大家可以去試下.

http://www.mitest.com/o2ndary.htm

My Result:

Multiple Intelligences

Your Personal Evaluation

The Seven Intelligence Areas

Linguistic: 2

Logical-Mathematical: 4

Spatial: 3

Bodily-Kinesthetic: 4

Musical: 8

Interpersonal: 3

Intrapersonal: 10

A Short Definition of your Highest Score

Intrapersonal - the ability to assess one's own strengths, weaknesses, talents, and interests and use them to set goals, to understand oneself to be of service to others, to form and develop concepts and theories based on an examination of oneself, and to reflect on one's inner moods, intuitions, and temperament and to use them to create or express a personal view. Possible vocations that use the intrapersonal intelligence include planner, small business owner, psychologist, artist, religious leader, and writer.

 tvb一年一度既電視頒獎典禮又黎喇!!!

好開心夏雨今次終於有得憑"溏心風暴"既"鮑鮑"一角競逐最佳男主角呀!!!!!雖然,我亦都好清楚對於一個甘草演員黎講,要拎最佳男主角獎係有d難度,因為多數都係俾d後生少少的.Anyway,佢有得被提名已經話左俾大家聽,佢演技係被受肯定的!我實支持你架!

今次睇到頒獎候選名單其實有少少唔開心,就係夏雨冇得憑"爸爸閉翳"既"添叔"角逐最佳男配角囉!如果可以既話呢個獎我覺得佢會易拎d囉!一套令到我喊既劇集,如果冇左夏雨爐火純青既演技將"添叔"一角演活左,套戲一定褪色不少囉!同埋我未必會喊架!

不過算啦!夏雨終於跳級可以角逐最佳男主角已經好開心!希望佢真係可以憑"鮑鮑"拎到啦!

大家快d上網投票啦!!

一路以來我都覺得自己係一個唔易喊既人,就算電視劇,電影,講既題材係親情,有幾感動都好,我都唔會喊,最多個鼻會酸酸地,眼濕濕,但就唔會流出眼淚的.

今日,我終於喊左.

之前套"爸爸閉翳"其實我有追開,因為真係好好睇,入邊有我鍾意既演員,同埋劇情有喜有悲,拍得好好.

但後來唔多得閒,所以搞到臨尾既10集冇睇.呢幾日先得閒睇番.

其實呢套劇一路睇,中間有唔少既感動位,因為真係拍得好感人.劇情好生活化,但就好典型,因為往往最典型最生活化既野最容易勾起人既共鳴.當然,拍戲還拍戲,有d劇情係將現實生活理想化左的.

當睇到臨尾幾集,d劇情開始緊張緊湊,感動位越來越多,我既眼淚防線亦都失守左.尤其是臨尾果集,基本上成集都係催淚彈,我亦都響呢一集終於忍唔住喊左出黎.講到添叔中風暈左,最尾果集講到全城為昏迷既添叔慶祝生日,開心牛丸賣個滿堂紅,自己既兩個仔同兩個孫仲有一大班既親戚朋友陪自己,醒左之後,雖然已經失左憶,但就得到身邊既人關懷,庸碌一生,一心只為身邊人著想既添叔終於得到好人有好報既結果,兩個仔既然知道佢已經失左失左憶,索性幫佢洗腦,重新編過一d開心既記憶俾佢,等佢有一個開心而唔係充滿遺憾既過去,同呂家齊漠視親情,最後落得眾叛親離兼俾人告既下場形成左強烈既對比,呢個位相信帶俾觀眾一個好複雜既情緒,牽動人心就係呢種.

其實之前睇亞視既外購劇"春天後母心",呢個都係一套好感人讚頌母愛的劇集,由有"哭后"既劉雪華飾演阿媽既角色,可以話集集都有催淚彈既鏡頭,但我都只係個鼻酸酸地同眼濕濕.

今次由夏雨飾演既添叔角色,終於搞到我喊左.呢套劇入邊d演員既演技真係好好,歐陽震華同王喜,再加上夏雨呢個老戲骨,分別飾演3個茶煲daddy,仲有jacky仔(jimmy仔)同羅芷晴(貝貝)既生鬼演出,令到套劇有笑有淚,感動位自然流露.夏雨雖然係做甘草角色,但套劇既尾我覺得佢已經變左係主角,因為結局最終係圍繞住佢黎講,實在係一個老戲骨兼一個好難得既甘草演員,抵佢拎男配角獎,今次既台慶希望佢可以憑"鮑鮑"拎到!我實支持你架!

套戲真係好好睇.好值得一再回味.

今日係一個好重要的日子,因為今日要揀黎緊讀書的時間表.

