今日第一日換季.

一路上堂都冇咩特別.

晏奏cl&c訓左.pe考體能.累到爆.

跟住oral practice,bad!完全冇心機.

同某個朋友仔傾到成3點先訓,而家剛剛起身.

好擔心?唔知佢而家點諗.唔知佢究竟搞清楚未.是難的,個過程是很難捱的.但必須要踏出呢一步,避唔開的.

我講野唔識轉彎,因為我驚一兜個彎會將我想講既野會扭曲左.可能會掘左d,但係我真係希望佢可以收到我俾佢既訊息.佢成日都話自己可以承受得起,但佢俾我既反應又令我覺得未必.希望佢真係做得到啦.

而家目前最緊要係搞清楚個問題既源頭,知道左,就要開始層層逐個擊破.信我,我都希望可以幫到你.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

晏奏樂哥打黎話出街.點幾鐘出左去.過到望角,join埋肥康,隔離有另外3個唔多熟既朋友仔.行到差唔多4點,樂哥買左個斜咩袋,跟住去食野.食完之後樂哥陪我過補習果度,其他人就分道揚鑣了.樂哥響聯合附近周圍行,等到我補完習出黎join番.唔好意思呀!跟住再陪佢去買衫,搞到我都好想買,不過冇錢,都係下次先.

而家發覺好鍾意一d沉實d既衫,唔想再咁young.因為發覺自己真係老了.同埋根本個心態就係唔鍾意潮流,平平凡凡比較適合我多d.

跟住再行一陣,8點幾就走人.

d人成日都話,要贏人先要贏自己.

有好多人,可能天生真係有一定既能力,係其他人所不能及的,因此可以響某方面贏到人.可能會滿滿自喜,但係其實佢先係最失敗既失敗者.

兜兜轉轉,發覺自己始終未能衝破自己既心理關口.有好多野依然放不低.為何做人要如此執著?我不就是以上所提及的失敗者其中的一員嗎?

LOST...........CONFUSED...............ONLY ONE............FEELING COLD...............TURNING HEAD BEHIND.............PERCEIVING A LOT OF THINGS MISSED.................STANDING IN THE JUNCTIONS OF THE ROAD-------LIFE ROAD..........OPTING FOR THE RIGHT PATH...............NO IDEAS..............BLANK...............GLOOMY FUTURE...........

卻步了.已經無勁可衝了.火?滅了.

有所決定:

兩年前既今日我係點樣行入來A-level的,兩年後的今日我就要點樣行番出去;兩年前面對會考既心態係點,兩年後既今日既心態亦都唔會變;兩年前既今日可以睇得開既,兩年後既今日亦都唔會在意.

完了,一切都係時候黎個了斷.20年了,唔經唔覺,原來已經做左20年人.衝夠了,真的累了,係時候停下來了.

人生衝衝數十年,猶如走馬看花,當你回頭細看時,往往猛然醒覺原來錯過了很多東西.想追?但經已不復再.

在我眼中,人人平等,冇人會比其他人差.你做到既野,我相信我會做到;我做唔到既野,亦都唔期望有人可以幫到我.

繼續放棄我,請繼續讓我下沉.讓時間幫我探索自己.在一切未明朗之前,我都唔可能搵到自己既方向;在未能找到自己的方向之前,做咩野都係假.無謂再俾假象自己.

繼續頹喪.........

開始不容忽視中國的哲學思想.近來對一句格言突然起了好深刻的體會:"一樣米養百樣人.".

冇錯,米只有一種,但呢個世界有幾多人,就即係有幾多種人.點好?

所以話,人係呢個世界上最複雜的動物.

正因為有咁複雜的動物,呢個社群,呢個社會,以至呢個世界,都變得相當複雜.

亦正因如此,造就了人的"執著"性格.要做到拎得起,放得低,係需要好大既勇氣.

往往一些微不足道的東西,都可以剪不斷,理還亂,更何況係處於呢個咁複雜既世界?千絲萬縷,層層疊疊,層出不窮.

每個人背後都有一個獨立既故事.有好亦有唔好.

人生就係咁,或得或失,有高亦有低.

你慘咩?人地同樣苦.你睇人好,人地亦都睇你好.

最後結論:自己既事都係由自己黎解決.解決唔到既,就由時間幫你作主.每樣東西,總有佢既結果.