終於都等到喇!點知詹詹朝早遲到,嚇到我以為佢唔番添呀.....大汗....... 好彩佢都係遲到遮,幾驚佢唔番.因為佢唔番就真係好濕滯,訂左個蛋糕真係冇意思.自己食又覺得好怪咁.不過最後都平安無事.講番轉頭都幾好笑,我仲傻到話如果佢唔番,放學就拎住個蛋糕過觀塘"刮"阿詹出黎,諗番都覺得自己好傻kai,不過我就係咁,少少事就緊張,語無輪次. 跟住阿pik同我講話做咩唔同佢講話買左蛋糕同詹仔慶祝,搞到佢帶左飯......無奈中.其實我響icq諗住同佢講,但係佢又冇出聲咁,搞到我第二日又唔記得講,所以........但係又唔知佢做乜無啦啦帶左飯.唔緊要啦,慶祝生日食蛋糕緊要嘛!大家咁高興!

到左小息,先知原來吳sir知道阿詹生日之後,主動俾錢請佢食蛋糕.....大汗....... 但係我點都係已經book左佢先,點都要就左我先啦.所以我同ivan講叫佢地或者放學先食.事實上我都諗住出到去食飯都會嗌少幾個飯,所以唔使驚食唔落.

終於到左食晏時間喇!萬眾期待! 我同j仔一支箭咁殺過去大班拎蛋糕.個蛋糕好靚呀!我仲叫jason睇下我寫左咩字上去添,因為係我諗架! 同時我地亦都見到一休小布歐同朗朗響度買蛋糕.

好快咁我同jason就番過去大排檔喇.見佢地唔響15蚊度,即刻兜個圈過去搵佢地,原來響13蚊度.佢地已經排排坐定晒響度喇!實在太興奮喇!我同j仔未左低已經講同詹仔講定生日快樂喇!開心到飛起!

跟住我地幾個同左佢影相啦!影佢切蛋糕啦,影佢咬住快生日牌啦,好可愛呀! 原本我已經帶定相機,點知開唔到機!唔制呀!唯有叫fish用電話影啦!唉.......又失敗!

我地total嗌左3個飯,因為有蛋糕嘛!我冇食過d飯,只係食左一舊蛋糕.跟住剩番一舊唔知邊個食好,armarm好尹生黎到,正!咁就屈左佢食.不過佢都好樂意架啦!

最搞笑既係果度既阿姐問阿詹幾多歲生日果陣,阿詹答佢19,佢竟然唔信!認真搞笑! 咁好難怪既,個樣咁可愛,咁細個,點會似19歲丫!

跟住大家一齊行番去.中間發生左一段小插曲.........希望最後冇事啦.

到左放學,到工科同學仔買既蛋糕出場喇!我地一齊落左去有蓋操場度再慶祝,係詹仔今日食既第二個蛋糕!我地同樣要同佢影相啦,影低佢切蛋糕的一刻.跟住大家分贓.好開心呀!

今日咁就完喇!我地臨走仲同個靚女實質社工影左相,正!今日真係好滿足.

P.S.:熱鬧完,個人靜落黎,興奮的心情只剩下一絲絲的痛楚.唔知點解,開心完之後,個人靜落黎,就無啦啦down番.

今日其實冇咩特別事發生.因為第二日就係詹仔既生日,我同j仔果d約好左買個蛋糕同佢慶祝.

放左學,我同kafa即刻飛過去啟業大班果度揀,點知到落訂果陣先知原來要至少俾一半價錢,睇下銀包,得番$10大元........大汗..... .即刻諗住"gum"錢,點知附近冇中銀提款機.....冷汗.... 又即刻醒起淘大果邊有中銀,同埋附近都有大班,正!唔使特登行番轉頭先訂得.問左啟業大班既職員,確定可以響淘大訂跟住響啟業拎之後,就即刻殺過去淘大喇!

第一件事要gum左錢先!點知最近淘大既中銀要裝修,搞到用唔到提款機! Good Grief!唯有過馬路去對面的中銀gum錢!唉......跟住仲要搵左一陣先搵到部機.......失敗!

好快咁gum左錢,即刻過淘大買蛋糕喇!去到果度再揀左一陣,最後先決定左買邊個蛋糕.唉!搞到個開單職員好無奈.自己都唔好意思!總算搞掂左喇!

跟住陪kafa去買禮物,最後我同佢都決定左送咩俾佢,一齊夾埋錢添,正!咩都搞點晒喇!

期待聽日的到臨!

今日朝要幫jpc派傳單,首先過左德福派,不過好快就走左,因為太曬.

跟住過番警署食晏,跟住響觀塘派.不過好快就派完.

跟住同左羅文仔&森仔過左會展睇美食博覽!正!好多野食呀!幾乎試勻晒!

其實我純粹諗住去"癡"野食,冇諗住買野,不過到最後都係"姣婆守唔到寡",買左廿幾蚊野.原本要俾30蚊架,不過因為響果度買滿70蚊用優惠券就可以扣10蚊,正!所以我同森仔夾份,一人分5蚊,哈哈!真醒! 羅文仔唔使啦,佢買左80幾蚊,所以最後俾左70幾蚊.

跟住就走喇!都冇野行.

咁就一日.

好似激嬲左某人,佢好似唔多想同我講野同好似想避我咁.

睇黎,我要再認真評估下自己同要進一步收斂.

或者佢開始覺得我煩.

或者佢開始討厭我.

或者佢唔想再同我講野.