今日係補課既最後一日,我照常8點幾起身,跟住過到德福度買左兩件蛋糕,好飽呀 !跟住冇幾耐miss就黎到,跟住幫佢拎本野落去印.搞到差唔多踏半先開始.今日教oral呀!正!今日番既人唔算多,相對地亦都冇咁嘈.今日淨係教左part a咋,不過都好好啦,知道左好多skills,因為最唔掂都係part a.臨近放學果陣,miss同我地講佢教埋今日就唔教lu.聽完之後真係有少少唔捨得架,開始就覺得佢教得麻麻,不過之後教得都ok啦,話晒相處左一段時間,可能教出左感情囉,真係唔係咁捨得 !今日係Miss Lui教我地既最後一日,即係之後番學唔會再見到佢lu.唔知又會請個咩老師番黎教呢 ?希望真係請個教到野既老師啦!講番轉頭,自從升左上中六之後,d英文一直停留響cert階段,一d都冇提升過,想死呀 !唉...點考a-level呀?呢個miss已經算係咁,教d野都算係approach exam囉,之前真係學唔到野,係咁上堂做,但係做完之後又冇進步喎,勁mung囉!禮拜3就要開始測喇,分4日測晒4個section,都唔知點死呀 !跟住miss仲俾埋"醫貓"我地,都算有心丫.同佢講完拜拜之後,都唔知幾時先至再見到佢喇.之後我就過左德福麥記等芷芷,因為今日要幫佢溫會考.溫到咁上下,佢話想去睇戲,佢打俾nancy,但係唔得閒囉,所以我就同佢去睇喇.佢原本諗住過百老匯睇既,不過我就話不如過德福ua睇下有冇上先,唔使行咁遠嘛.點知有喎,仲要咁arm線係2點2開場,所以拿拿臨買飛入場囉,學生35大元.入到去,好彩仲係廣告時間遮,即係冇蝕到 .今日我地係睇呢個精武家庭,勁正呀!阿嬌真係引死人喇,原來佢一身打女feel好鬼型呀 !又靚喎,真係開心!我地睇左差唔多兩個鐘到,我地都覺得好好睇,尤其是d打鬥場面真係好正!咁當然中間都有d搞笑位既.我地行到出去,佢一味咁讚套戲好睇.而我就試下用我愚昧既眼光分析左一下套戲:第一,佢係以家庭親子關係呢條伏線將成套戲串聯,情節緊扣,令我睇到有少少戥入邊既主角緊張,同時亦都好感動,所以我覺得呢套戲既編劇同編輯唔錯;但係另一方面,我又覺得套戲既尾爭咁d,佢唔係冇埋尾,但係我覺得咁樣既尾交代得唔清晰囉,就係咁喇.跟住芷芷就話我睇戲都咁多理論.可能我平時都有睇下d影評掛,所以開始唔係淨係齋睇咁簡單.事實上我都覺得,睇之餘,應該要識得欣賞套戲既內涵.睇完之後,我地就過番麥記食野,好肚餓呀 ,都未食晏.跟住我地行左一陣德福就過淘大,行到五點幾到就送芷芷去搭車,佢話部車唔好咁快黎,因為可以傾耐d喎,哈哈,真係細路女 .不過部車好快就到喇,咁我睇住佢上車,自己都去搭地鐵番屋企lu.番到黎,做埋個eng-class既ex,覺得好鬼累,最後伏左響張電腦枱度訓著左 .

跟住都冇咩特別野發生啦,咁就一日.

P.S.1:今日再響福仔本日記度睇到佢好似做得唔係咁開心,班客似乎有d無理取鬧囉.不過我同時亦都覺得,其實呢個真係一個好好既訓練機會囉,所以我響度支持你要過到呢關 .俾d心機呀!

P.S.2:今日係Miss Lui教我幾最後一日,雖然我真係好唔捨得你走,不過都要響度多謝你教左我咁多野.希望你日後既生活開開心心啦,有緣既,亦都希望可以再見 .最後,想借呢本日記,當住咁多朋友面前,give you a salute,請接受 !

今日全日留響屋企,無無聊聊咁.

直到4點幾,先開始肯做clc既問題,不過做到勁悶,不過最後都終於做晒.

今日成日都冇咩特別,咁就一日.

P.S.:今日響福仔日記度見到佢今日做野果度好似有少少唔開心,希望佢快d冇事啦 .只要平常心就夠架喇,唔好迫得自己太緊呀,如果唔係只會越做越唔好架咋!俾d心機,慢慢黎啦,我一定會支持你架 !

