今日9點幾起左身,梳洗完差唔多10點了.

跟住出發去自修室.幫阿枝霸埋位.

一去到,當然係去斟水,一睇之下先發覺原來個運動場廁所已經裝修過,仲好靚添.搞到一時間唔知響邊度斟水添.真係太耐冇去了.自己都有d........唔識斟水就唯有落二樓library拎左申請入座證既forms先.上番黎又發現左部飲水機,所以斟左了.入番自修室先醒起唔記得幫阿枝拎埋,所以又落過去.番番上黎先醒起原來d forms蓋左"牛頭角".咁即係唔arm佢,白行左添.

跟住填左d forms.做左陣busi.

跟住毓文打黎,佢話阿思敏聽日會黎,所以可以買飛了.兼且決定埋係睇春田花花同學會.大家都arm睇嘛.最緊要就d女仔.既然我已經響自修室,當然係就咁走過去陶大買飛啦.搞左一輪,買左聽日既4:05分.兩張學生兩張唔係.

跟住阿枝都黎埋了.俾左本香港之秋佢.又做左一陣功課.1點幾,出左去食野.搵左好耐都冇我想要既粥食,最後就去左大快活度食tea.

跟住番番過去.打左番屋企叫媽媽今晚煲粥.太冇胃口了.

一路做功課,時不時同阿枝傾下偈.傾傾下太開心了,又唔想嘈到人地,所以索性出左去傾.

跟住又入番去繼續做.跟住阿枝一講起尹生,佢就即刻打黎了.超搞笑.係叫阿枝去唱k的.

跟住靚薯都打俾我,原來佢今日都冇走.佢媽媽叫佢唔使番了,因為佢地聽日都番黎了.佢打俾我係想俾番d錢我.我話今晚先搵佢.

跟住又入番去了.

跟住差唔多7點就一齊走了.行過通去地鐵站既巷仔果陣,因為頂唔順d碗仔翅既關係,所以同阿枝一人整左一碗.太好味了.說來都搞笑,平時買碗仔翅,如果要加魚賣同生菜要加錢,但呢間野竟然唔使.咁我地梗係要啦!正!好好味.跟住我再整多兩串腸仔先走添.好滿足的樣子.

跟住一齊搭地鐵走.

番到屋企沖涼食粥.

跟住睇左陣電視.玩左陣電腦.

跟住打俾靚薯叫佢落街.不過佢唔記得左帶番d錢俾我.

過左ok睇左陣雜誌,跟住諗住過咀郁郁度食野,點知佢初八先開.咁唯有過隔離果間野食啦,點知覺得d野食好唔掂,最後好樣衰咁走左.

過番ok.跟住最後決定落觀塘食.過得觀塘,邊有可能唔去機舖的.打左個幾鐘.靚薯仲打到興興地添.因為部機d掣唔掂累到佢輸.當然我淨係得個睇字.

跟住走去食野了.諗住搵下邊間好.最後決定左響一間係裕民商場對面再過d既食店度食.食完之後我同靚薯一致認為下次唔會再去呢間.太呃錢,食水太深了.食完坐響度傾左陣偈.又係傾下學校同班上自己朋友仔既野.

跟住行番油塘.今次係我第二次因為冇車搭而由觀塘行番油塘的.

一路行一路傾,超開心.係講關於靚薯班人既事.今次行得又幾輕鬆,唔係好累.

跟住再過左ok一陣,跟住就番歸了.

跟住番到屋企,再玩陣電腦,不過玩完都已經係5點幾了.

跟住訓.

今朝準時6點半到起左身.尋晚訓得超差,4點幾同5點幾都起過身.加上尋晚已經12點先訓落床,又加埋好耐先訓得著,計計埋埋都唔知訓得有冇4個鐘.

婆婆當然早起身過我.我就第二.

梳洗完坐左響度,其他人就陸陸續續起身.婆婆就整隻雞俾我拎番香港.辛苦晒喇!

7點半過d就出發去酒樓了.因為就二kum陣間番9點半,所以要咁早飲茶,同埋唔可以去太遠飲.

又係呢間野.上年都係響度飲.d野食認真麻麻,同埋超唔鍾意果度d職員的服務態度.佢未至於鬧你的,但係都係唔多好.呢排牙痛,搞到個人冇咩心機,有時頭暈+痛添,超冇心機食野.真係食龍肉都冇味的.明明唔想食,但係因為肚餓唔食唔得果種心情真係好想死.

