睇左呢篇野既人..可能會覺得我好衰仔..
不過我都係要打..我明知妳睇吾到先會係度打出黎
可能係因為我無咁既膽量去面對妳..
就好似某人比我既藉口一樣.."我無想像中咁愛妳"
我發覺我自己真係好衰..想當初我只係希望同班人爭贏..
而揀左妳..雖然一開始我覺得呢段感情係無錯..
可惜相處得耐就清楚我地大家係咩人有咩性格..
我只可以用"吾夾"呢2個字黎形容..最好加多非常2個字係前面..
無論係日常行街食飯既地方..又或者係傾電話msn既對白
甚至係我地大家心裡面諗既野..都係非常之吾夾
雖然為左遷就妳我已經咩都比妳話晒事..
不過妳同我諗既唯一1樣野係相同..就係妳都想遷就我
但係好可惜..世事就係咁..就係因為呢樣我地唯一相同既野..
就成為左我地之間最大既障礙..我講出我既諗法既同時..
我睇得出..妳既表情話比我知係十分之吾認同我..
而跟住落黎既就係妳既無理取鬧..
可能以上既野好似我無錯咁..但係事實上我係有錯到..
聖誕, 妳生日, 情人節等等既大日子..我都無好好咁準備節目比妳
更加吾洗講咩驚喜..而事後我只係用番工忙..放工累..聽日番早等等既藉口比妳聽
直到而家呢一刻..我先發現我同妳都係為拍拖而拍拖..
而吾係為中意對方而拍拖..
吾係話邊個變左心..而係諗吾到有咩理由去繼續呢段吾會有結果既感情
我寧願單身..