今日第一堂busi,心情即刻麻麻,因為諗番起上個禮拜既test.今堂原本教marketing,點知奸英唔記得叫我地帶書,所以唯有繼續做題目.完全係冇心機囉......好似番番去上個禮拜六咁.英英話我咩事,仲估左一大堆理由,梗係唔arm啦.其實原因只有一個,係因為真係已經讀到意興闌珊(咁我梗係唔會咁樣同奸英講啦).

跟住既堂冇咩特別.

一路到pe堂,今日照舊同dennis打tennis.不過唔知咩事,我同佢今日既手風都勁唔好.唯有下次打過.

跟住都冇咩特別喇.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

P.S.1:好戥一個好朋友高興,因為佢已經真正咁企番起身.

P.S.2:由呢一刻開始,我的身分同角色將有所改變.

P.S.3:好期待聽日同NET teacher上堂,佢好鬼靚架!不過佢好似好cool咁,希望相處落唔係啦.

今日,2005年10月22日,可以話係悲喜交集的一日.

其實今日係補課日,奸英特登同fokfok調堂,用晒兩堂黎同我地測驗.結果係點?心照啦.做做下,直頭伏左響度.

基本上我而家學busi已經學到意興闌珊,心灰意冷.

今日分左兩part黎測.第一part測short questions同case study,都已經唔係好ok,因為好多都唔識.成part都唔使我計數,d分執極都有限啦.第二part測long question,更加唔使講啦.一開頭我直情趴左響度唔多想做,因為無從入手.不過英英循例都有叫過我起身.咁我可以點?就算幾唔想做都做d啦,同埋自己都唔想交白紙.條問題分左兩個parts,我淨係夠時間做a part,仲要係寫左勁少,自己都覺得多make sense既野落去果隻.英英話淨番5分鐘果陣我直頭冇諗過要開part b,因為明知唔會有轉機.跟住就趴到佢叫停為止.英英可能以為我係訓覺啦,但係其實.........但係其實我係好唔開心咁"may"埋左雙眼,諗緊自己點解會咁失敗,個老師咁好但係就點都學得唔好.我係響度鬧緊自己點解自己會咁,好憎自己!雖然唔會話特別標青,但係都唔好差得咁過分丫!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

經過一輪既心理戰之後,平伏左心情,就同成班人出去同子淇慶祝生日.生日快樂呀!其實我已經睇中左樣野想送俾你架喇,但係好可惜我真係買唔起.sorry!

跟住我就係咁影相啦.j仔有叫我食蛋糕,但係.......我真係冇心情食(原因如上).

同佢地影晒相之後,就急急腳走喇.佢地之後都有節目啦.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日其實約左羅文仔去聽講座,係jpc搞的,佢仲特登黎學校等我,但係因為我要影相,佢唯有去德福等我.唔好意思呀!要你等左咁耐!

之後我地火速咁衝落去搭地鐵過金鐘,去到原來d人都未齊,我地兩個仲最早果隻添.

跟住就過左中環警察總部.入到hall.萬眾期待...........鄭生雖然唔係講得好獨到,但係都學到唔少野.我仲同佢握手添呀!爆開心囉!但係最可惜就係同唔到佢影相!佢勁親切,勁親民囉!實在好難忘呀!希望有多d咁機會就好喇!越來越愛jpc.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

聽完之後,見到英姐,佢特登趕過黎睇下我地點,真係有心.我都好耐冇見佢喇,真開心.跟住佢同我地落左canteen食野.跟住一齊搭地鐵走.

係咁多喇.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

P.S.1:Today is PurplePaper's birthday, now I am here to express my best wishes to you again.  Happy Birthday & Enjoy Yourself!

P.S.2:The talk of today is undoutedly meaningful.  Thanks A Lot, Mr. Cheng!  You've put some precious money into my pocket!

今日成個人散晒.尋晚成兩點幾先訓. 今朝眼訓到爆炸.

頭兩堂都冇咩問題.去到acc堂就訓到死左. 真係累到暈低咁滯.

跟住係社際划艇比賽.上到去同肥歐坐到12點9,跟住同埋高佬落去更衣室換衫.其實尋日已經玩過,已經知道狀態不太好.原因係呢兩日個膊頭好鬼痛. 原本尋日都冇諗住玩架喇,不過彪叔叫到,又唔好意思推,唯有玩啦.今日仲衰,要連划兩場.好辛苦呀! 划完之後d手手腳腳簡直唔係自己咁.痠痛到不得了. 跟住好快咁換番衫,同肥歐佢地過左去食d野.唉....冇啖好食.

食完坐左一陣就上番去,個人活動完,一靜落黎,往往就係出現疲態既時候. 上到去坐左一陣,個人好自然咁覺得好鬼累.眼皮越來越低.......

趴左一陣間,起身諗住上busi堂既時候突然發覺,條頸好似有d痛!而且係越來越痛!

上完堂啦,跟住班主任節,俾奸英捉左去.跟住同佢一齊行,行到一樓果陣俾miss wong截住左.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

"焯明,得唔得閒呀?".

"得,咩事?(好快咁答左.)".

"你過黎幫我睇一睇班人,我出去一陣.".

"er....(發覺自己講錯野, 跟住奸英響度奸笑! )."

"黎啦,你係大哥哥黎家嘛."

"哦. ".

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住就睇住班馬騮一陣,嘈到死,好彩佢地都肯聽我講野.

跟住交番個波俾miss wong之後就上番去4樓.鄭太第一時間就問我咩事,我就答佢喇.

跟住一上到去,"咋咋臨"叫阿紙幫我捻兩野先.雖然效果似乎不大.佢話我條筋繃得好行,有機會拉傷左.

唉........

算啦,又唔係第一次,過幾日就冇事.而家我最驚就係聽朝唔知會唔會因為咁訓"禮"頸.千祈唔好呀!

今日師奶鄭又再次同我地訓話.佢講得arm架!希望我可以做啦.

而家番學好似行屍走肉咁,越來越冇心機.冇咩堂係覺得學到野.

唉.........算吧啦,好好地過埋個中七,當係對得住自己啦.

至於考得好唔好?平常心啦.無謂太執著.

以後每日番完學番到屋企我都會檢討自己一次.......

檢討番自己一日入邊所做過既事.......

睇番所做既事是否合乎要求.......

跟住檢討番自己係咪已經可以做到放低執著.......

提醒自己下次要做得好d.......

(看山是山,看山不是山,看山仍是山.<--------------Arduous as it is, I will insert my best effort in accomplishing my life goal.)