估唔到開心原來係可以一浪接一浪!

尋日晏奏同個賣家交收完之後,開心左成日都停唔到落黎.點知晚黑再黎多次! 原來另外一單交易又搞掂埋!嘩!簡直興奮到暈!拿拿臨唔好講咁多,即刻同佢講話今日就可以交收!

今日好早起身咁上去同隻衰雞做e-tutorial lesson,晏奏就去幫阿哥還書.見仲係3點過d,又未到交收時間,就過圖書館睇下書咁啦.原來睇書既時間係好快過!見五點幾,都差唔多係時候搭地鐵過去.係早到左少少既,不過冇所謂啦.一路響度等,一路諗,個女仔靚唔靚呢? 尋晚聽佢把聲就ok既,唔知個樣係點呢? 希望靚啦,如果唔係會買得冇咁開心.^^

到左6點,仲未見到個賣家.我驚自己去錯地方,就響地鐵站入邊周圍走,睇下佢係咪響度等緊.點知都係唔見.我開始懷疑佢係咪玩我呢? 始終都係armarm學識上網競投冇耐,好驚俾人呃. 6點10分到,佢先至打黎,原來佢仲行緊過黎.

佢黎到好快就交俾我check件貨.我望真d個女仔,都ok啦,唔可以話好靚,但係都唔可以話醜囉.不過都有少少失望咁囉. 同埋佢都幾好人既.好想同佢傾偈,但係都唔知講咩好啦. 大家又唔係好熟,唔知講乜好,費事搞到好似好尷尬咁啦. 或者人地都未必想同我講野啦.所以俾左錢之後,好快就走喇.

好快咁番到屋企,跟住都冇咩發生啦,咁就一日.

P.S.1:可能armarm學識上網競投d野啦,仲要係競投成功喎,開心到爆炸囉! 不過我諗都係因為armarm開始啦,所以覺得好好玩咁囉.不過我要競投既野已經兢投晒喇,我諗之後都唔會點上去競投喇.除非真係好似呢兩次咁,好有需要啦!如果唔係都唔會上啦.

P.S.2:聽日要賣旗, 今晚要早d訓.同埋好期待聽日同d同學仔去唱k,有d好耐冇見喇,咁大班人都幾難得架!聽日一定玩得好開心.

今日我做左一件咁大個仔有史以來第一次做既事! 就係同網上拍賣既賣家見面交收喇!

今次話晒都係我第一次學識點上網競投d野而且競投成功!超開心呀! 好彩個賣家冇呃我咋!開頭佢send e-mail黎果陣仲好驚佢會呃我添呀! 跟住響電話傾掂數,晏奏就即刻交收喇!真係正!

今次呢件拍賣我覺得非常之抵,幾乎全新呀!真係開心!

交收完喇終於,無後顧之憂.一日未交到手,都仲好驚有變數.而家唔使驚喇!舒服晒!

諗番起第一日放榜,真係有悲有喜.悲固然係唔開心,但喜係開心既意思之餘,亦都大有幾分驚喜既成分.

真係好迷,好唔知點算咁.好彩,佢地最終心裡面都已經有決定.........果然係大個仔左,冷靜處理.

而亦都有唔少人有意外收獲,恭喜晒.

唔知下年既7A會係點呢?

The HKCEE Release is coming soon!  Most of my classmates have to face it!

Confident as I am, but somehow I feel anxious and nervous in the extreme.

I am aware that I will not get a high grade in Syllabus B.

But I don't mind, the most make me worried is my classmates.

HKCEE 2005 is very very very * 100000..........00 crucial to them.

All the things have been decided, what I can do at this moment is to wait, wait for the result, wait for their good news ( if any ).

Time for bed, looking forward to facing another brighter future.