終於可以真真正正咁響日記度同我最好的朋友講番聲:生日快樂呀!肥歐!

今日係你的正日生日,好好咁Enjoy Yourself!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日照常番學,上完busi之後,原來fok姐冇番,所以唔使上acc,真開心.唔知點解,而家對fok姐教acc越來越抗拒,可能之前果d野本身識掛,所以冇咩緊要.但係而家佢教果d新野真係唔係好識.唉.......唯有靠自己了.

跟住"退修(電腦)堂",去左library.點知秋官上黎改簿,所以癡左埋去幫佢改.咁就一堂lu.....跟住m&s,預左佢會派番上個禮拜份test paper,所以特登唔帶書,因為真係好鬼重.我發覺得個膊頭而家越來越痛,我諗好大原因都係因為d書太重.所以.......都係避得就避.

跟住食晏,冇出去食.因為冇錢同埋都冇咩心情.求其食左兩個包跟住就過library當值.

跟住cl&c,預左悶.今日要test,但係真係提唔起心機做.我訓到幾乎剩10幾分鐘先起身做.所以做左勁少野.跟住就係今日最期待既pe堂喇!呢幾日心情跌到落谷底,就係要等呢堂pe黎發洩下!成堂都響度打tennis,好舒服呀!同埋今日唔知點解無啦啦平時同我地一齊上pe既低班冇上到.可能係調左時間掛.咁仲正啦!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住放學過左去ea power既活動.原本我去到都冇心玩,係志在食而已.點知食完野之後玩估歌仔,玩玩下又覺得幾好玩.其實係要估d舊歌,個阿sir話睇死我地未聽過,點知我估arm晒(我地分開3組,我地壓倒性地贏晒.)!仲要係最快時間添呀!哈哈......搞到我成為焦點.證明左咩?我老囉!如果唔係點會七八十年代果d都識丫?算吧啦,認下老又有咩所謂?我都老慣架啦.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住番屋企.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

P.S.:今日的心情經pe堂發洩同埋ea power既活動之後,得到短暫的舒緩.其實咪又係咁.玩完,每當靜下來的時候,無限的愁緒不斷湧上黎.留下的,只有一絲絲的痛.靜到連我自己都驚.

兜兜轉轉,到頭來發現最大既敵人原來係自己.

贏人地其實好易,但原來要贏自己就真係好難.

以前為了和身邊的人打拼,進行競爭,不惜精力耗損.好了,終於俾我贏了,那又如何?連自己都未搞得掂,算得上什麼?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

兜兜轉轉,到頭來發現原來最憎恨既人原來係自己.

原諒人地其實好易,但原來要寬恕自己係奇難.

以前為了嬲一個人,不惜身心耗損,日日夜夜針鋒相對,如同陌路人.並揚言憎某人憎到一世,都唔會原諒佢.好了,終於俾我嬲到了,那又如何?到頭來醒覺,最令自己懊惱,輾轉反側的人原來就近在咫尺.遠在天邊,卻近在眼前,那人就是,自己.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

心結越打越多,越多越繾綣;越繾綣越交錯複雜,越交錯複雜越緊實;越緊實越透唔到氣,越透唔到氣越辛苦;越辛苦越唔理智,越唔理智越控制唔到自己既情緒;越控制唔到自己既情緒越脫軌.越脫軌,最終只會爆!

生結只會演變成死結....................

雖然今日唔係肥歐既正日生日,不過冇計啦,鬼叫聽日係星期一咩.所以約左今日去唱k!

今日都幾多去人去架!有成12個,等我試下數先:肥歐(壽星仔所以要數先),kafa(壽星嫂所以要數第二),高佬,立杰,偉鋒,詹仔,朗朗,子淇,尹生,軒軒,seven,我.

今日我特登去遲d,係因為訂左個蛋糕俾壽星仔.佢地上晒去我先上.去到跟住擺左個蛋糕落雪櫃.

今日d食物黎得奇耐!等左好耐先有得食.跟住大家都食晒,就call番個蛋糕出黎喇!萬眾期待!跟住........梗係分贓啦.

好快食完唱完就走喇!

今日玩得好開心.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

P.S.:開心完,個人靜落黎,短暫既vexation-abandoning亦要告停止.剩下的,只有一絲絲的痛.