今日照常番學,響半路我撞到細龜,傾左一陣,梗係催佢俾paper我啦!仲有幾日就放假喇,梗係趁呢個假期做啦,再唔做,死人架喇!唉.......其實,升左上黎之後,都唔知點解,究竟係d英文深左丫(事實上係),定係我d英文退化左呢(事實都係),U.E.真係好鬼難囉!睇今次考試就知啦,慘淡收場呀,真係想死左去.今次考番Syl.B都唔知掂唔掂,唉......

跟住上左兩堂Acc,果題都唔知咩數黎既,唔睇solution都唔知原來係咁做,真吹脹.跟住英文堂,個miss教得好鬼悶呀!佢一入到黎就話放完Easter之後就番黎測驗,我地梗係好震撼架啦(除左我)!跟住又唔知搞咩投票,搞一大輪,先至開始上堂,真係頂佢地唔順!其實測咪測囉,都唔知d人做咩反應咁大,嘈完唔使測咩!跟住兩堂Busi,又係我最敬重,最抵死既Connie,同平時一樣,佢都係咁搞笑.^^到左下奏,上上下M&S,唔知做乜又落去聽Seminar,真係好鬼mung囉!咁就冇左兩堂.

跟住放學喇,搵左肥教一陣數就閃人lu,因為d老師開會嘛!今日原本諗住叫miss fok印d lcci既paper過我,不過佢話冇quota,聽日俾隻碟我自己搞掂worr!唉....我都唔知點印出黎,唯有聽日響ca堂睇下印唔印到啦.

P.S.:今日小朱仲未好番,上個禮拜五已經係咁架喇!希望佢快d好番啦!到時再同我嗌過!^^聽日要對clc既問題呀!我都未有心機做,唯有慢慢黎啦!