|
| ||||||||||||||||||||||||||||||||||||||||||||||||||||||||
| |||||||||||||||
| |||||||
| |||||||
|
 |
2007 年 1 月 9 日 星期二  |
詹sir......  |
|
真係唔得掂,發覺越來越鍾聽同睇詹sir既野. 太正喇! 如果我個腦有佢一半轉得咁快同睇野睇得咁通就好了. |
| 刊登時間︰2007-01-09 04:22 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 1 月 8 日 星期一 |
| 嚇鬼死...... |
|
今日考qm,好唔好?廢鬼事理. 放12點.跟住打俾j仔,剛剛起身囉!預左...... 跟住佢話落戴"百有"度食埋飯先出黎.好彩佢話食少少遮,留番個肚陪我食tea. 由於時間尚早的關係,我唯有響np度兜左個圈,10年唔行一次,原來係悶到出汁的. 一路行一路好鬼肚餓,但又要留番個肚出mk食,仲要等到兩點半囉! 行左個幾鐘,j仔終於打黎話出得去喇! 跟住響hangseng度等佢,等等下終於見到佢,但佢竟然先發制人,話我黎到唔打俾佢囉! 死仔包,遲到仲賴我,下次打鬼死佢!^^ 跟住行左一陣,就去左"落雪"(以上資訊係由福仔提供既!)度食野. 但嗌肚餓竟然係戴小姐囉!跟住就嗌左好多野食了. 跟住當然係周圍行.最後收獲係:j仔終於買到件"大play"既cdg喇!(呢個brand講左10幾年,今次係第一次入手!) 件死人野搵左好鬼耐終於都買到了! 其實我今日都睇中左個袋,不過最後都冇買到.因為再買的話我知道實必死無疑.因為,上個月用到凸晒!如果今次在買野,實俾阿媽鏟上天花板都似! 希望遲下d tote bag再出多d款啦,搵勻成條街都冇,癡線的. 跟住就當然番歸了. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 講起今日真係嚇鬼死. 話說今朝番到去考qm,但番到去先發覺竟然唔記得左帶計數機! 跟住咋咋臨落去office度問人借,好彩俾我借到咋!如果唔係都唔知點捱.God Blesses! 跟住考完之後阿媽竟然又同我講話我個acc得番好少錢(當然,我不嬲都冇乜錢)! 心諗:上個月係用多左遮,但都未至於咁誇張下?唔通真係好似戴小姐話齋"Money has wings to fly!" 跟住番到屋企睇下,原來係虛驚一場. 真係心血少d都唔得. |
| 刊登時間︰2007-01-09 03:31 AM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 1 月 6 日 星期六 |
Many Thanks to 甘仔......  |
|
sem 1 既考試黎到今日已經係第三科了. 今日,係我一路以黎驚得最緊要的econ.因為,真係好難. 今日做份卷,果40條mc明顯比midterm果d淺. 至於long questions方面,亦都係我最驚的一部分,竟然出左佢上堂同我地討論過的題目. 真係估佢唔到.仲以為佢會出到好深添.當然,如果唔係佢之前講過,我今日都唔會識做. 其實睇得出甘仔根本就係想放生我地呢d冇讀過econ既人.更何況我地唔係econ系的人.佢係要睇我地有冇聽書同有冇溫書. Many thanks to him.......... 當然我都係答得唔多好,但至少我都叫做有d野寫下.如果唔係,真係聽交白卷都似. 突然間真係覺得甘仔好用心良苦......多謝! |
| 刊登時間︰2007-01-07 12:42 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 31 日 星期日 |
| 玩到好癲........ |
|