今日11點到,好唔情願咁起左身,因為要同阿媽去搞身分證 .因為12點就閂喇,梗係要快d啦.去到即刻拎左form填,跟住唔使好耐就嗌我地個籌喇!可能係今日係禮拜日啦,冇乜人.阿媽見緊主任果陣,芷芷打黎,話已經上完堂,可以黎得,不過仲響觀塘,我同佢講我仲搞緊,不過唔使好耐.跟住佢就話佢過油塘食d野先.點知armarm收線,阿媽就咁arm見完,咁我即刻打番俾芷芷啦,諗住同佢一齊食,點知佢已經響觀塘嗌左野食喇 !咁我就話我過去搵佢啦,送左阿媽過車站,我就過觀塘搵芷芷喇!不過佢已經食完,咁我就拿拿臨嗌野食lu.佢話唔知過到油塘食乜好,所以食埋先喎!又會咁巧既 ?跟住我地就過油塘喇,我番上樓拎d野,就同佢一齊過麥記啦,點知好多人囉,難怪既,今日d人拜山嘛!咁我地響個商場諗住兜個圈先再番過去.一路行,我就同佢講話我有個朋友今日參加殘酷一叮,點知佢勁想去囉 !其實尋晚佢打黎搵左我話幫佢補習之後,j仔冇幾耐就響icq問我今日去唔去睇佢叮叮架喇,咁我就同佢講話唔知黎唔黎得囉,咁我冇理由應承芷芷在先,推佢家嘛.但係估唔到同佢講左之後佢勁想去囉.咁我地就諗住去啦,我就即刻打俾j仔同佢講話我地去睇佢,初時佢就話我去到樂富打俾佢,咁我拿拿臨上樓拎相機啦,點知教好晒d野,準備落樓果陣,j仔打黎話我唔使去囉,因為額滿 !好掃興呀!一心諗住捧j仔場家嘛!不過都唔關佢事既,佢參加唔到,仲失望過我啦!之後我落番樓同芷芷講問佢仲去唔去,但係我個朋友就表演唔到囉.不過我地都係照去左,睇其他人囉,不過個心情完全唔同晒喇,因為過種興奮心情冇左,因為聽到j仔話冇得參加 .我地去到已經好多人喇,等左唔只半個鐘先開始,一開始係Cream表演先既,但係冇咩心情睇佢地囉,不過佢地咁細個,表現都不過不失既.今日既嘉賓評判係2R,雖然我離個台唔可以話太遠,但係因為我有少少近視,所以唔係睇得佢地太清楚,唉...好唔抵 !跟住就正式開始叮喇,頭果幾個人唱左都唔知有冇3秒,就俾人叮走左喇!之後都有人表演得唔錯既,唱得唔錯,所以時間都長好多.但係整體黎講d質素都麻麻地囉.我身後面果班fans真係好嘈囉,佢地係黎支持Cookies既,d參賽者一唱Cookies既歌,佢地就嗌到鬼死咁大聲,又跟住唱,我真係唔知係聽緊佢地定台上既人唱囉 !企前邊既有個死仔仲過癮,都唔知響度嗌乜,成日無啦啦響度大嗌.真係有少少唔係咁妥佢囉,一開始都覺得佢好唔arm,係咁響後面迫入黎,仲要俾佢迫到去最前變,勁唔憤氣囉 !睇睇下,芷芷同我講,唔知會唔會撞到熟人上去表演呢?點知真係有囉 !係雄兄呀!之後我地3點半到走喇,諗住打俾佢既,點知佢已經落左去搭車走lu...唔緊要啦!之後我地過左麥記買野食,芷芷嗌左杯雪糕,我就要左杯雪碧.原本諗住坐低食架,不過太多人喇,所以我地走lu...跟住我地分道揚鑣,佢搭車,我就搭地鐵.點知差唔多去到地鐵站,我先醒起原來我擺左個銀包響芷芷個袋度呀!事源當時太多人喇,驚有扒手,所以咪擺住響佢度先囉.跟住我即刻跑番去搵佢,好彩佢未等到車咋!如果唔係我要行番屋企呀!跟住我就行番去地鐵站,點知原來Jusco就響附近,咁我咪上去行下先走囉,橫掂黎到,同埋我都好耐冇行喇!入邊超多人囉!我發現原來有好多試食架,我差唔多試徙咁滯,不過d野都冇乜特別,味道唔太突出.教為有新意既咪係糯米燒賣囉,不過d味道都係麻麻.之後我響果度食左5蚊腸粉,跟住左$10 3包家樂牌意粉,咁就走喇!

之後冇咩特別野發生,咁就一日喇!

