今日冇咩特別,但係就好眼訓,原因不在此說明.

其實今日一路上堂都冇咩事,但係到左晏奏英英堂就黎料.英英負責收禮拜六大學open day既回條,點知就點都收唔齊,d野一改再改,所以今日就發mung憎.今日我班的同學仔就咁慘遭毒手!唉....其實都唔怪得英英既,做教師壓力其實已經好大,睇黎今次佢真係要發洩.加上佢班d同學又係咁,所以咪mung囉.俾佢教左咁耐,今日都算佢發脾氣既第一次.睇黎佢壓力真係好大.跟住佢話要番屋企檢討自己,點解仲未去到"看山仍是山"的既境界.我心諗,談何容易呀?一齊努力啦,英英!"看山仍是山"相信係你同我既共同目標.

發完一輪火之後,佢依然擺脫唔到奸英既本色,今堂又是在歡笑聲中度過,正!今次既busi test依然好差,d數計錯晒,唉!其實我明點做既,但係唔知點解會做錯.

跟住放學,j仔叫左我同佢出望角買火牛,點知去到地鐵站check八達通餘額果陣,得番兩蚊!阿枝諗住借錢俾我入錢,但係我又唔想爭人錢,所以最後都係冇借到.同唔到你去喇,j!唔好意思呀!下次丫,一定同你去.

跟住都冇咩事啦,咁就一日.