睇番原來我既號召力係完全唔掂.

因為appeal左咁耐,都係得royroy上過去子皮姑娘日記度留言.(仲要係唔知佢係咪睇左我日記先去添!)

又或者,,有好多人透過其他方式同子皮姑娘問好,係我多心吧.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日約左福仔去唱k.

因為佢聽日生日.

不過由於佢聽日俾人book左,所以我就約佢今日唱k了.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

響等福仔期間,竟然俾我撞到戴小姐!

因為佢要番工.

又一次證明左要見係唔使特登約架!(講笑就得.)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

發覺green box真係幾抵唱,一次狼死過一次.(開頭就3個鐘,跟住3個幾鐘,今日直頭四個幾鐘!)

佢原本叫我整雞"比"俾佢食,其實都得既,不過大家都知啦,我煮野食真係麻麻,呢個都唔係最大問題,最緊要係我唔知點拎俾佢!

所以最後都係冇整到.

不過,我係唔會兩手空空既,因為我一早(其實只不過係幾日前咁大吧囉!)就買左件衫送俾佢.

因為佢之前講過話想買頂黑色的帽,咁我就買左件淺色衫俾佢襯.

當唱完"最佳損友"果陣,我"鼠"一聲拎左件衫出黎,"Happy Birthday!"

佢話就話估我唔到囉,但係咪surprised就佢自己先知喇!

跟住佢即席試左件衫,fit!正!初時好驚要換囉!

大佬,呢件衫我已經係買最細碼架喇!

如果佢要再細d的話我即刻暈低.

當佢摺番件衫想擺番好佢果陣,尷尬事發生!

佢竟然睇到個膠袋上的price lable!

Crap!!

點會咁的?!件衫我睇住個sales響倉度拎出黎,點會癡個價錢上去的!!!

最緊要係我由頭到尾都冇發覺!!!

尷尬死喇!

(本人認為世上最令人尷尬的是當你送野俾人時佢又發現左你送既野幾多錢!)

不過佢話齋,識左咁耐冇所謂,都arm既,好彩同佢識得耐,如果唔係都唔知搵邊度搵個窿"娟".

不過佢叫我唔好再買咁貴既野送俾佢囉.(呢個就係我唔想俾佢知的原因,雖然睇個牌子會估到大概幾錢,但始終俾佢睇到個實數唔多好!)

冇計啦,鬼叫我對人地仲好過對自己咩,呢個係我的性格.

因為,我真係未買過一件咁貴既衫俾自己.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唱到死左之後,跟住就行左一陣tst.

最後我終於"bok"鎚,渣定主意買左對鞋喇!!!!

好多人問我點解唔買其他色,因為藍色幾乎度度都係正價,而其他色就好平!!!

原因好簡單,五個字:

我愛爆藍色!

我知道如果而家我買其他色可能會覺得好抵,但藍色呢隻要平係遲早既事,到時我一定會後悔,因為到時我一定唔會因為平而再買多對藍色!

真不枉我等左咁耐,行左咁多地方咁多間舖頭,最後終於俾我響tst度搵到一間我覺得最平的舖頭,終於買左喇!

超滿足!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

買鞋果陣出現左段小插曲(同時又係今日第二件尷尬事!),就係因為呢段小插曲爭d買唔成對鞋!

講起呢段小插曲,要trace番我對上一次買鞋.

(以下講既野有d複雜,敬請原諒.)

話說果次買鞋果陣其實我係飲酒飲到wingwing地,講左話而家唔係買鞋的狀態,下次先,但俾朋友仔們coerce左去買.

記得當時係問個sales有冇yy(細)號,佢話冇,得番zz(大)號.

雖然唔算fit size,但因為唔太鬆(因為只係大左少少.)加上我極度鍾意(因為等到條頸都長埋佢先減價!),所以都係買左.

由於當時wingwing地,撈亂左zz同yy兩個碼,以為個sales俾左yy號我,簡單黎講即係以為自己當時係問個sales拎xx(細+)號.

所以之後一路以為自己係yy號(其實都試過對yy號有懷疑,因為以前都好似冇咁細,同埋好少話冇我個碼).

所以今日去到買果陣都係同個sales講話要yy號,點知賣晒!

咁諗住試下個細d既碼(因為一路以為yy其實係大左少少的.),點知都係唔得!

跟住個sales話打去問下其他分店有冇,點知都係冇!

down!

之後走左,但真係好唔甘心,因為又係等到頸都長埋,睇左咁耐,而家先同我講話冇得賣!!!!!

由於唔死心既關係,所以硬住頭皮番轉頭同個sales講話試大少少.

當我坐低除左對鞋,不經意地望到,原來我著緊果對本身就係zz號!!

唔怪之得yy號會唔arm!!!!!!

Sigh........

瘀死.

連自己著幾號都唔知.唔想做人了.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Anyway,買左!

最後福仔join其他人食飯慶祝,我就功成身退,歸家了.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 

P.S.1:今日聽左福仔講佢個上司同佢個上司既朋友既一則對話.

         A:佢個上司

         B:佢個上司既朋友

         ~~~~~~~~~~~~

         B:其實講真,衫呢樣野,平又係咁著,貴又係咁著,都唔知點解有d牌子可以賣得咁貴......好似果個用電腦打出來的牌子咁.......

