| «‹ October 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2006 年 7 月 10 日 星期一  |
世界盃  |
分類: 未分類 |
琴日睇世界盃決賽--意大利vs法國(我撐意大利,但我細路就撐法國)開波無耐,法國就入左粒十二碼(施丹入嘅),跟住意大利好快就追番平,不過場波都幾好睇,兩隊係度鬥攻.90分鐘打完,就打加時,但係加時都無波入,施丹仲用個頭撞意大利d球員(鐵頭功),講波呀叔話係d意大利球員挑釁佢先喎(都唔知係唔係),結果俾旁証睇到,紅牌出場 ,但意大利就無事.最後搞到要互穿射十二碼,結果係意大利贏左,不過呢d賽果其實一早已經俾我估到.唉,又要等4年之後先至再有世界盃睇,一.一(有排等...........)
|
| 2006 年 7 月 9 日 星期日 |
理論  |
分類: 未分類 |
我深信大部分人都會經歷三禮:畢業典禮/結婚典禮/桑禮,
唔知大家同唔同意我嘅理論呢? |
| 2006 年 7 月 1 日 星期六 |
| 一.一 |
分類: 未分類 |
今日返少年軍,要幫手搞嘉年華d野,所以要12:00返到,無奈--午餐時間--叉燒飯一.一 ,食完,嘉年華就開波.不過由於未到我當值,所以就係休息室到同人捉象棋.估唔到勁耐無玩,依家同人玩都幾好玩.不過果度d人都好勁,所以我地都係差唔多成日都係一人win一盤.之後有個中5嘅人走埋黎話同我捉,跟住仲話佢自己好勁.一開頭我都唔係幾信,以為佢吹水,點知捉捉下,原來佢真係好勁,搞到我同佢吠住咬住,捉左勁耐.跟住佢就話唔得閒無捉,由個小5嘅人頂上,之後我同佢捉左好耐先win到.悶------->就同人出去試下玩d攤位遊戲,其中有一個遊戲係玩飛d拖鞋落呼拉圈到,勁白痴,真係估都估唔到d人技術咁差,下下瞄住d工作人員黎飛,跟住見到有個攤位係玩水槍嘅,佢嘅玩法係用水槍將d公仔由桌面射落桌底,點知支水槍唔夠水壓,射勁耐都射唔到,仲有人係度狂射d工作人員,低能....到左7:00,走得人,點知又落大雨,真係黑仔.... |
| 2006 年 5 月 25 日 星期四 |
| 一個笑到肚痛嘅下午 |
分類: 未分類 |
今日,我補習之後,就去同李俊傑,魚耀滔去商場個天台到踢波,我地得3個人,搞到成日要2打1,無奈一.一我地踢踢下波,有個衣著好[in]  嘅阿伯走埋黎,同我地講,話叫我地踢還踢,唔好踢到人,之後我地咪是但咁話[得啦!]踢左一陣,我地就半場休息,我諗住去廁所果陣,我見到地下有一條藍色嘅女性迷人底褲,我咪拾起佢,然後走埋去魚耀滔果到,同佢講,[魚耀滔呀.......]佢就問[咩事?]我就趁此機會═  ,將條迷人底褲掟去佢塊臉到,果時佢成塊臉都係汗,搞到條底褲痴實左佢塊臉,之後佢就狂爆粗,仲要係全天台嘅人都聽到,跟住我地愈踢愈勁,阿魚耀滔仲一下衝力射球將個波射左落街,我同李俊傑即刻走佬,因為個波係魚耀滔嘅  [待續.....]
|
| 2006 年 4 月 18 日 星期二 |
| 返大陸........... |
分類: 未分類 |
唔經唔覺原來我咁耐無打日記,前幾日返鄉下,坐車坐左成4,5個鐘,
 .............原來我d親戚勁有錢,係鄉下到住別墅(樓高3層),我係鄉下住左3日2夜,之後返香港,點知條橋斷左,要兜路行,車程成6個鐘,
...........返到香港之後,我地搭地鐵返屋企,當時我就坐左係個座位到睇電視,睇睇下,突然有個露[駁]少女(中4倒)走左埋黎,仲要企係個顯示屏前,我果時真係唔知望邊到好,一係就望地下,但係咁反而無私見有私,但如果望顯示屏,我就會十分唔好意思,
 shit!!!!!!!!!好彩我細路係呢個咁緊急嘅關頭攞部psp出黎掩護我,真係唔該曬........
 |
« | 1 | 2 | 3 | 4 | 5 | 6 | 7 | 8 | »
|
