今晚太興奮喇!

因為聽日唔使番學既關係,所以今晚約左d朋友仔出黎打邊爐!話時話,我地都好耐冇見下喇!當我一見到佢地果陣,真係莫名的興奮!

我地響酒樓度玩度鬼咁癲,一d避忌都冇,個feel真係好正呀!個個都玩到大癲大肺,已經咩都唔理咁滯喇!加上我地又嗌左d酒飲,搞到情緒更加高漲,個個都high大晒咁滯!尤其是係我呀!玩到癡晒線,最癲果個我諗都應該係我喇!我仲做左d比平時更加激既野添呀!^^

跟住都未食完,但係有兩個朋友走先,有d掃興添.不過唔緊要啦,之後再約過啦.跟住剩番果d就去左打機,又係癲左!之後又走多個,剩番3個,繼續玩!

玩到咁上下,都係時候走喇!真係好唔捨得呀!

唔知之後幾時會再見喇,可能要幾個月後!

真係好唔捨得呀!你地要多d同我聯絡呀!

今晚真係好開心,好興奮,已經好耐冇試過咁喇!多謝你地呀!

P.S.:最後得番我自己一個人番屋企,情緒終於靜番落黎.靜到連我自己都覺得有d可怕.歡愉過後,只遺下一絲絲的痛.