大家都知啦,時間表呢樣野,梗係要鬥快揀架啦,好既時間表一定多人爭家嘛!

所以今朝9點半起左身,面都未洗就衝去開電腦,因為11點就到會計系選時間表.

大家唔好以為9點半已經好早,因為呢個時間已經係大塞車,log in唔到.

一路等到11點,點知個server負荷唔到!搞到原本入左去既人都要被迫踢番出黎.

跟住一路都係入唔到,係咁refresh,但個網頁依然係"No more available connections.  Try back in 5 minutes."

由於依然係好多人既關係,之前add科的系未add晒,未到add科時間既系又湧入黎,最後個server竟然死左!

原本11點幾就可以完成的事竟然搞到點幾兩點都未搞掂,已經燥到爆,個system仲要死埋!

好想行開,因為仲未洗面(今日dirty左少少,大家敬請原諒),又冇食野,又好鬼眼訓(平時咁早起身基本上係mission impossible),但又好驚行開之後又唔知咩世界,因為,你唔知佢個system幾時會突然間好番,揀唔到就死火架喇!

去到3點幾,實在係頂唔順.梳洗完之後煮左兩個麵,跟住繼續同個sever搏鬥.

跟住就發覺個system好鬼易入,好明顯係好多人已經放棄左log in.

入到去已經好鬼開心,點知,"Add compulsory courses"既icon竟然死左!

癡線!

打番學校問只係好敷衍咁答話搶修緊,再問佢幾時會整好又答唔到.再問佢點先知佢整好未,佢竟然話"你入到去見到可以按到就即係整好架喇!"廢話!入到去至得架!refresh到隻手抽筋都未入到,點睇呀!又唔出notice!

入到去但add唔到野有鬼用呀?!

跟住一路搞搞左好耐,差唔多成7點幾8點先可以add番科.

但呢個時候已經好多人,又係入唔到,癡根!

跟住好彩搵左人幫手log in先揀到心水既時間表,如果唔係真係火死.

今次選科都睇到原來我地班的人好團結,add左科既人幫其他未add科係咁狂refresh,最後好多人都可以揀到.

總之一句今日真係興過火山爆發!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今次網上自己揀timetable係新既措施,無疑都算係樹仁既一個進步.

但,做得好就話遮!搞到咁亂,真係唔搞好過搞!

講起真係想噴火.

話說前幾日第一次出timetable既時候,係夾好左揀compulsory同elective既時間表,點知第二日佢改左野,搞到我果科elective揀唔到!

一個好既時間表係應該就到全部elective家嘛,就唔到咁當初做咩要俾呢科我揀?!

成日都話唔可以elective就compulsory,要揀左compulsory先,但係人都知,compulsory係必讀架啦,即係黎緊既時間表係點編都好,d科一定係set死左,咁係咪應該compulsory就elective呢?因為elective唔係實讀到之餘就算讀到,時間都未必就到!

你做野手腳慢到死都算啦,遲得黎又要錯呢樣錯果樣,想點呀?!

選科時間既安排又係搞笑,成個級迫埋一齊.

A系9點半,B系就10點即刻黎料,C系D系接住落.

個個系既人數唔同,同埋半個鐘邊有可能做得晒?!

諗都諗到啦!真係冇咁衰自己拿來衰!自己做低自己個system!

會計(160)同工管系(300人)係最大既兩個系,但就癡埋一齊揀科!

癡根!

你個server唔掂就係人都知架啦,因為平時上一上去check野都會down!

都唔緊要,你個安排可唔可以做得好d?!安排得好的話就算個system差都可以做得好好的!但你安排得咁密,實出現樽頸啦!

都唔明點解要咁多個系一齊響同一日做add科.就算同一日,時間都可以安排得長d遮!都明知個個系人數唔同架啦,尤其是BA成300人,但都係俾得果半個鐘,完全係搞笑!

我唔係話樹仁差,但一個咁少少既項目都做成咁,簡直係火爆!

冇咁大個頭唔好戴咁大頂帽啦!係做唔到就唔好夾硬要做!寧願願random俾timetable我好過!

下年如果再黎一次我真係死俾你睇.

加上今年收生應該多過舊年,唉.....睇怕到時情況更加慘烈.

Amen!

To: My Dear and Lovely Boy,

Sincerely, genuinely, faithfully, truly, really, indeed, anxiously, deadly, bloody, desirably hope you can get rid of all the impediments sooner or later.  I regret to say I am incapable of giving my helping hands to you.  All I can do is to listen and send out my heartfelt comfort and regards to you.  Any substantial assistance cannot be accomplished by me.  Sorry!  All my blessings will be around you.  Hopefully.........Amen!

Best Wishes,
Danny