受.

或者,註定我係d咁既人.

P.S.:好想周哥帶我離開呢個咁煩囂既城市呀!唔知幾時先再見到佢呢?真係好掛住佢.

呢個禮拜都冇咩點打日記,因為真係冇時間打.今個禮拜總共要趕起兩份報告,想死咁滯.

禮拜二交左個clc bk rept,輕鬆左一陣就拿拿臨要趕個環保報告,所以都冇咩點抖過.以為個報告好鬼易做啦,點知搞左我成個禮拜. d資料勁煩,又要呢樣果樣,mung鬼死.尋晚我仲要做到成4點先訓,今朝11點就起左身再黎. 唉....連食晏都成3點先食呀!

今日d時間完全唔係由我控制囉, 成日都係為左個報告,咩都做唔到.今日原本諗住晏奏兩三點到同福仔過筲箕灣搵果間聖馬可中學響邊,因為聽日要去考oral.點知搞搞下,我又驚個報告做唔起,所以時間一拖再拖.等到份報告做到7788,先至敢出去,不過都成7點喇!唔好意思呀! 果間咁既死人野鬼死咁難搵,兜黎兜去,我一時醒唔起佢已經搬左,所以一開頭去左佢個舊址,以為好開心啦,點知走果陣先醒起,拿拿臨要再搵過,激死人喇!仲要鬼死咁難搵喎!

番到屋企沖左個靚涼,就要繼續做.不過都唔係好多野,最後都總算搞點左喇! 個人鬆左好多,不過真係好驚聽日唔知會唔會有d咩差錯,因為聽日係deadline,唔可以有錯.希望唔會啦.

跟住都冇咩事發生,咁就一日.

P.S.1:今日真係非常之唔好意思呀福仔,搞到咁遲先出去,仲要搵左咁鬼耐. 我知你趕住去買野架,唔知你趕唔趕得切呢?希望可以啦. sorry呀!下次請食飯補數.

P.S.2:原本諗住呢個禮拜練下oral架,點知個報告霸晒d時間,咩都做唔到. 淨係尋日番學校練過一次咁大把咋! 都唔知聽日點死!希望會考得好啦!加油呀,Danny仔!

今日busi派番尋日既test paper,好開心呀!合格之餘我覺得個分幾滿意囉!今次係咁多次test最好既一次呀! 好多謝抵死到爆炸既connie謝既教導. 跟住ue,都係冇乜點上堂.ca,今日教既flash都ok識,希望可以keep住. 跟住放食晏要搞English Corner,出去買完飯番到黎都已經打鐘,拿拿臨響5分鐘之內就已經食完,勁! clc堂,終於交左份book report喇!好開心呀!成個人鬆晒. 跟住pe,都冇咩點上,諗住搵何記幫手做一次模擬訪問,點知佢唔肯,話要我隨機應變.

真係放學喇,好緊張呀! 我啦,何記啦,羅文仔啦,細七啦,同埋lingling,飛的落旺角再轉小巴過kong u,好緊張呀! 又驚遲到.去到又要搵,鬼死咁大,兜黎兜去,最後終於去到喇!個教授勁nice,仲俾左份資料俾我地,勁開心!全場用英文架!緊張死我喇, 不過坐低其實又冇乜野.成個訪問都係做左半個鐘到,跟住送左張咭同影番幾張相,咁就閃人喇.落左去kong u canteen到坐低傾野.搞到成7點咁滯,再影番幾張相留念就真係走喇.

番到屋企都成8點,跟住都冇咩特別野發生,咁就一日.

P.S.1:今日個interview做得好差呀! 個教授講好多野我都聽唔明,但係響佢面前就扮到好明咁囉,同埋佢講得都ok快啦.好多野都jot唔切.成個interview我覺得完全係唔合格囉. 不過始終都係第一次,下次有機會一定要做好d!

P.S.2:個報告6號前交,希望做得切啦.睇黎呢個禮拜都係好忙.下禮拜一要考oral喇!好緊張呀! 但係我仲未有時間練,點算?

P.S.3: 何記響kong u度買左個file同一本簿送俾我地,一人一份,多謝晒!

雖然明知今日要8點要出去,但係尋晚都係睇埋異度空間,成3點先訓.

今朝7點踏4鐘起身,因為jpc有活動搞,要去西貢淺水灣清潔垃圾,今次係我咁大個仔第一次以jpc既身分參加社區活動.超眼訓呀! 今日有我啦,細七,祖仔,羅文仔,"芭渣花","岑建勛",阿yu同佢個男朋友.去到秀茂坪警署度,過左冇幾耐就上車出發去西貢.去到果度原來勁干淨,都冇乜垃圾,不過都有d煙頭,但係邊有咁好眼呀!執左冇幾耐,又眼訓,又悶(因為冇野執),所以最後就大班人坐左響度.我同羅文仔過左去掟散銀入個鯉魚口度,佢竟然掟兩次都仲要快過我! 我掟左好鬼耐先掟到入去!唉...真失敗!

跟住就搭車番去警署度解散喇!個madam真係好好人,請左我地去警署canteen度食晏,好開心呀! 估唔到咁就有免費午餐食.今朝冇咩點食過野,餓到就黎暈咁滯呀! 可能太肚餓既關係,爭d連人地果份都食埋!

一場出到觀塘,冇理由唔行下apm既!我地食完野之後,除左阿yu同佢個男朋友之外,我地一行6人齊齊殺去apm既muji!太正喇!成半層都係muji呀!入到去個feel實在太正喇!太舒服喇!我同羅文仔睇得最耐,佢地就去左kfc度等我地.最後我買左包糖,而羅文仔就買左3枝筆同一包糖.太開心喇!可能大家都好早起身既關係,個個都好眼訓.最後我地行埋書局就分到揚鑣lu.

番到屋企順邊幫手買埋送,就開始訓喇.訓到7點到.今日諗住去完清潔海灘之後就番屋企做功課同溫書,不過似乎又做唔到lu.做得幾多得幾多啦.

跟住都冇咩事發生,咁就一日.

P.S.:今日好開心呀,識左個好nice既madam.我諗跟住黎既jpc都活動都應該好有意義,覺得好有益身心,有少少後悔咁遲先加入添.

今朝番學個天陰陰地,搞到個心情都唔多好.一排隊,知道唔使上禮堂早會,超開心.

今日busi堂,依然過得好開心.今日蘇仔冇番,咁就冇左兩堂clc.晏奏3堂acc,做a-level既題目,係cash flow,唔係好難.不過要做多d先至熟.

放學約左細七同羅文仔果d傾個環保報告,傾左好多野.之後諗住搵隻龜,不過唔知佢去左邊,都成5點幾,所以最後都係冇等到.走果陣,落勁大雨,搞到褲腳濕晒.真係好鬼憎呢d天氣.而家都成6月咁滯啦,仲係咁落雨,癡線.

之後番到屋企,冇咩事發生,咁就一日.

P.S.:今日同個好耐冇見佢online既朋友仔傾左陣.傾番果日既事.傾傾下,又勾番起我低落既情緒.究竟我係咪要抓爛自己塊面留低?你叫我如何面對你地?果日撞到正,你地知唔知我有幾難受?我每次一諗番果件事,你知唔知我個心有幾痛?既然你地已經遺忘左我,何必要對住我扮記得我?再次跌落谷底,爬唔番起身.