呢幾日都要番學,一黎自己真係有野做啦,一黎有d同學要見家長,睇下升唔升到中七,所以番去陪下佢地.呢幾日都唔係咁好心情,盡量幫下佢地啦.教下佢地寫信呀,開解下佢地呀,咁啦.

今日就係結果既揭盅日,我番到去,諗住問啦,不過d老師都唔多肯講,不過冇所謂啦,始終都唔係咁arm規矩.不過就知有d升到有d升唔到囉.直到晏奏就知道喇,都放心左好多啦.鬆左一口氣.

其實呢幾日番學都係要prepare d presentation既野.一黎遲左搞啦,d野都整得幾混亂下.不過都算係咁啦.兩日就排好場戲.都見得下人既.到左晏奏兩點幾,去到警察會所.入到個房度試下我地個powerpoint,點知唔得!好彩未開始咋,如果到時先知都唔知點死呀!但係我都好急囉,好驚呀!好彩我將個powerpoint擺左響自己個email度咋,拿拿臨download番!個心都定d.響等既時間,我再幫阿羅文呀,觀森佢地執下d細節,都算係咁啦.其實最緊張既反而係我自己.

真係要present喇,反而我覺得係最好既一次喎,之前rehearsal果陣,都冇咁好.係快就快左d,都不過不失啦.不過q&a果陣就爭d喇.不過都過左去啦.我地入到圍已經贏左架喇!得10間學校入圍咋喎!當然有待改善.

今次呢個環保報告真係完喇,諗番起做既過程真係好辛苦,但係做完之後真係成個人到鬆晒.拎獎日期係今個禮拜六,不過去唔到lu....因為要飛喇!密切期待中.

跟住同羅文行左望角,佢買左對converse,幾靚.我就響columbia度買左個耐熱水壺同買左衫.跟住就番屋企喇.

咁就一日.

P.S.1:好開心有同學仔升到,中七要努力喇,包括我自己都係.

P.S.2:就算升唔到都唔使開心啦,從好既方面諗啦,重讀總有佢幾好處既.

P.S.3:個presentation仲有好多要執既地方,不過都係算係咁.我地尋日先開始排咋.就算贏唔贏到冠軍真係冇咩所謂,因為我地已經贏左好多人.

尋日番學校陪d要見家長既同學仔,都係傾果d野啦.不過最後仲要所有既老師開會先至決定到.唔知個結果係點呢?

今日就會知道個結果,希望係好消息啦.

祝各位同學仔好運.無論個結果係點都好,最緊要清楚自己條路,唔好迷失左自己呀!

睇黎我仲未真係領悟到:

"看山是山,看山不是山,看山仍是山"

既道理.

我諗都應該係時候要學識放低.

自從畢業典禮之後,呢幾日都係生活載陰霾之下. 因為知道左我地班有成5個升唔到.最唔開心既係自己咩都幫唔到.唉........

聽日佢地就要見家長喇,希望有機會啦......祝你地好運!

或者我應該係時候開始學識咩叫:

"看山是山,看山不是山,看山仍是山"既道理.

做人應該就係咁.

今日係福仔生日,我尋晚已經約左佢出黎.不過我冇直接話出黎食飯,而係"昆"佢話我幫人買野,叫佢出黎幫下眼.我講完呢個大話之後都覺得自己好白癡,因為佢自己都知自己生日啦.不過我都係保險d,"昆"佢出黎.

今朝番學校事後活動,要8點半呀!救命!尋日去完camp之後既狀態仲未回復,勁唔想起身囉.我同小朱,婷婷,阿紙因為唔想參加果d無聊既事後活動,所以留左響班房捉波子棋,正!我贏左小朱呀!好開心,因為我不嬲捉棋都好渣.

跟住係clc對卷,一如所料,作文衰左.得27分!我諗應該係全班最低.其他paper都不過不失.算係咁.

跟住落去幫抵死到爆炸既connie謝整商科嘉年華既佈置,其實都唔係好多野做.

番到屋企換左衫,即刻出望角同羅文仔佢地行,行到6點幾,同佢地講左88之後,就開始下半場喇.

首先join左大髀家姐先,諗下買咩送俾福仔.最後大家決定買孖煙通過佢,好搞野.但係我地都買得唔平架,係Calvin Klein黎架!

福仔黎到,我自己過去搵左佢先,冇同佢講話其他人已經黎左,諗住俾個驚喜佢.最後我地都join埋一齊喇.約埋華d出黎之後,就真係正式開始喇!

我地行左一陣,就過深水保度食dinner,係大排檔黎.我地嗌左好多野食,仲嗌左6枝藍妹添呀!嚇死人.我飲完第一杯冇幾耐,d酒精就開始上腦,睇野好似有少少蒙蒙地,但係個人都仲算清醒.之後福仔叫我繼續飲,咁我見難得佢生日,仲要係18歲添,所以決定捨命陪君子,繼續飲.最後我卒之飲左4杯好滿既藍妹!我都覺得自己好勁!好彩冇醉,但係個頭就赤赤地,個人就依然好清醒.

食完差唔多11點就搭地鐵番屋企,好眼訓呀!響地鐵入邊訓足全場.好彩華d佢地送到我番油塘遮,如果唔係我一定唔知醒.唔該晒.

今日真係好開心呀!幫福仔慶祝左生日.其實都唔算d咩好特別既生日,都係食下飯咁.不過好特別既係我竟然飲左4杯酒.我開頭仲好驚自己醉添架,點知原來我係咁掂既!哈哈......!

跟住番到屋企,d酒慢慢散,個頭都冇咁赤.而家都冇咩事,沖埋涼,都冇咩事發生.

聽朝仲要番學校幫手搞個商科嘉年華攤位,諗起要7點幾起身就想死,好驚起身頭痛.

P.S.1:真係大個仔喇!響呢一年入邊你真係成長左不少,keep住呀!福仔!

P.S.2:唔知係咪壽星仔特別好意頭,好事成雙.恭喜你搵到野做喇,福仔!要俾心機做呀!我知你唔會令我失望.

P.S.3:今日有洗凸左,不過洗得好有意義,冇所謂啦!錢財身外物遮!哈哈.....!