飲到8點幾,就一齊行番去喇,二kum就響樓下附近搭車了.我地響樓下買左d野,原本我想自己俾的,不過二舅又爭住幫我俾左,多謝晒呀!其實好麻煩的,出親黎佢地一定爭住俾錢,又要俾好多野你拎番去,又要唔收番你錢,咁其實勁唔好意思的.咁當然一定要拎啦.

我地就番番屋企.坐低唔夠一陣,婆婆突然間醒起話不如過二kum間舖頭度買d燒豬肉乾俾我拎番去食.全部人都食過了,淨係得我未食過.不過其實我又冇咩所謂的.據佢地所講,呢d唔係炭燒的,又冇防腐劑.

不過我地唔識去,唯有叫二舅帶我地去,不過二舅陣間要番工,又唔知趕唔趕得切,原因係佢地如果一個月內番工唔遲到早退的話,月尾出糧會出多少少錢當係勤工獎,所以唔想因為咁而阻到佢,不過佢話ok,所以又大家一齊去了.唔該晒呀!

我地去到,搵左一陣間,就去到喇,二舅拿拿臨趕番落去搭車了,希望唔會遲到啦!唔該晒呀!你地對我太好了.

去到二kum舖頭,見到佢.試左少少現成既豬肉乾,問佢可唔可以開爐即燒,不過佢話咁早唔會開爐的,不過呢d現成既都係尋晚燒的,都係一樣的.所以就叫佢秤呢d了.買左兩包,一包拎學校請朋友仔食,一包番屋企食.話俾番錢的,不過又係失敗左呀!唉.....超唔好意思呀!次次出黎見親佢地都係又食又拎的.今次又大袋細袋了.有幾盒餅同糖拎走.

買完之後就番番屋企喇,聽婆婆講二kum呢間野好掂的,都幾出名,同埋真係好衛生.咁我諗二kum響度做,呢d野冇得呃人的.總之多謝晒啦!又食又拎,又唔肯收番錢,真係........都唔知點講了.

番到屋企坐.同婆婆傾左好耐,講番大陸呢幾年發生過d咩事,聽完之後都非常氣憤,發覺之前對佢地咁好心係白廢的.太過份了!

跟住12點到,阿鴻就帶我過碼頭.走之前,婆婆幫我用袋入好隻雞,我就當然乘走入房塞左$200入婆婆個袋度啦,唔出得聲的.番去先同佢講.

跟住我地就搭車過碼頭.去到都係12點10分到,我搵左一陣間,就搵到個check飛位了.果個人同我講話可以轉去12:30,咁我梗係轉啦.早d番去嘛.

跟住過關check身分證,搞左一大輪,跟住個上船位又超遠,搞到我係最後一個上船,我仲好驚佢開船唔等人添喇,好彩俾我趕到.咁就搭早一班船了.

跟住拎本書出黎睇,食幾粒梅,因為隻船好似幾拋下,不過唔算太勁,不過我已經唔多舒服了.當然冇嘔到.睇黎都係唔多適合搭船.好彩都係一個鐘船程,如果唔係一定嘔梗.

番到香港海岸了,不過未泊得埋去,搞左一輪就徙左至少成15分鐘.跟住過埋關,跟住搭車,番到屋企都已經3點15分了.

番到屋企交帶番晒d野之後,就打俾靚薯了,媽媽話佢打過黎搵我.

打俾佢,原來尹生響佢屋企整電腦,佢屋企番晒大陸,仲叫我過去添.

咁我就過去了,剛剛好上到佢果層既lift口,佢兩個已經企左響度了,原來又要過阿粽屋企借window碟.咁又一齊過去了.

借完之後又番過佢屋企.坐左一陣,就開始鋤d.7點到,就番過屋企拎d人民幣俾靚薯,佢話晏少少番大陸.跟住一齊過商場,佢地兩個食野,我就去買野.

跟住去左幫爸爸買野,佢呢兩日唔知點解咳得好緊要.跟住去陪佢地食野.陪陪下靚薯就同我落去買漱口水.跟住就各自番歸了.

