|
| |||||||||||||||||||||||||||||||||||||||||||||||||
| |||||||||||||||
| |||||||
| |||||||
|
 |
2006 年 9 月 6 日 星期三  |
| Orientation......... |
|
今日係最後一日orientation. 番到去都係聽野. 原來上堂係小班教學黎架,唔係成百幾人堆埋一齊上的,正! 成個系既學生每20個就一班. 今日番得幾開心,因為好快咁同自己班的人有偈傾.可能係第二日番啦,所以大家都唔驚. 個Prof. Ted. Chan將會係黎緊教我year 1 accounting既老師,未上堂今日已經係擺晒款,講到自己幾嚴幾勁.我地班個個都唔係咁鍾意佢之餘又幾驚囉. 最麻煩係禮拜五就係佢既堂,呢兩日要買書. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 走左之後約左j仔. 去買書,點知本死人書度度都冇!癡線! 唉........ 最後都係無功而回. 今日又要好多謝j仔陪我買書呀!實在要愛死你呀!hehe........ ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 究竟我選唔選修科好呀?! Philosophy定係Law好?! 其實我就好想讀前者,一黎興趣,二黎係如果呢個semester唔讀之後就唔會有機會再讀.但係又好驚讀唔掂囉!後者就其實當係為我以後舖路,因為year 2之後都要讀,所以又想year 1打好基礎. 好煩呀! |
| 刊登時間︰2006-09-07 01:39 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 9 月 4 日 星期一 |
Orientation.........  |
|
今日第一日番SYC,感覺有少少緊張. 始終都係第一日番"大學"(因為未正式升格),個感覺就好似7年前第一日讀f.1咁,緊緊張張,戰戰兢兢. 番到去,d人一個都唔識,同d人傾偈又唔熟. 一番到去係聽d導師講野,俾我見到條死八婆! 跟住又去hall開學禮. lunch要夾硬攝落人地度食,唉..... 晏奏番到黎聽申請學生資助計劃既講座,完全係悶爆! 唉.......睇黎有排煩. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Orientation完左之後打俾j仔,約左出去望角.跟住又打俾尹生,估佢會響望角出現,點知不在,跟住佢又話出黎,咁是但佢啦. 去左食野之後,周圍行,行行下尹生又話走先,有少少掃興. 今次行街其實為買袋,因為個舊袋都爛得7788. 搵左好耐都搵唔到(其實之前幾日已經搵左好耐),諗住冇望,點知臨走前醒起上一上Dusty睇下野就算,點知俾我見到我想要既袋! 仲要係arm size,個款又arm,價錢又ok,正呀!即買! 其實上Dusty之前響潮特都見到呢款袋架,不過唔敢買囉!超冇保障,驚佢易爛!好彩果陣時冇響潮特買囉,如果唔係再俾我Dusty見到的話,我一定會殺死自己囉! 原來咁多次都搵唔到,點知個袋就遠在天邊,近在眼前.因為之前幾次都冇上Dusty!今次一上就搵到,正呀! 跟住番歸喇! ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ - 太多謝j仔陪我行左咁多次街去搵袋喇!愛死你呀! - "行動代號 : 反laosmiddle但買潮袋大行動" <-----------以上代號係由潮爆始祖"Gwen Stefani X Jason"話你知既! 以上行動絕對成功! |
| 刊登時間︰2006-09-05 02:32 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 9 月 1 日 星期五 |
六月飛霜.........  |
|
人地有d有e又係拉個d,點解我有a有b都可以係拉個d? 收到考評局封信話冇upgrade到,簡直係晴天霹靂! 俾個c使唔使死?! c 尾都好過d 頭丫! mung死! ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 05: DDEE -------> E 06: BAED -------> D 細grade升左咁多,個大grade都係升得果少少! 都唔知考黎做乜! ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! Listening! ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 今日完全唔想同人講野! |
| 刊登時間︰2006-09-02 03:48 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 8 月 31 日 星期四 |
Fate........  |
|
今日又番馬會,原本時間都幾難過,不過之後同隔離d同事熟左,有兩句偈傾,所以時間都唔算難過. 講起今日做野果陣都幾有緣.話說同隔離個女仔傾開偈,原來係升year2既學生.幾靚女架! ~~~~~~~~~~~~~~~~~~~~~~~~~~~~~~~~Start~~~~~~~~~~~~~~~~~~~~~~~~~~~~~~~~ (~Extraction of Dialogue~) 女:"你今年幾多歲?"(佢無啦啦問我.) 男:(笑...)"20.但我唔會問番你既,放心." 女:"哦,咁又唔係既,都冇乜所謂." 男:"咁你幾多歲呀?"(愁死問唔切咁!) 女:"都係20." 男:"哦.但係冇理由架喎,你應該大我一年架喎."(其實我冇同佢講我係內地落黎的,見口快快講左但又費事再解釋.) 女:"你係咪86年丫?" 男:"係呀!" 女:"我都係喎.咁你應該係遲入學" 男:"咁你幾多月?" 女:"5月."(手勢先,再口講.) 男:"我又係喎!咁你幾多號呀?"(使唔使問埋人地幾多號呀?!) 女:"12." 男:"係?我又係喎!唔係咁有緣下話."(好開心!) 女:(好驚訝)......... 男:"不過我係舊曆."(gag!) 女:"車!我新曆." 男:"但都好有緣啦." 女:"咁你新歷應該係7,8月到." 男:"唔係,我計過係6月18." 女:"哦." ~~~~~~~~~~~~~~~~~~~~~~~~~~~~~~~End~~~~~~~~~~~~~~~~~~~~~~~~~~~~~~~ 究竟辭唔辭工好?!究竟考唔考多次A-Level好?!救命呀!!!! |
| 刊登時間︰2006-08-31 01:53 AM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 8 月 30 日 星期三 |
| End VS Start........ |
|
個暑假唔經唔覺就黎完了. 呢幾日既新聞都係講d學生開學. 今年呢個暑假其實對於我黎講既意義幾特別,因為我唔再係以一個中學生既身分去過呢個暑假. 原來自己跳出左學生呢個框框,再望番入去個感覺原來係咁特別.其實自從離校之後,見住d學生仲要著住校服番學,但自己就周圍扑去搵工,見到自己已經唔再著校服既時候,果種感覺真係有d患得患失咁.脫離左學生既身分,第一個感覺係好輕鬆,第二個感覺就係知道自己黎緊要真真正正要投入社會,唔再在學校呢個溫室成長. 而家眨下眼暑假又完了,莘莘學子又再背上書包上學去.真係令我諗番起好多以前上學既日子.同d同學仔一齊玩,玩到天昏地暗,考試黎到都唔識得驚.果種日子真係好緬懷.大家而家都各奔前程了.其實亦唔應該有咩唔捨得,因為呢個係定律,因為呢個世界係圓的,唔會因為任何事而停下來,不轉動. 其實黎緊既日子對我黎講,亦會係另一個里程碑,真係有d又驚又喜的感覺.喜既因為可以讀到專上課程,仲要係自己鍾意既野,繼續進修.驚既係驚自己捱唔到黎緊呢4年,好驚自己會讀唔掂,好驚自己會放棄,好驚屋企會負擔唔起,好驚........... 但我知道擔心黎都係冇用,因為已經決定讀.God blesses!希望我可以好好咁讀,畢到業,拎到個Degree. |
| 刊登時間︰2006-08-30 01:52 AM [ 訪客留言(0) ] [ 編輯日誌 ] [ 分享至FACEBOOK ] |
| « | 12 | 13 | 14 | 15 | 16 | 17 | 18 | 19 | 20 | 21 | ... | 67 | » |
