| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
|
2005 年 4 月 25 日 星期一  |
心情麻麻的一日!  |
|
今照一番到去,響班主任節果陣諗住叫其他未夾錢(關sir party)既人夾番啦,點知阿roy話唔夾囉,阿魚同佢嘈左一大輪.唉...唯有15人分啦.其實都係講心遮,有心歡送既會夾架啦.冇參與過俾意見真係咁重要?
跟住acc堂,黎牌唔係教書.唉...跟住ue派番sec e,勁唔開心囉,測得奇差,份卷本身出既format好怪囉,睇鬼錯晒d野,原本唔係難架!
 跟住心情都一直麻麻.跟住食晏,諗住唔使划艇啦,點知又要,唉!上禮拜明明係輸左,但係出線又有份,唉!真係唔係好想划.跟住3堂m&s,有3個f.7既師姐同我地一齊上,因為佢地禮拜3要考呢科既公開試.
放學之後,擺低d書響longlong個locker度,就過圖書館度還書,過左期9日呀!$13.5!
 之後響果度撞到個好耐冇見既朋友,係豆豆呀!
 真係好耐冇見喇.傾左幾句咁啦.跟住就過去補習,直踩3個幾鐘,係補會考.跟住番屋企做埋個eng-class,竟然arm晒!真開心!
之後都冇咩野發生,咁就一日.
P.S.:一連補番幾篇日記,而家好鬼眼訓.
|
|
|
roy 於 2005-04-26 06:55 PM 發表：
話唔係咁講囉,咩唔夾呀?要講你就係我面前講,我唔夾唔係因為D咩原因,係我覺得你地好自把自為,你諗下,你地係咪16個人一齊達成共識,話送袋同CD俾關sir呀? 點解你地唔係搵齊16個人一齊問呢? 你如果出到去做野,老闆未開到口你就自己拿主意,後果會點?你話講心,好,就同你講心,你講心既,洗唔洗買D貴野送俾佢呀? 每人30,你識數學都知,16x30係幾多咖啦? 你估真係個個都係俾得出錢咖? 洗錢就容易,叫你自己搵下錢呀? 你講得係心,就不如俾關sir一份有心意既禮物啦...買蛋糕都冇所謂,但係你地又知關sir想你地送CD俾佢? 又知個袋關sir中意?如果我唔係問過其他人,我都唔知發生咩事啦....你諗下今日蘇sir講咩呀? 係考試場問200個考生開唔開冷氣,有一個人反對,就應該詢問返,何況呢個人係唔知咩事,你地係咪應該講聲呢? It is unfair...你講到唯有15個人分,我問你一句,佢地係咪人人都夾足30呀? 做野之前,唔該諗清楚,對任何人都公平...我講過我對事多過對人,你有咩事既你3口6面講清楚,唔好惡意中傷任何人啦....要話人既,你親口講啦...
|
網主回覆
我唔知我做咩要中傷你囉.咁我尋日朝都有問過你點解唔夾?咁都叫唔係3口6面?我冇親口同你講過呢件事?我知道之後都冇出過聲話你咩喎.咁你一個話唔夾,咁我咪叫其他人夾囉,事實上真係個個都肯喎,所以咪15個人分囉,有咩唔arm呢?既然你係覺得我地唔尊重你,咁我都承認,所以都冇同你再講話要夾喎.
我響日記度打番呢件事唔係想中傷你喎,我只不過講左話你同阿魚嘈咋喎.如果我要中傷你都唔使公開俾你睇到啦.我要話你就當時都同你嘈啦,事實上我尋日朝問完你,我都尊重番你意見啦,咁你唔夾我地都要夾番家嘛,唔係15個唔通幾多個呀?
如果你覺得我言語上有邊度係令到你覺得唔舒服既,咁我同你講番句對唔住啦,因為我真係唔係太識講野.今次件事反映只不過係我地溝通不足,我承認係應該同你商量,但係因為果陣時實在太趕,我地一放學就要去買,所以就同左d人講話聽日搞(即係星期五)fairwell,當時個個都話左夾錢就算,所以冇咩點詳細徵詢意見,所以係我地疏忽.所以我尊重你既不滿.
我真係冇要中傷你既意思. Posted at 2005-04-26 08:44 PM [ 編輯 ] [ 刪除 ] |
|