番到屋企,媽媽同我講話毓文佢出左黎,仲打過黎添.所以即刻打番俾佢,點知沖緊涼.所以我都去沖涼了,尋晚冇沖呀!而家沖完真係舒服.跟住再打多次過去俾佢,最近約左夜少少落街傾下偈.

今晚冇食飯,媽媽煲左粉俾我食,因為真係冇乜胃口.隻牙真係...唉...

跟住10點幾阿枝打黎問我借香港之秋.傾左一陣,最後約左聽日一齊過牛頭角自修室一齊溫書.

跟住拿拿臨換衫落去.等左一陣,見佢仲未落黎,所以響樓下gum門鐘上去.原來佢睇電視唔記得左落黎.

跟住同佢過ok買左野飲,跟住行番過黎傾偈.傾左個幾鐘.講定禮拜日去睇戲.跟住再過番ok,今次撞到魚仔.跟住行番過黎,佢家姐打黎,係叫佢番去的,順便問埋佢睇戲既野,佢話禮拜六好d,所以最後決定禮拜六.不過要問埋林思敏禮拜六過唔過黎.郁文仔聽朝會打俾我.跟住我地橫掂冇野行,所以行過去榮塘華塘果度再入d既地方望下.兜左個圈就番過黎了.

跟住各自番歸喇.

番到屋企開左陣電腦,同尹生傾左陣.原來靚薯聽日先走.跟住好快又熄電腦,跟住擦牙訓覺了.

今朝5點幾起左身,因為要好早出門口過澳門.一日都係冇船飛累事!

6點幾就出發了.

過到深圳都已經8點.當然係過埋關啦.

跟住搭8點15分的車過珠海.今日部車算快了,10點40分已經到左.

一去到,打俾婆婆,原來鴻仔已經黎左,但我地見佢唔到.不過到係我眼利,咁都俾我響候車廳度見到佢.跟住佢帶我地過拱北口岸,跟住再過埋澳門,即係加埋過左兩次關.過左關哥哥先醒起佢手上拎住既果盒漏左響對面關口,真係俾佢激死.仲要響度賴我話點解唔幫手睇下,真係搞笑,當時咁既情況點會幫佢睇得到,講到好似我咁.睬佢都傻.跟住行番去二舅屋企,已經累死了.

一番去見到婆婆,好開心.我地第一個到.同婆婆講話買番盒餅,不過佢又話唔使,個個都唔多食,咁我地就唯有唔買了.孻姨佢地都未到.不過好快佢地都到埋了.我第一眼見到二姨成個人瘦晒!個心即時覺得勁唔舒服!聽佢地講話佢呢年食果d止手爆裂的藥,跟住就搞成咁了.不過呢個仲未證實.但係好人好姐,有乜理由無啦啦會咁?!而家成個人落晒型,一d血色都冇,個人瘦到得番棚骨囉!隻手同個肚腩冇晒!好明顯個人係有d事的.但係佢自己又話冇乜野,仲食得行得添,但係唔知點解我見佢成個人好似冇黎精神咁,一坐低個人就好似恰眼訓咁,但係佢自己又話唔係.總之好擔心就係啦!

跟住一齊食飯.孻姨丈似乎尋晚好夜訓,今日個人好殘,食完飯走左去床度訓了.

不過我地好快就出發過賭場了.不過二姨話佢唔去了,但其實我好想同佢一齊出去行下.

跟住我地過左賭場,果間叫"金沙"的物體.玩左一陣就走了,今日孻姨丈似乎冇乜運,輸左錢.

跟住我地就走了,我就響賭場門口果個噴水池度影左幾張相.不過硬係覺得自己影得好差.

不過都好似冇影響我地行街的心情,我地過左隔離的"Fisherman's Wharf"度周圍行.一路行一路影,自己影d,同佢地又影d咁.

跟住我地仲響果度買左野添,孻姨買左盞記燕窩再加一件羽絨褸,太有錢了.跟住我地再殺過去八佰伴,今次係我第二次去.孻姨真係太有錢了,響果度買左隻$3000+的戒指.跟住我地再上八佰伴買野,買左好多野,我自己都買左少少,不過都係食的.

跟住我突然間醒起未買聽日走的船飛,所以就過左港澳碼頭度買了.真開心,竟然俾我買到.婆婆今朝仲同我講話新聞講D人買唔到聽日番香港的船飛,好彩俾我買到遮.結果買左一點.