         (同場的福仔呆左一陣,皺眉........一秒之後)

         A:噢!你講緊IZZUE!!!!!

         (...............)

         (同場的福仔已經笑到死左......)

         (當時我聽福仔覆述番呢件事都笑到死左......)

         ~~~~~~~~~~~~~~

         後記:

         笑完.

         事後問番福仔,原來呢兩個人已經識左30+年.

         呢d,就係默契;呢d,就係摯友.

         當全場都唔明某人講的野,但佢的摯友可以即時反應過黎並講出佢既意思,呢種關係實在太難得.

         笑之餘,其實覺得好warm.

 

 

天氣一反常就好驚.

時冷時熱,好辛苦的.

呢個禮拜d天氣"好"成咁,都知道死梗.

今日,終於都係病左.

對上果次只不過係上個月中,考試果陣,情況又係一樣,天氣時冷時熱.

上次感冒,今次發燒.

想死.

好彩食左兩粒panadol而家好番d.

~~~~~~~~~~~~~~~~~~~~~~~~~~~~~~~~~~~~~~~~~~~~~

APPEAL

呢兩日睇左子皮姑娘的日記,得知佢俾某個賤客蝦!!!!!

響呢度呼籲各位子皮姑娘的朋友去佢日記留言以示支持!!!!

請各位已有佢日記的人盡快上去留言!!

基於私隱關係,在此不大方便把條link打出黎,敬請原諒.

Thank you for your kind attention.

 

 

聽朋友呻完話佢的組員做唔到野,所以佢要捱通頂.

好彩考完試,所以仗義幫忙.

承接番上一個post,因為佢的資料係錯的(果3個錯的files,但竟然要交,唉......).

唯有幫佢作過晒佢.

原本想照copy書入邊例子,但因為要做到3年既數係話間公司向好的,所以都最後都係要自己作.

慘.....

之後作晒d financial statements之後,又要自己做番個cash flow出黎,竟然自己作題目俾自己做(好似果d出卷員咁,出完題目跟手整Marking Scheme),搞到有少少癡癡地線,好似做左出卷員咁.

(作數真係好慘.......)

兩點幾開始做,6點完成(Good Morning, Classsssssssss!)!hurrah!!

d energy冇晒.......成個喪屍咁......

send埋個file俾佢之後,即刻死左去訓了.

但朋友依然苦戰中,amen!我會為你祈禱的!

之後佢再打番黎講番件事,原來佢做到10am!

不過個煩到爆炸的project終於搞掂左喇!

正!

~完~

P.S.:爭多我一餐!!^^

 

 

今朝未訓醒,就俾某朋友的電話嘈醒左.

跟住佢就"her"我話救命,原來係要幫佢做acc,因為佢要present.

咁就拿拿臨彈起身拎番本舖晒塵的中七acc書出黎幫佢做.

點知講講下又話唔使,佢個teammate有朋友搞掂.

咁就俾佢嘈醒左......有少少無奈.

訓番落去,之後又打黎話條友甩底,都係要我幫手.

心諗:有少少玩野的成份.....

跟住就幫佢做了.

佢sent左3個files(3 sets of financial statements showing the ending balances of year 1, 2, 3 respectively)過黎,話要做3個cash flow.

已經有問題,year 1都冇opening balances,點做?

所以淨係做到兩個.

跟住就做了.

做做下,發覺"吧"唔到.

第一個反應:唔通太耐冇掂,唔識做?

望下佢俾我的資料,個balance sheet竟然,assets + liabilities = capital!(目前為止以為係errors造成)

唔怪得"吧"到啦!

跟住就幫佢"鬥"番晒d數出黎.

再問佢,呢間係咪limited,佢話係....但個bs睇唔到任何跡象係limited....

唯有照做.

做到火火地,問佢呢d係咩數黎(因為a-level都冇佢咁難),係咪佢阿sir俾佢做的ex.(初頭以為係),點知佢話唔係,d數竟然係佢果組d人作出來的!!

(訓直.........咆哮...........血.........成地都係.....)

開始覺有少少捉蟲的感覺.佢開頭tum我話條數好短(但冇話要做3條囉!),我睇完之後都知道好短,但冇諗過會是山埃來的!

唯有繼續苦戰.........

之後佢再講話d資料係作到話間公司向好的.

問題又再浮現:profit一年高過一年,但點解要賣fixed assets同贖番d shares既?

算........

照做.

最後竟然俾我"吧"到!

勁!要讚下自己!

~完~

P.S.1:估唔到仲會有難過a-level的題目,考試局一定要請佢地做出卷員.

P.S.2:我不指名道姓,請不要自投羅網.

P.S.2:爭我一餐飯.^^

 

 

最近幾日,有兩三個parties既朋友係咁push我出街.

計下,其實我都有成兩個月冇見過佢地咁滯!

問心,我真係好想出!

但,現實係唔俾我咁做!

一諗到仲有好多assignments未交,交完之後就要即刻考試,真係好想死左去!

搵人打救下我啦!

真係好想快d過埋final呀!

五月尾我實會死出黎!

不過,到時實搵野做啦!

即是話,又未必有可能見到你地呀!

請原諒!

大佬,成3個月喎!

唔搵野做實乾塘!

雖然學費仍然需要屋企人支持,但平時的洗費一定要靠自己!

諗起8月就要交學費,真係好想死鬼左去!