P.S.:今日j仔應該好失望囉,一心去參賽,但係就額滿!唔緊要啦,唔好灰心呀,下次再報過啦,我一定會支持你架 !下次有得叮記得叫我去睇呀!

今日遲左起身,諗住遲架啦,點知我已經冇趕番去,但係都冇遲囉.我響Side Walk度排隊買麵包,跟住行番去,去到門口見到高佬,入到去,先知原來都係9點過左3至4分鐘到,咁都唔算遲丫 !番到home room,見到好少人咋,d人都未番到,又未開始教.所以都幾好彩 .跟住miss叫我幫手拎本野落去俾胡仔印,咁我咪拎落去囉.跟住開始教喇,對番晒前日d ex既答案,都ok啦.再跟住對埋尋日果兩張open cloze既答案,咁就休息喇!我有一篇arm晒呀,好開心呀 !不過太淺喇,好似做完都冇進步咁既,都唔知應唔應該開心 ?話休話休都休左好耐下囉,我同j仔出去買野食,佢買左腸粉,我就幫立杰買燒賣.番到去落左有蓋操場度食,我就食我果兩個包囉.跟住無啦啦ningning落埋黎join我地,咁咪一齊傾偈囉,傾下大家既前途呀,工作呀,咁囉,大家都覺得係前路茫茫囉 !跟住番番上去繼續教,今次就好d,教d係approach exam既野囉.講晒之後,仲有成廿分鐘剩,但係d人已經催話走囉,我覺得miss勁無奈囉,咪唯有放囉.今日都係例嘈囉d人.已經唔係準時番架啦,仲要一番到黎就係咁嘈,好mung囉 .之後我過左去搵隻龜,因為今日應承左幫佢做野.我地一齊食晏,跟住我就幫佢改野,佢就係咁猛做冇停過手.我地做做下,何記走過黎同我地傾偈,跟住佢就又tum我落踏喇!佢要我下禮拜既vcd拍攝入邊介紹下朱記喎,理由係因為我響度讀左咁耐.其實無他既,幫到手咪幫囉,同埋我都想搞好間學校,唔想俾d衰人得逞 !做到咁上下,我地就走喇,不過到6點喇!跟住我地過左德福麥記度飲野.跟住就走喇.

之後冇咩事發生,咁就一日喇!

P.S.1:好多謝你今日請我食野呀,衰龜!同埋你咁睇我,我真係好感動呀!我一定唔會令你失望架,我會考個ue架喇 !

P.S.2:是日掛住Miss Leung指數經已跌至0%.

今日又係補課,番到去冇幾耐,胡仔上黎同我地講話miss可能晏d番,因為塞緊車.點知佢遲到左幾分鐘就番到,真搞笑.

跟住就開始教喇,講一張紙用成個幾鐘真係想死囉!j仔今日又係最遲番果個,過左10點半至番到 .加埋j仔,原來今日我地班有成廿4個番呀!真開心,證明我地班都係有心既.不過唔開心就係太嘈喇!又係同一班人,唉!偶然講一兩句都ok丫,但係不停咁講,講得又大聲,唔係咁好囉 !個個人都有周不時講下野,呢個好正常丫,不過都係細細聲講,唔係太騷擾.今日用左3個鐘時間講左5張work sheet,其實入邊d野唔係太多咋,mung死人!跟住放喇,我就過去搵隻龜,唔使我講,佢已經話印d paper俾我,真係有心 !跟住同佢傾左好多野,搞到有少少down添 .印完諗住同衰龜去撐枱腳既,晏奏就幫佢做野,點知佢話不如聽日先,今日唔係咁方便,咁事但啦,冇所謂,咁就番屋企喇!

番到去,阿媽就叫我去飲茶,我話唔去lu...尋日先飲完咋,同埋我又唔係咁鐘意,所以冇咩心情想飲茶.跟住就自己落樓下食車仔米線,例牌見到果個好鐘意無啦啦搭訕既鬍鬚佬 .咁一開始我坐果度既隔離係之前有人食野既,但係食剩好多就走左,我一路望都一路覺得徙囉 !點知,果位阿伯,食完自己果d之後,竟然走過黎將果d食剩既野倒俾自己,我見到真係想死呀 !佢好唔衛生囉!不過我都好欣賞佢果種"唔鐘意徙野"既性格!

跟住番屋企lu...跟住冇咩特別事發生,咁就一日lu...

P.S.1.:是日掛住Miss Leung指數跌至50%.

P.S.2.:今日同衰龜講過話eng-class d ex.太淺,唔知佢會唔會幫我同佢地反映下呢?希望會啦 !