今日晏奏做左我咁大個仔第一次做既野,相信亦都係最後一次. 好鬼緊張呀!就係:幫個朋友做證婚人!(至於點解,講起黎成匹布咁長) 佢之前叫我去觀禮,之後又話可以唔黎.跟住前兩日打黎叫我幫佢做證婚人,好彩我夠年齡咋! 今日兩點起身,梳洗,跟住就拿拿臨飛過去文化中心度幫佢做證婚人. 儀式好簡單,好快就搞掂,15:30正式開始,16:00完成.由呢一刻開始,佢已經係人地既妻子,人地既媽咪喇!恭喜晒! 響呢度衷心祝福你有個幸福快樂的家庭! ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 由於太早過tst既關係,搞到番屋企又唔係,番又唔係,因為夜少少又要出黎. 因為冇食晏奏既關係,所以過左吉吉家食左個tea. 跟住打俾福仔,睇下佢放食dinner未,跟住就同佢5點幾響tst度食飯,我當然就唔食飯啦,所以食左個刨冰. 食完之後,佢就要番過酒店度做野了,我就唯有又自己一條友. 過左美麗華既muji,跟住華d打黎,話佢地去緊ymt度食野,心諗,又食? 唉....過到ymt,係,係又食!好飽呀! 跟住食完野,搞左一輪,見有時間,所以又一齊行番過tst. 搵左好多間bar,full晒. 所以最後決定唱k. 玩下唱下,01:00到,福仔放左工過埋黎. party正式開始! 班友真係玩得好鬼癲,嗌左at least有5 sets酒! 今次真係飲到我好想死! 去廁所照下自己,塊面同對眼紅得好緊要! 到最後我真係頂唔順了,璃埋左響廁所度,佢地叫我都唔出黎.因為,我真係飲唔落了! 今次玩得最癲既係福仔.係咁迫人飲!抖都冇得抖! 好快就交房了,埋單位位$250!跟住我地就又行番過mk,我行在最後,行下停下,真係好辛苦! 條氣頂住,但係又嘔唔出果下先辛苦! 最後我見有間麥記,衝左入廁所度璃埋好耐先出番黎. 跟住就慢慢行過mk join佢地. 途中唔係好頂得順,買左包陳皮. 幾經辛苦,終於過到mk喇! 個個都已經累到死左.福仔訓訓下嘔左!嘔到冇晒力! 一路到左5點,我先至唔再頂住道氣.足足用左3個鐘先至復原!其實嘔左先會舒服,可惜我嘔唔出,勁辛苦! 可惜福仔就........ 跟住我地決定左過酒店開間房,因為福仔都番唔到屋企了. 開左房. 我settle down左福仔之後,幫佢膚左兩條熱毛巾,我就走了,剩番佢地4個響度訓. 其實我都可以留低訓的,不過廢事了,一黎5個人好難訓兩張床,同埋我都冇錢俾了.加上地鐵通宵,我又精神番了,所以都係走了. 番到黎洗下塊面,抹下對腳,即刻死落張床度訓喇!冇energy沖涼了. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 訓到點幾先起身,跟住就溫書. 聽日開始考試喇! 但真係好唔願意地溫. econ?死吧啦! |
| 刊登時間︰2007-01-01 05:55 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 21 日 星期四 |
Boring.......  |
|
今日番去上兩堂英文,真係好鬼悶. 跟住放學大班人去機舖,又係好鬼悶. 跟住番過黎觀塘睇野. 之前響catalog見到既addidas既exclusive既鞋,上兩個禮拜已經由$550減到$440,今日再睇,已經減到$379! 好想買呀!(但又好猶豫....) 跟住番屋企前,買左塊格仔餅食!好好味呀!發覺已經愛上左佢喇! 食法: 第一,走白糖; 第二,少牛油; 第三,多花生醬; 第四,多牛奶. 呢個就係我最鍾意既格仔餅喇! |
| 刊登時間︰2006-12-22 01:09 AM [ 訪客留言(1) ] [ 編輯日誌 ] [ 分享至FACEBOOK ] |
| « | 6 | 7 | 8 | 9 | 10 | 11 | 12 | 13 | 14 | 15 | ... | 67 | » |
