今朝番學途中撞到婷婷,所以一齊行.

番到去已經排緊隊.跟住俾師奶鄭嗌左我兩個出去.跟住同我地講今日既ue變左去聽施政報告.仲話有記者黎,要搵我地兩個出黎講野!(大汗..... )

小息完之後上左禮堂聽,跟住臨食飯前"的"左我地出去.跟住同兩個記者圍埋一齊傾.....阿sir一開始話唔會問得好深入,求求其其就得,點知問到唔知點答.唉.......(狂汗........ )

搞到成踏10先番過去lab,跟住拿拿臨過library"叮"飯.好快咁食完.好快咁做埋條acc數.

跟住晏奏兩堂acc.今次係自fokfok中四開始教我以黎,第一次俾佢記名,原因竟然係"訓覺".覺得好無謂.不過又冇咩所謂.dennis仲問我會唔會自己塗左佢,我就覺得冇咩所謂,所以係理所當然地冇塗到.事實上我都做唔出d咁狗賤既行為.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

咁就一日.

今晚太興奮喇!

因為聽日唔使番學既關係,所以今晚約左d朋友仔出黎打邊爐!話時話,我地都好耐冇見下喇!當我一見到佢地果陣,真係莫名的興奮!

我地響酒樓度玩度鬼咁癲,一d避忌都冇,個feel真係好正呀!個個都玩到大癲大肺,已經咩都唔理咁滯喇!加上我地又嗌左d酒飲,搞到情緒更加高漲,個個都high大晒咁滯!尤其是係我呀!玩到癡晒線,最癲果個我諗都應該係我喇!我仲做左d比平時更加激既野添呀!^^

跟住都未食完,但係有兩個朋友走先,有d掃興添.不過唔緊要啦,之後再約過啦.跟住剩番果d就去左打機,又係癲左!之後又走多個,剩番3個,繼續玩!

玩到咁上下,都係時候走喇!真係好唔捨得呀!

唔知之後幾時會再見喇,可能要幾個月後!

真係好唔捨得呀!你地要多d同我聯絡呀!

今晚真係好開心,好興奮,已經好耐冇試過咁喇!多謝你地呀!

P.S.:最後得番我自己一個人番屋企,情緒終於靜番落黎.靜到連我自己都覺得有d可怕.歡愉過後,只遺下一絲絲的痛.

今日冇咩特別,但係就好眼訓,原因不在此說明.

其實今日一路上堂都冇咩事,但係到左晏奏英英堂就黎料.英英負責收禮拜六大學open day既回條,點知就點都收唔齊,d野一改再改,所以今日就發mung憎.今日我班的同學仔就咁慘遭毒手!唉....其實都唔怪得英英既,做教師壓力其實已經好大,睇黎今次佢真係要發洩.加上佢班d同學又係咁,所以咪mung囉.俾佢教左咁耐,今日都算佢發脾氣既第一次.睇黎佢壓力真係好大.跟住佢話要番屋企檢討自己,點解仲未去到"看山仍是山"的既境界.我心諗,談何容易呀?一齊努力啦,英英!"看山仍是山"相信係你同我既共同目標.

發完一輪火之後,佢依然擺脫唔到奸英既本色,今堂又是在歡笑聲中度過,正!今次既busi test依然好差,d數計錯晒,唉!其實我明點做既,但係唔知點解會做錯.

跟住放學,j仔叫左我同佢出望角買火牛,點知去到地鐵站check八達通餘額果陣,得番兩蚊!阿枝諗住借錢俾我入錢,但係我又唔想爭人錢,所以最後都係冇借到.同唔到你去喇,j!唔好意思呀!下次丫,一定同你去.

跟住都冇咩事啦,咁就一日.