跟住番番二舅屋企食飯.食完之後,拉左D細佬妹影左D相,跟住佢地就走喇!好短的一日咁就過左喇!多數都要等下年先再見了.臨走前,我一再叮囑二姨記得番到江門要睇醫生,因為真係非同小可的.病向淺中醫嘛,真係唔明我呢個家族D人咁唔鍾意睇醫生的,有病就由得佢.唉.......

跟住佢地走晒了.哥哥想塞D錢俾婆婆不過經過一場激烈的推讓戰之後,最終輸左.臨走前仲要大聲同我叫我俾,真係唔得佢死.唔使你講我都會啦,我就唔會好似你咁推黎推去,因為一定唔成功的.我自有辦法.

今日好似成日都冇提過二舅同二KUM,因為佢兩個今日冇得放假,搞到佢地見唔到了.

跟住我就洗左隻腳同塊面,由於過一晚夜既關係,今晚唔沖涼了.婆婆拎左條褲俾我換黎訓覺.

跟住夜晚9點幾二kum就番黎先,坐左一陣,傾左一陣,10點到,二舅都番埋黎了.跟住都係我衰,無啦啦提起食生果,搞到二舅又走落街買,叫左佢唔好的,不過佢都係要落.不過亦都同時俾我發現左原來macau既生果檔係咁夜都未閂的.跟住都幾搞笑,二舅響下邊兜左個圈番上黎問我地鍾意食邊隻生果,話再落過去買,跟住婆婆同二kum就圍攻佢話佢做野唔識爽快,搞黎搞去,仲叫佢唔好鬼落了......不過最終都平熄左.不過當然嗌完之後又冇事啦.

跟住訓喇.今晚搞到二舅要做廳長,唔好意思呀!

訓落張床度,叫阿鴻較定鬧鐘.可能訓唔慣啦,好耐先訓得著.一黎"步床"掛,二黎好擔心二姨,一諗到佢個心就好唔舒服,訓唔著.之後就斷斷續續咁訓.......

尋晚又係成兩點先訓.

今日成點先起身.

跟住食飯.

跟住玩左陣電腦,懶懶閒地拎mia份mock2出黎做.難到爆炸!做到成6點幾先勉強做完!

跟住開始作埋篇cl&c既文.終於俾我作晒d文喇!

今晚食飯,爸爸又為了小事而嬲爆爆.真係好唔明的.咁大個人仲咩事都要嬲一餐.做人做到咁,唔怪之得佢成日都係苦瓜乾咁既面口啦.唉.....做人咁邊得開心架!

聽日約晒d親戚過澳門一聚,好開心呀!好期待.

不過要好早起身呀!因為買唔到船飛既關係,聽日要搭車過拱北,再過關去澳門.

差唔多要訓喇!而家訓都係得果五個鐘到咋!

尋晚成兩點幾先訓,今日11點起左身.

梳洗完之後,決定轉被動為主動---------自己落街買釘書機.

首先去左惠康先,見$9.9,始終覺得響惠康買文具唔多抵的,所以轉移陣地去日本城.點知平時見開果d就冇得賣,即係掛響度果d,釘書機連釘.而家得番果d淨係得釘書機,加上佢既size好似唔多arm我用的釘,所以冇買到.跟住去左隔離的文具舖,見到有個大口仔既釘書機,經過一輪心大心細之後都係決定買.$16!發覺自己有少少犯賤的.

跟住番屋企了.

跟住食飯,睇陣電視.

跟住一路玩電腦.玩到咁上下先懶懶閒地拎mia份mock2出黎做.不過都係做左兩個exercises咁大把.

跟住開始出發上嫲嫲度.上到去,食下野,蘿蔔糕啦,好好味呀!跟住其他人都陸陸續續黎齊了.跟住大家派下利是,交換下餅咁啦.

7點45分,同阿盈,阿泓,三姑姐落去等位先.落到去都等左超過15分鐘.

跟住就開席了,今晚食到好飽,雖然唔係好多碟送,但係就好鬼大碟,食到好飽.最後果個糖水由於冇得俾我揀既關係,所以冇食到.

跟住食完上番嫲嫲度拎番d野就走了.

咁就一日.